اخوي نظرتك قاصرة جدا جدا جدا عن المراة وهذا ما التمسته من خلال ردودك

فصورت المراة على انها كائن "بيحب على روووحه"

يعني لو شافت راجل قلبها هيفز .. اي راجل مهما كان

طيب ولو الست زي ما انت شايفها كدا ولازم تتحبس،، وهي اساسا مفطورة من ربنا على اعمار البيوت وتهيأه جو مناسب لأطفالها مهما كان سواء بتحب جوزها او لا

يعني غريزة الامومة عندها بتغلب على مشاعر الحب الفظبع

طيب فمن باب اولى اننا نحط الراجل في علبه ونقفل عليه لإنه كائن تحركه شهواته بالمقام الاول ..

يعني دوما وابدا يا اخ رجل حليم احصائيات الخيانة والعلاقات بتكون نادرة الوجود في النساء او بنسبة ابسط بكثير من الرجال .. فياريت تعيد حساباتك

وتوقعك وثقتك ان الست كمان هتفضل تحبك مهما عملت ومهما بذلت

وتوقعك وثقتك ان انت طول عمرك هتفضل تعمل وتبذل حب وخلافه دي نظرة ضيقه جدا

لإن الحياة الزوجية مش بتسير على وتيرة واحدة ابدا فيها مرتفعات ومنخفضات ،، والمشاعر بتعلى وتنزل

ولو مع كل هبوط بقينا عايشين (الراجل او الست) في رعب من الخيانة او حتى ان احنا نخون يبقى في شئ مش سوي في النفوس اصلا وضعف ايمان

لو طبيعة الزوج انه بصباص وقلبه ميال نحو النساء فهو لن يتغير ،، ولو بعزله بجزيره مهجورة ،، ولو كانت زوجته حور من الدنيا

وكذلك المراة ،، لو فيها الحته دي وضعيفه وقلبها ضعيف فعزلها لن يفيد،، ولو قدم لها زوجها ملذات الدنيا بيديه

وهو ده الانساااااااااان اللي ربنا خلقه ،، يشوف ايه اللي مش عنده والمحرم ويصر عليه ،، دي هوى النفس ،، وتجسيد لضعفها وعدم الرضا

وموضوع القلوب ومافي دواخلها

خليك على يقين ان ربنا مقلب قلوب يقلبها كيف يشاء وانك مش رقيب على حد وده في ايد ربنا ،، ولا حتى في ايدك انك تحاسب انسان على مافي قلبه ،، ولو بذلت كل السبل

العالم وان كان يمكن اغلاقه بوجهة نظرك ففتحة شباك قد يكون مدخل للخيانه..

يعني لو في ارمله او مطلقة او ارمل او مطلق واتجوزوا بالحلال ولسة في قلبهم شئ ما من زواجهم السابق يبقى نرجمهم ونعلق مشانق ؟؟!!!!،،

ولا نحكم عليهم بالعيش في وحده وشقاء بسبب مافي قلوبهم ؟؟؟!!!!

هل نتهمهم بالخيانه رغم انهم كانوا بيمارسوا حلال ربنا .... ؟؟!!!

تفكيرك صعب شوية من ناحية مافي دواخل القلوب

الحكاية ابسط من كدا بكتير ،، انت بتعيش حياتك باعتدال ،، لا افراط ولا تفريط ،، وبتراعي ربنا في شؤوون حياتك وتعمل عقلك ،، وتسيب حمولك على الله ،،

واللي بيغلط بالفعل وبعلامات الزنا المعروفة بيغلط في حق ربنا وحقه قبل كل شئ .. وجزاؤه معروف

والدنيا فيها الكويس والوحش

واللي بيشيل قربة مقطوعة بتخر فوق دماغه