طيب اعملو الي كان نفسك فيه هلأ
روحو شهر عسل وحطو سيراميك وتناقشي مع زوجك انو بما انه ندم على افعال اهله خليه يحطلهم حد في تدخلاتهم
مو هما الي بيجو يلزقو فيكي لما يجو عالمدينة الي انت فيها ولا انا غلطانة
الله يعينك
بس عشان اخفف عنك شوفي انا كيف كان عرسي
زوجي كان برة وماقدر يرجع نعمل العرس عشان ظروف البلد السياسية خاف يجي ومايقدر يرجع الشغل بسرعة يطردوه ولا شي
عملت حفلة عرس لوحديييي يعني عروس ولابسة فستان وطرحة و معازيم ولحالي
روحت من العرس على بيت اهلي عشان كنت ماما حتوصلني احنا من غزة وسفرنا غير نطلع المعبر وبالسيارة 8 ساعات للقاهرة بعدين نروح المطار
فكانت امي حتوصلني للمطار وترجع
فرجعت بيت اهلي
يعني عروس ترجع بيت اهلها ليلة العرس مو قوية ههههههههههههه
وسافرت بهدلة سفرنا تعب وقرف ومش قطعة من العذاب بتقدري تقولي بلوكات عذاب و قططططع مش قطعة
ولما سافرت لزوجي استقبلني احلا استقبال ولانو متوظف جديد في الفرع اخد اجازة 3 ايام وراح بعدين الشغل
وماطلعنا شهر عسل ولا شهر بصل ولا غيرو
وها قد مر على زواجي 3 سنين و 3 شهور وماسافرت ولا رحت ولا جيت ولا شفت اهلي و لا طلعت سياحة داخلية في البلد الي انا فيها
يعني السياحة عندي بروح الحديقة والمول والجيران وزيارة عائلية كل كم شهر ههههههه
ومع هييييك انا سعيدة ماشاءالله تبارك الله رغم الظروف الصعبة
واقول زوجي حنون ويستحق تلك التضحيات يعني لو طلعت شهر عسل ورجع يقرفني انبسط؟
اكيد الواحد بتمنى ياخد كلو شهر العسل و المعاملة الحسنة والعرس الاسطوري ولكن الحياة ماتمشي هيك
اتمنى اعمل كل الي كان نفسي في لكن مو كل اشي الانسان بحصل عليه وفي اولويات لو توفرت الواحد بنسا الباقي
فالحمدلله عملتي عرس حلو
هااااااااااااا شو قلتي اكيد بتقولي انك عملتي الي نفسك فيه اكتر مني
هلأ انا الي حغار منك هههه
بعدين الحمدلله انك انحرمتي من شهر عسل مش من اشي جوهري
انحرمي من شهر عسل وزوجك يكون كويس ولا تاخدي شهر العسل وزوجك يطلع مقلب و ابتلاء؟
موفقة حبيبتي
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت