السلام عليكم ورحمة الله وبركاته
احتاج مساعدتكم في مسألة الغيــــــــــره
طبعا غيرتي ما اقصد فيها على زوجي لااا
انا غيوووره جدا من نواحي ثانيه
راح احكي لكم عن بداية زواجي اللي سبب لي هالمشاكل وهالاحساس القبيح - الغيره-
طبعا في البداية مثلي مثل اي بنت تحلم بالفستان الابيض وشهر العسل والزوج الحنون الطيب
تقدم لي قريبي ووافقت لأنه الحمد لله فيه كل الصفات اللي احلم فيها
في ايام الملكه اقترحت عليه شغلات يعملها في البيت
مثال >>>> قلت له بدل ماتفرش البيت حطه سيراميك لأنه انا احب السيراميك ويعطي فخامه للبيت وخصوصا اذا كانت شقه صغيره يوسعها
قال اوكيه راح افكر
بعد يومين دقت اخته على امي وقالت لها انه راح نفرش البيت وماراح نحط سيراميك
لأنه اخوي مايحب الازعاج واذا نام راح يسمع خطوات بنتك على السيراميك !!!!
امي قالت على راحتكم
ورجع وقالي انه راح افرش لك البيت بموكيت غااااالي >> وفعلا صادق كان غالي بس الله يهديه النقشه حقته موب كويسه يعمي العين من كثر النقش ولونه بني غامق يكتم على النفس
وبصراحه سكت وقلت سوي اللي تبغاها ياحبيبي مافيه مشكله
وكنت متوقعه انه راح نقضي شهر العسل براا >>> حلم البنوتات
سألته وين راح نقضي شهر العسل
قال جوا المملكه !!
قلت له ليش ياحبيبي مانخليها برا احلى وناخذ راحتنا مع بعض اكثر
قاال راح افكر >>> هالتفكير مصيبه
واقترحت عليه دوله موب غاليه بس كنت اتمنى اسافر لها من زمان
ودق علي بعد يومين وقالي لاااا مافيه طلعه برا
رديت عليه وقلت له طيب انت دايم تسافر برا ايش اللي اختلف اللحين
قال خلاااص حجزت جوا الملكه على 3 مدن وصدقيني اني دفعت كثير عليها
قلتله حط الفلوس في شي انا تمناه ولا تضيعها على شي متعوده عليه
رفض رفض تام
وسكت وماسببت له اي مشكله
وجا يوم الزواج وتزوجنا ولله الحمد وعلى اساس راح اسافر بعد يومين
واحنا رايحين للمطار قالي زوجي ترا اهلي سبقونا !!!
سألته كيييف!! قال راحو لنفس المدينه اللي احنا رايحين لها
انا من الصدمه سكت وقاعده بس اسمعه وهو يقول لي هناك راح نزورهم زياره وحده علشان تسلمين عليهم
ما اخفيكم من الصدمه اطرافي بردت وماقدرت انطق وكتمت بصدري
وصلنا هناك وزوجي ما اعجبه الفندق اللي حجزه عن طريق النت وقالهم راح يغيره وتهاوش معاهم ورجعو له الفلوس
ودق على اخوه وقال تعال خذني لأني بدور شقه غير
مر علينا اخوه واخذنا ورحنا على طول لشقة اهله وسلمت على الخاله والبنات وابو زوجي
وماعاد شفت زوجي طلع اربع ساعات
وبعدها رجع وقالي امشي لقينا شقه
رحنا للشقه وما اعجبتني بس سكت كانت وسخه ومكركبه وفوق كذا غاليه
اليوم الثاني لما صحى زوجي لقا مكالمات من اهله لم يرد عليها ودق عليهم قالو له احنا طالعين للمكان الفلاني تعال انت وزوجتك !!!
قال البسي راح نطلع لهم
سكت >>> تعرفون عروسه واستحي
اليوم الثاني نفس الحركه صارت
اليوم الثالث نفس الشيء
وانا اتقطع وانجرت عليه وقلت له عيب اللي تسويه انا ماجيت هنا علشان اجتمع مع اهلك جيت علشان اوسع صدري
هذا شهر العسل اللي كنت احلم فيه ما اسمحلكم تخربوه علي
طالع لي بكل استحقار وقالي والله ما ازعل اهلي واكسحهم علشانك وانتي شكلك تبغين تسيطرين علي وانا واحد نظامي نظام رجاجيل ماعندي حركات شباب هاليومين شهر عسل وخرابيط
وانا مصدووومه
وسكت بعدها وصابني حزن الله الوحيد هو العالم فيه
اطلع معاهم للملاهي اشوف العرسان مع بعض يلعبو وانا مع اخوات زوجي وزوجي مع اخوانه
حقدت على ام زوجي لأنه عاجبها الوضع جدا جدا ومافكرت تقول لولدها اطلع وسع صدر بنت الناس
المشكله انها ماترضاها على بناتها
قعدت الله يسلمكم على هالحال 3 اسابيع من درجة الحزن صرت اصحى بالليل وانا اصرخ واحلم بكوابيس
رجعنا لبتنا وانا احس اني عجوووزه موب عرووس
رجعت وانا حاقده على وضعي
رجعت وانا اكره اهل زوجي
المهم بعد رجعتي بشهر اهل زوجي عملو حفله بمناسبة زواجنا وياليتهم ماعملوها >>> ذوقوني انواع الذل
اولا ما اعطوني بطاقات حتى لو شوي اعزم فيها صديقاتي
ثانيا قالو ماراح نعزم عماتك حضورهم ماله داعي
كلمت زوجي وقلت له ابغى بطاقات اعزم صديقاتي وعماتي
انا اللي اعرفه انه طبع العوايل يعطون زوجة الولد بطاقات تعزم فيها صح؟
بس زوجي الله يهديه قال انا مالي شغل كلمي اختي
قلت لأمي لأني استحي من اخته كبيره وام عيال
وكلمتها امي وقالت لها لاااااااااااا
قالت امي ليش ؟
قالت احنا كذا راح نعزم على كيفنا وبصراحه امي زعلت وبعدها حسو على دمهم وطبعو بطاقات زياده وارسلوها لنا بس كانت شويه
وماكانو كاتبين فيها اسمي او حت كريمة فلان بن فلان
بس كاتبين يسرنا دعوتكن لحضور حفل زواج ابننا الشاب فلان بن فلان وبس
وانا طيب وين !!
على الاقل ابوي ياناس كتقدير واحترام له وللحيته !!!
حضرت الحفله وكنت مرررره احس بمراره في قلبي
احسها موب لي
كنت اتمنى صديقاتي معي !! لكن....
بعد الزواج قامو يسبون في الناس اللي احنا عزمناهم ....!! طيب ليش ما تخلون الوضع يمشي طبيعي وتخلون زوجة ولدكم تستانس
الا يبغون ينكدون علي
وبعدها بفتره جاني خبر انه اخت زوجي هي اللي قالت له لا تسافر برا بداية زواجك سافر جوا المملكه
طبعا اللحين زوجي متندم كثييير جدا وقالي انه ماتهنى بداية الزواج وانه كان نفسه يكون شهر العسل لنا لوحدنا وتأسف لي وعرف انه غلطان لما سمع كلام اهله
متى عرف انه غلطان؟؟ لما شاف اصدقائه يسافرون مع زوجاتهم لبرا لشهر العسل
قال ليش انا فوت هالشي مع انه كان بإمكاني ارووح وانا غلطان لما سمعت كلام الحريم >> يقصد امه واخواته
والحمد لله انه معترف ومتندم هالشي خفف عن قلبي جزء من اللي فيه
نجي لسالفة الغيره
انا من جد متعذبه لو اسمع انه وحده تزوجت وسافرت مع زوجها لبرا >> انجن مو من حقد لا والله اقول ما شاء الله واسمي عليهم بس شي غصب عني
لو اشوف بطاقه مكتوب عليه اسم العريس والعروسه >>> واااااوووو اقعد ابكي واتذكر البطاقات الغبرا
انا رومانسيه واحب هالحركات يمكن تحسبوها بسيطه بس بالنسبه لي شيء خيالي
اخوي زوجي زواجه قريب اااااااه ياقلبي لو تشوفون ايش عامل وايش اهله عاملين له ماشاء الله عليه الله لا يضره
حاجز له بعد زواجه بكم يوم راح يسافر لبرا
وكاتب اسم زوجته بالبطاقات بشكل حلووو مرررره
وشقته مسويها سيراميك
وعامل كل الاشياء اللي تبغاها زوجته
ما شاء الله عليهم
وانا .... قلبي مليان غيييييييييييره
ما ابغى احسدهم بس احسه شيء طبيعي من قلبي
تصدقون ايش نفسي
نفسي ارجع اتزوج زوجي ونصلح هالاخطاء اللي صارت لنا
واخليه يكتب اسمي بالبطاقات ويعترف بوجودي
وش اسوي يا أعزائي بهالغيره
هل انا طبيعيه ... والا حقوده؟؟
اكبر همي اني اطلع حقوده ... كل ما يجي احساس الغيره في قلبي اعاتب نفسي واقل انتي حقوده!!
دلوني على الطريق الصح ايش اسوي وكيف اتخلص من هالغيره
كرهت اهل زوجي بسبب حركاتهم
كل ما اتذكر اصرارهم انه نسهر معاهم ايام العسل لدرجة توصل الساعه 1 بالليل ومارجعنا للشقه وزوجي مطاوعهم احتررق من جوا
تجيني اوقات اوقف فيها قدام المرايه واقول لو انا متزوجه واحد ثاني راح يخليني اميـــــــــــره
وبعدها ارجع ابكي لاني احب زوجي والوم نفسي على هالاحساس
وياليت ترجعون لموضوعي السابق اللي كتبته عن تدخلاتهم في حياتي
انتظر ردودكم لعل وعسى تنتهي معاناتي مع البكاء والغيره على ايديكم
29-06-2010, 07:30 AM
ضوابط المشاركة
العرض الشجري