ياحسره وش نقول بس
انا زوجي عمره ماعطاني مصروف في الملكه ولا عمري تجرأت وطلبت حتى جوالي عمره ماسدده لاني اخجل اطلب
جرااااءه

__________________
اللهم اغفرلي ولوالدي وارحمني واسكني فسيح جناتك ياحي ياقيوم

أعتقد أن هناك من أهلها من يدفعها لقول ذلك ,, ويوجهها ,,

أستبعد الأب ,, لكن ربما والدتها ,, والله أعلم ,,

__________________

سبحان الله وبحمده

سبحان الله العظيم

يا اخي لايكلف الله نفس الاوسعها, اهم شي واللي لازم تنتبهله انك ماتعودها على شي انت ماراح تقدر تكمل عليه وانا معك انه غريب اني اصرف على خطيبتي في بيت اهلها.

اول شي حاول تفهمها وضعك زين وتقولها ان هذا اللي عندي ولاتطلبين مني فوق طاقتي واذا ماصلح معها الحوار كلم ابوها او امك تكلم امها والا فالحزم الحزم ((لا))

اعتقد انه من المفروض لاتصرف عليها حتى تصبح زوجتك رسمية

وشكلك مرخي حبتين وصحيح الهدايا حلوة بس مو تشترط في نوع الهدية وتتجرء

سخركما لبعض

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

بصراحة واضح عليك انك مومقصر ابدا وكمان تسدد له الفاتورة ؟؟
احس ان خطيبتك فى احد وازها يعنى معبيلها راسها او انها تقلد صديقاتها او قريبااتها
صدقنى الحل بسيط جدا وزى ماهى كلمتك بصراحة انت بعد كلمها بصراحة وقول لها ما عندى
وايام وتنتسى المشكلة
المشكلة ان بعض البنات لازم تحس ان الرجل هو فقط عشان يصرف عليها !

__________________

السلام عليكم ورحمة الله وبركاته قبل ارد على الاخ صاحب الموضوع احب ان اعلق على كلام بعض الاخوات وردودهم ومن هم الاخت حرم المعلم اللي تقول بردها انا بصراحه استغرب من جراتها الزايده والخ الله يهديك اختي حرم المعلم اول شي هذي زوجته ومفروض ماتتكلمي عنها بهذي الطريقه امام زوجها حطي نفسك بموقفها هل ترضين وحده تسبك امام زوجك اعتقد والاكيد لا فرجاء من كل العضوات اللي بتضيف رد للاخوان تحط نفسها بالموقف قبل ان تجرح بالكلام فاتقن الله حتى بردودكن واسفه اذا قسيت بكلامي بالنسبه لردي على موضوع الاخ اول شي اخوي هذي زوجتك ومافيها شي لوطلبتك جوال ومصروف اولا هي حابه تتدلع عليك حابه تحس انو في شخص يلبي رغباتها وطلباتها هي اكيد والمصروف بنظري شي ضروري والمهر حتى لوانك معطيها مبلغ كبير مااعتقد بيكفي في هالزمن لانو كل شي غالي فراجع نفسك اخوي وهذي اولا واخيرا زوجتك وفي ذمتك ومجرد ان كتب العقد فهي في ذمتك وكل شي يخصها انت مسئول عنه سواء الاكل والشرب وغيره وحتى لوكانت في بيت ابوها هي الحين تنحرج تطلب من ابوها لانها بذمتك وانت مسول عنها فلاتكسر بخاطرها عشان اشياء بسيطه وتستطيع ان تدبر هذي الامور اجلس مع نفسك وحط ميزانيه لمصروفها بحيث انك ماتقصرمعها ولا تضغط على نفسك فوق الطاقه انا من رايي تفاجئها وتشتري لها الجهاز اللي تبيه وتكلمها وتقول بالنسبه للمصروف لاتشيلي هم انا تحت امرك انتي زوجتي ومافي شي يغلى عليك والله يوفقكم ويسهل عليكم

نحن عاداتنا الزوج ينزل راتب لزوجته وقت الملكه
بس زوجي ما كان يدفع فاتورة تيلفوني
كنت ادفعها من مصروفي اللي يعطيني اياه
لكن لو اموت ما اطلب منه شي...ما دام في بيت ابوي

__________________

شوف خيو ...

زوجتك جاهله بطلبها لانها ما تسوى 4 شهور بس بتعطيها فيها 2000 ..

لو انها مكاره كان قالت لك ابي الشيء الفلاني بس ميزانيتي ما تسمح ... ويكون مبلغه فوق 2000

عطها على هواها ...

لان المرأه تحب الرجل الكريم ... هذا غير انها بتعتبره ..من ضمن حبك لها ... يعني لو عطيتها تحبها ... ولو ما عطيتها ما تحبها ..

خيو ..

الواضح انها شايله هم انها لو تزوجتك بكره انك بتعطيها مصروف ولا لا ...

عشان كذا هي حابه تعلمك انه شيء مفروض عليك ... وتتعود عليه ...

باختصار .. انت قول لها ..

انك فاهمها وفاهم تفكيرها ... وانك عارف انها خايفه بكره ما تعطيها مصروف ... لكن عشمها بانك راح تعطيها لو صارت في بيتك..

وقول لها هذا ما يدل على الحب او غيره ...

واخيرا وضح لها ضروفك ... وانك انت بحاجت الفلوس ازود منها والحياه تعاون ...

اذا اقتنعت ولا عطها ...

وبالعاده البنات يجون بالكلام الحلو ...

ونصيحه لك قلل المكالمات لان ما وراها الا الطلبات ... ولا تخلي مثل هالمشاكل تكون حاجز بينكم

__________________

مشكوره أختي والله ماني مقصر معها حتى ما اخليها تكلمني اذا اتصلت , اعطيها بيزي وارجع ادق عليها علشان ما اصرف عليها


بارك الله فيك