نسيت أقول لكم إنه يدور المشاكل ويصارخ ويقول تعبت من المشاكل طبعا تدرون وش المشاكل أشياء تافهه أنا إنسانه أحب الهدؤ ماأحب المشاكل وهويدور عليها مثلا تعشينا ونمت يجي اليوم الثاني صراخ والله ثلاث مرات يناديني ويسب فيني عشان إيش؟؟؟..لأني يوم نمت ماغسلت صحن صغيرون وعشان فيه سكين صغيرة كنت غاسلتها ولاحطيتها في مكانها في الدرج!!!...قلب الدنيا وقعدها مرة عشان إيش؟؟؟..أخذني للحمام ويوريني عشان البزبوز(الصنبور)عليه موية طبعا كنت غاسلة الحمام(الله يكرمكم)من كل قلب وريحة المنظفات والمطهرات إلا ريحة النظافة تفوح منه...لكن؟؟؟!!!.....أهتم فيه عمري ماأزعجته بشئ لكن للأسف؟؟!!!!

كأنك أعطيتيه وجه << مع إحترامي

الله يعينك والله التعامل مع هذا الزوج مره صعب وشكلك يمكن دلعتيه اول زواجكما وهو اخذها نقطة ضعف

حاولي ما تجعليه محور حياتك يعني لاتسألينه عندما تلبسين عن لبسك يعني زي الامور وانتي استمري في لبسك واهتمامك بنفسك

اعانك الله وفرج كربتك وسخر زوجك لك

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

سبــــــــــــــــــــحان الله


عندما تــــــــــجد تقصير - واضــــــــــح - من زوج أو زوجة....

تستغرب وتتعجــــــــب أشد العجب



لكن سرعان مايزول هذا التعجب ....عندما ترى أحدهم مقصرا في حقوق ربه قبل ذلك

وهذا الذي استشفيته من زوجك .... محادثات مع نساء وتهاون في الصلاة


أسأل الله أن يهديني ويهدي زوجك ويهديك ويتوب علينا

ويرينا جميعا طريق الحق.....ويجعلنا في مستقر رحمته

من جد كلام جداويه وافتخر أعطيتي زوجك أكبر من حجمه

كبرتي راسه شكلوا بينه وبين نفسه يقول حرام أنا فيها من كثرت أهتمامك وحرصك عليه

أنا مو ضد أنو الوحده تهتم وتحب زوجها بس بصراحه بعض الرجال أو أرى الآن الاغلبيه مايقدر ومايثمن هالشي من زوجته

حبيبتي كل شي يزيد عن حده ينقلب ضده000

الظاهر زوجك يحب ويسعى للمرأه بعيده المنال الصعبه الثقيله الغامضه 000

وكمانه الواضح عليه أنو شخصيه ملوله تسعى للتجديد لا أنتي ولا غيرك يملى عينه00

ولو أنو مع ملكة جمال الكون بيطير فيها كم يوم بعدين بيحس أنها مثل الهم على القلب وبيدور على غيرها000

عزيزتي تعاملك مع زوجك يحتاج الى حنكه وذكاء وقوة قلب وفن في الردود000

نصيحتي لك سوي بحث بقوقل عن ناعمه الهاشمي وأنماط الشخصيات وعن قصص وحكايات ناعمه الهاشمي

وحتلاقي أجوبه عن أغلب أسألتك

واستعيني قبل كل شي بالله والدعاء

الله يوفقك ويهدي زوجك

ودمتي بود

__________________
(سيدة الموقف)
لم ننساك ونسأل الله ان تكوني أنتي وأولادك بخير

طب لايكون متزوج عليك وأنتي ماتدرين ؟! .. (مجرد احتمال لاتوسوسين)
عندكم عيال ؟ .. العيال ممكن يلطفون الجو شوي ..

__________________
وظلم ذوي القربى أشد مضاضة

اللي تقول عطيتيه وجة من الأول ودلعتيه حنا أصلا تونا في البداية ماكملنا سنة والمصيبة إنه تقريبا من ثاني يوم مل مني...ولاأحس إنه يشتاق لي إلا إذا سافر ورجع طبعا من أول ليلة ويروح الشوق
واللي تقول إقرئي عن ناعمة الهاشمي قريييييت ياأختي ماخليت شئ لكن زوجي واضح مايملا عينه شئ واللي تقول يمكن متزوج مستحيييل زوجي وأعرفة أصلا حتى لوتزوج بيمل منها قبل الشهر يخلص ويطلقها!!
أطفال ماعندنا وأنا بصراحة خايفة مابي منه عيال والله مرة جالسة أسولف مع وحدة من صديقاتي ونتكلم قلت لها أنا دايم عندي إحساس إنه بأي لحظة بيرميني عند أهلي..قالت مصيبة إذا تنامين وتصحين ولافيه آمان ولاأنتي واثقة منه!!
تصدقون لما أشوف منه شئ يزعل وأكتب له رسالة وسائط يعني أشرح له الغلط وحاجتي واللي أبيه مايمسح الرسايل يقول عشان أي شي يصير أوريها أبوك!!..رغم إن الرسالة كل اللي فيها كلام واقعي ولاأغلط عليه ولاشئ بس بعض الأمور بين الزوجين مولازم أحد يعرفها!!...وأناأكتب له رسالة لأنه عصبي مايسمح أني أناقشة وإذا قال تكلمي يقولها بصراخ ويحطني بأجواء رعب!!..المصيبة إني متعلمة وفاهمة للحياة الزوجية وأقرأ كثير ومتربية بأسرة مثقفة متدينة هادئه كل فرد يسعد الآخر نحل أمورنا ونقضي أمورنا بسرية دون علم الآخرين ..الحوار والنقاش الهادئ أساس الحياة المريحة لكن إبتليت بزوج لا يريد المسؤولية زوج كئيب لوتحضرون له لوحة جميلة بيجلس يبحث عن أي نقطة سوداء لاترى إلا تحت المجهر ليبدي رأية فيها...
أنا حاسه إني عايشة مع رجل في بيت بدون شبابيك وأبواب أتستطيع زوجة أو زوج العيش في بيت مفتوح والكل يراهم؟؟!!!
أرجوكم إنصحوني شورو علي؟...أنا في حيرة..والله العالم بحالي؟؟..أحيانا أقول أتطلق وأرتاح لكن المشكلة إني أحبة ماأقدر حدي أسبوع وأنجن إذا ماشفته..رغم إني عند أهلي أنبسط وأرتاح عندهم أكثر من الراحة عند زوجي لكن ماأدري محتااارة؟؟

الله يعينك ويفرج لك

سؤال إنتي معطيته اكثر من حجمه ومتغاظيه عنه كثير ليش ماتحسسينه إنك كاشفته وعارفه البلاوي اللي يسويها وأتمنى إنك تحتفظي بأدلة ملموسه مثل ماهو يحفظ رسايلك ما يصلح له إلا مثل اسلوبه حس إنك ظعيفه ةتتاثرين بنقده وتدورين رضاه وانبسط على هذا الشيء وقام يزيد ويستمته لا بد يحس غنك واثقة من نفسك وقوية وعارفة عيوبه واخطاؤه يمكن يختشي ويخف

اختي ...

اسال الله في هذه الجمعه ...ان يسخر لك زوجك..

حبيبتي ... اولا لازم زوجك يتعلق بربه ... وهذا بالدعاء ... وبقربك انتي من الله ...

ثانيا ... كيف حالك معه في الفراش ... هل يجافيك كثير ؟

قد تكون نقطه مهمه تلك

اذا كان مقصر معك من ناحيه الفراش ... او كان ينقل كل كبيره وصغيره لاهله ...

اتهميه بقلت رجولته ... وان طبع الرياجيل الصمت وكتمان السر ...

وبالنسبه للعطوورا ... عطي عطوراتك لاهلك ... وخليه ينزل معك ويشتري لك ...

شيء اخر لا ترسلين له اي رساله فيها سب ... او انتي امسحيها على طوووووولاول ما تقابلينه ..

وبعدين لك الحق تعرفي ارقامه السريه... لكن لا تبحثين وراه

من الاخر اثقلي عليه ... وامسكيه بالفراش .. بس

__________________