08-03-2009, 10:55 AM
11-03-2009, 10:45 PM
11-03-2009, 10:50 PM
|
المشاركة الأصلية كتبت بواسطة جناين ورد2008
بكرة اذا نقل لك مرض وانحرمتي من عيالك واهلك وكل الناس تصير تتجنبك ساعتها ماراح يفيدك حبه وبدال ماتقولي احبه اموت فيه راح تسبي وتلعني وتتدعي عليه كمان ..
الحقي نفسك وعيالك والله مافي رجال يقدر يتحمل العيال ولا ليلة وحدة وبالنسبة لتهديده لك صدقيني مايقدر يسوي شي اولا لانه ابوهم ماراح يطاوعه قلبه وثانيا في قانون يتعهد انه مايلمس شعره فيهم السالفة مو لعبة .. بس احسك انك تبغي سبب يخليك معاه والا واحد زي هذا اول ما اشوفه راح استفرغ من الكلام اللي كان كاتبه للمومسات .. .................................. |
11-03-2009, 11:16 PM
12-03-2009, 09:45 PM
|
المشاركة الأصلية كتبت بواسطة باريسا
يعلم الله اني كنت احاتيك .. وافكر فيك
صدقيني ما عرفت أنام ذيك الليله من الانفعال حبيبتي ما اعرف شاقول لج بس بليييز لا تنفعلين وااايد مب زين جلست اليوم الثاني وانا افكر فيكي واقول في نفسي شلي طيح هالمسكينه في هالبلوه .. والمشكله ما تاكلها إلا الضعيفه عموماً زين سويتي كلمتي اخوك .. هو سندك وهذا هو ما قصر نصحك وقالك وبين لك انك غاليه عند اهلك والنعم فيه ما قصر .. وطبعاً أنا فهمت انه ما يبي يدخل عشان الموضوع ما يكبر هو كان معصب في البدايه و قال انا باخذج انتي و عيالج هو مفكر ان ما عندج اهل!! بس بعدين خلاني على راحتي والحين انتي مثل ما قال اخوك حاولي معاه بالهدوء عسى الله يهدي قلبه . . لأن فعلاً العصبيه والصراخ تخليك تعاندين غصب حتى لو انك تدرين ان هذا الشي غلط .. انا هالايام صايره عصبيه بشكل غير طبيعي يمكن تأثير الحبوب، امس كنت ابي اكلمه بموضوع و كل شوي يقولي انطري 5 دقايق و بعدين انا تنرفزت و قعدت اصارخ بشكل هستيري و القهر بعد ما استفزني قالي يللا شنو الموضوع اللي تبين تقولينه حاولي انك تجذبينه للدين بطريقه غير مباشره يعني مثلاً سأليه عن شي في الدين شنو حكمه .. قولي له انا نسيت ركعه في صلاتي او شي سهيت عنه في الوضوء مثلاً شنو حكم صلاتي .. خليه يروح يسأل الشيوخ عن اشياء .. يعني حاولي تقربينه من هالجو قولي له في رمضان الي فات صار معي كذا وكذا .. شنو الحكم اعيد الصيام شوي شوي راح يحس بأهمية هذي الاشياء وان والدين مو لعبة ولا على كيفنا وعلى الزنى .. لا تجينه كذا في الوجه ... لا تعالي بطريقه غير مباشره يعني مثلاً : قولي له صار نقاش بيني وبين صاحباتي أو نقاش في النت على شنو حكم مصافحة المرأة الأجنبيه للرجل الأجنبي .. طبعاً انتي سوي نفسك ما تدرين ومو عارفه ..وانك تبين الاجابة عشان تردين على صاحبتك طبعاً انا ليش جبت لك هالمثال .. عشان مخه يعمل مقارنه بين مجرد المصافحه والزنى بس انتي لا تبينين له هالشي خلك طبيعيه وغشيمه ما تدرين عن شي صدقيني ضميره شوي شوي راح يصحى .. و راح يبدأ يفكر ويصحى من نومة هالضمير والسبات الي هو فيه يعني انتي عليك بس اشارات عشان تصحين ضميره .. وصديني النفس اللوامه راح تشتغل عليه ولا راح يقدر يستقر إلا لما يرجع لطريق ربه ... افكارج حلوه بس ان شاء الله اقدر اسيطر على نفسي خليه ينتبه بس بطريق غير مباشر أن الدنيا مو دايمه لأحد وبأي نفس طالع والا نازل الواحد ممكن يفارق الحياة لكن شنو فايدة الدنيا ومتاعها اذا خرجت الروح على معصية خليه ينتبه لبنته الي يحبها ومتعلق فيها .. أن الله ما يبتليها بعيال الحرام يحومون حواليها اذا كبرت انتقاماً منه قولي له قريت في المنتدى مثلاً قصة كذا وكذا .. مثلاً اذا الادارة تسمح لي قصة ( رجل حزين جداً ) شلون هذا الرجال ما زنى ولا شي بس مكالمات ومعى هذا خايف من الله وخايف ان الله يعاقبه في بناته لو تزوج .. وهذا هو مو متزوج ويحاتي وخايف من المستقبل من الحين واهم شي خلي القرآن دايماً في بيتكم .. ترى له أثر ما تتخيلينه تدرين أنا أحب أسمع قرأة عبد الباسط .. قرآته تهز الصخر .. ما أدري بس شعور غريب بس اسمعه يقرا قرآن تحسين أن قلبك يرق وحتى الدمعه تصير قريبه .. جربي تسمعين سورة البقرة ( المجود ) جربي تخلينه يسمعه انا احب اسمع مشاري العفاسي و امس قلت لزوجي يجيب لي سي دي قرآن بصوت العفاسي بس كلمته في وقت متأخر و ما لحق عالمحل وكأنك ما تدرين انه موجود وبعد لازم تقرين كل يوم ولو صفحه وحده .. ترى انتي بركة البيت الحين ولا تنسين الاسغفار داومي عليه ادعي له .. دايماً ادعي له من قلبك بالهداية امس قعدت افكر ليش ما اقعد اقرا قرآن بدل ما انا قاعده عالنت و من اول ما مسكت القرآن و بنتي ملعوزتني تبي تمسكه ما خلتني اقرا الا نص صفحه و بعد ما ناموا ما قدرت انام قعدت اقرا قرآن لحد ما خلصت جزء الحمد لله الله يوفقك ويصلح زوجك آآآآآآآآآآمين ويلين قلبه ويهديه ويجمعكم على الخير ولا يفرقكم نسيت اقولك سوي هالاشياء على شكل سوالف وأخذ وعطا يعني مو وعظ وارشاد واضح يعني كأنك قاعدة تسولفين معه ,, وخلك طبيعيه وحبوبه وخفيفة ظل عشان يحب يقعد يسولف معك ولا تجيبين كل شي مره وحده .. لا شوي شوي .. |
12-03-2009, 09:49 PM
12-03-2009, 10:11 PM
|
المشاركة الأصلية كتبت بواسطة أميرات
اختي قبل ما تحاولين تغيرين في زوجك غيري من نفسك .. شوفي انت وين نقاط الضعف اللي فيك .. وفي ايش مقصره .. لا تقولين لي انا البس و اكشخ و شابعه زوجي في الفراش .. انا اقصد شخصيتك ايش ناقصها .. هل عندك ثقه في نفسك .. هل شخصيتك قويه هل عند اسلوب جيد و ساحر و مقنع في الحوار ؟؟ شخصيتي لا مو قويه اي عندي ثقه في نفسي اسلوبي في الحوار مش جيد و ما اعرف اقنع و قبل كنت دايما اكتب له رساله اذا عندي شي و ابي اناقشه فيه عشان ارتب افكاري لاني لما اتحاور معاه انسى كل اللي ابي اقوله و اعيد و ازيد في نقطه وحده و من غير هاي هو دايما يستفزني و يقهرني لما يشوفني ابي اكلمه في موضوع مثلا يقول يلا اتكلمي انا اسمعج و هو عيونه في التلفزيون و انا ما احب اكلم احد ما يشوفني في عيوني هل عندك ثقافه عامه ؟؟ اي الحمد لله و على فكره انا جامعيه و الاولى على دفعتي و هو ما كمل الثانويه و ثقافتي العامه جيده جدا هل تحبين ذاتك ؟؟ اكيد و ما ارضى حد يهمشني او يدوس علي ام طووول الوقت همك زوجك و هو محور حياتك و تلهثين خلفه ؟؟ لا زوجي مش اهم شي في حياتي انا بصراحه عندي عيالي و امي و ابوي اهم من زوجي نعم هو محور حياتي لاني ساكنه معاه في بيت بروحنا في منطقه بعيده عن اهلي وما اشوفهم الا مره في الاسبوع تلهثين خلفه؟!! ما عجبتني الكلمه انا ما ألهث خلفه بس ما احب حد ياخذ شي من ممتلكاتي مدام هذا زوجي فهو لي و من حقي اني اغار عليه و ما اسمح له يشوف غيري واضح انكم عايشين في وسط كله خيانات و بنات و شياطين الانس و مبتعدين عن الله ... لا اختي الحمد لله مجتمعنا اكثر مجتمع محافظ في الخليج و اهلي و اهله الحمد لله من اكثر الناس التزاما ما ادري شاللي خلاج تفكرين بهالشي؟؟!!! انت محتاجه لبرمجة شخصيتك من اول و جديد عشان تعرفي كيف تغيري زوجك ... ان الله لا يغير ما بقوم حتى يغيروا ما بانفسهم ... |
12-03-2009, 11:19 PM
| واضح انكم عايشين في وسط كله خيانات و بنات و شياطين الانس و مبتعدين عن الله |
|
لا اختي الحمد لله مجتمعنا اكثر مجتمع محافظ في الخليج و اهلي و اهله الحمد لله من اكثر الناس التزاما ما ادري شاللي خلاج تفكرين بهالشي؟؟!!! |
|
انا اليوم كلمت اخوي و قلت له عن زوجي استغرب وااايد لانه يقول لما كانوا مراهقين كان زوجي يرفض البنات و حتى ما كان يكلم الا بنتين و ما كانت علاقته تطول معاهم يعني بالكثير شهر (بالتلفون بس) و لما يسافرون البنات يجوونهم لين الغرفه و زوجي يقعد يستعبط عليهم و يطردهم يعني لما قلت لاخوي سوالف زوجي انصدم بصراحه يقول يعني الحين بعد ما تزوج قام يدور عالبنات و قبل يتحذفون عليه البنات و لا يعطيهم وجه |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
