كان مهري 10000ريال كفاني و زاد...

يعتمد عل قناعة البنت ترى و طريقتها في الشراء


انا اهلي بخير و يحبون الكشخة لكن انا اللي رفضت اخلي الزواج في صالة و حفلات و هالخرابيط

اما اخواتي فكانوا يعملون حفلات و يشترون ذهب كثير لان احنا كذا طبقتنا الاجتماعية

انا غيرهم ... قلت ما ابي شي لاني ما احب البس كثير و اكشخ وااايد احب البساطة...

و الحمدلله على كل حال


يعني اهم شي قناعة البنت

__________________

40000 ريال مناسب جداً

__________________
لا إله إلا الله محمد رسول الله

على حسب اهل البنت وعاداتهم

احنا عاداتنا 50 الف وطالع
اول واحد خطبني عطاني 35 الف - قمت اصيح من القهر وكذبت على الناس وقلت خمسين
ليه لاني مابي اكون اقل منهم
والله اني خففت على نفسي ومشترواتي قد مافدر ولا شريت ذهب ولا شي
وزدت على ال35 -------- 8 الاف


صراحه كل شي غالي .. الاقمشه والخياطات مايكلمونك الا بالالاف
والعروس تبي كل شي زين ومن كل شي تبين تاخذ اكثر من شي << مدري فهمتوا والالا

اخر شي الحمدلله ربي ماكتب وانفصلت

قال الرسول (صلى الله علية وسلم)
"" أقلهن مهرأ أكثرهن بركة ""
صدق الرسول الكريم


ما له داعي يزيد المهر عن 30000 ريال
انا أشوف من 15000 ريال الى 30000ريال تكفي زيادة
لية بشري عمارة والا سيارة!!!!؟؟؟؟؟

تمنياتي لكم بحياة سعيدة

تدرون اني افكر اقدم المهر ستين الف
طبعا شامل للذهب

__________________

رب يومٍ بكيت فيه فلما ،،، صرت في غيره بكيت عليه

بالنسبا الي المهر اعتقد ان المبالغ الى ذكرتونها مبالغ بها بالنسبا لنا اهل البحرين

اعتقد احنا في البحرين المتعارف عليه 15000 اتوقع فيه اقل

مسكين الشاب زين منه اجمع المبلغ

هذا بالنسبا لمجتمعي

بس للاوساط الاخرى في البحرين فيه اكيد مبالغ تفوق هذا المبلغ باكثير

تحياتي

__________________
MANAL000

في السعودية


المهر المتعارف عليه .... ما بين 40 الى 50 الف ريال ويالله يكفي ... وتاخذ من اهلها اللي ينقصها


ترا الدنيا غلت ..... والذهب طار سعره .... العروس تحتاج ذهب ولبس لا تنسون انها بكتون الانظار عليها بعد الزواج

أنا تزوجت منذ 12 سنة وكان المهر 5 آلاف وذهب بـ 10 آلاف
ولله الحمد زواج ناجح بكل المقاييس ...

المهر عندنا بين المية وخمسين الين الميتين الف

و الله يرزقنا الرزق الحلال و يوفقنا

والدي طلب من زوجي مهر قدره (الف ريال فقط لا غير)
+
الشبكه.


زوجي مارضي وقدم 60 الف ريال لكن انا والوالد رجعناها كلها له واخذنا اللي طلبناه من اول (الف ريال فقط)

وهذا الشيء طبّق عليا انا وعلى اختي ايضا ..

__________________