((اذا لم تستـــــــــــــــــــح فاصنع مــــــــــــــــــاشئـــــت))

آخر التطورات..عارض علي عرض..
اني ياأرجع واترك (القيادة) له على قولته او اني اتحمل اي شي..
يعني ياخليني اتصرف على اساس اني اتزوج الوحدة واملك كل شي فيها او انها ترضى بمقدرتي..
اسكنها بيت على مقدرتي حتى لو كان خرابة ولاتقول بساعدك واوديها السوق الوقت اللي ابي وبالفلوس اللي معي ماتقول انا معي فلوس بزيدها ولا حتى لو صار لنا عيال تشتري من راتبها ولا والله لارمي اغراضها في الزبالة..اذا هذا مبدئك خلي فلوسك لك (واكنزيها) وعيشي بمقدرتي وانسي راتبك او اتركي وظيفتك..
وانسي اني اخلي (حرمة) غبية تقودني او تتحكم فيني..خلي راتبك لك ولاتجين يوم تقولين خلنا نسافر معي فلوس بتنطقين وتعيشين على قدرتي..
قلت مالله حدني اتحمل اهانة ولافيه اي شي يجبرني..شف لك وحدة تناسب وضعك الاجتماعي وتفكيرك الجاهلي..وسكر السماعة في وجهي..!!!
حسبي الله ونعم الوكيل..
مدري وش شايف نفسه عليه..كل شوي يقول احمدي ربك ماني سكير ولاراعي حريم ولامخدرات..
خلاص انكشف..انسان مادي 100%
مستعد يتغاضى عن كل شي في سبيل المادة ومستعد يلوي يدك بأي شي علشان المادة..
خلاص قفلت جوالي وماراح انزل مستواه وماني متصلة ارفع صوتي ولا اتكلم عن افعالي وصبري..
عزائي اني حطيت الله قدام عيوني ورضيت به لانه ظهر لي انه انسان يخاف الله وماتوفق في حياته مع زوجته..
واني مؤمنة بقضاء الله وقدره وان هذا نصيبي..

بالنسبة لك ياأخت زليخا انا ماسرقته من زوجته وعياله..انا مارحت ادوره واخطبه ولا اجبرته يجي يخطبني ويتزوجني..لو ماتزوجني بيتزوج غيري..وهذا مو موضع كشف عيوبها ولامساوئها لان الله كتب له انه يتزوج عليها 2 وليست واحدة وقد يكتبه على غيرها ولو كانت من دون عيوب..
ومحاربتها لي لاني تزوجته ليس من حقها ولاعذر لاستحقار الناس أو قذفهم أو سبهم ولاشتمهم.. الاولى لها ان تحاسب زوجها وليس انا..
انا ماتركته لما صارحني انه كان متزوج مسيار لانه ذكر لي انه اضطر انه يتزوج مسيار لان زوجته جلست عند اهلها اكثر من 6شهور وهو مايبي الحرام..وزوجته المسيار (واللي مو مسيار.. كان زواج سر بس كان مايبي يصدمني بأولها) كانت عند اهلها وهو مستعد لطلاقها وقد طلقها..هذه الاسباب مالقيت انها منطقية علشان اتركه خصوصا اني في بداية حياتي معه ولا بعد بان لي شي من صفاته فاعتبرته ماضي وراح..غير اني ويعلم الله اني كنت أستخيره دائما دائما و احرص اني مااتخذ اي خطوة ولا اجراء استبق به الامور..


سبحانك اللهم وبحمدك..أشهد أن لا إله إلا أنت..أستغفرك وأتوب إليك

اعانك الله اخييتي الكريمه

ويسر امرك وخيرك الخيره المباركه

انت اكتشفت الان انه مادي بحت

وكلما اتصل فيك يدور حول فريسته

راتبك والسؤال عنه

غيري رقم جوالك واذا اتصل بالبيت لاتردي عليه

لمدة شهر

وسيظهر على حقيقته المخادعه

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

أشكركم جميعا على دعمكم ودعائكم وجزاكم الله خير..
اختي زليخا..أشكر لك كلماتك..كلماتك ربما كانت تحمل بعض القسوة ولكنها قسوة المجتمع ولست ملامة عزيزتي..
متأكدة فيه ناس دار في بالهم مثل اللي قلتيه وماني زعلانة منك والله..بس تضايقت شوي..
معك حق المرأة دائما هي الملامة وعيب الرجال مستور..
انا لازلت أستخير ان الله يقدم لي الخير..
اليومين هاذي مارديت على اتصالاته ابدا واغلب الوقت جوالي مسكر..
أمس كلمتني أحد الاخوات مطلقة..قالت لي "امسكي قردك لايجيك أقرد منه" وترا كل الناس مومرتاحين بحياتهم ولابد من المشاكل..سمعت كلامها وسكرت بس للحين كلامها يرن في أذني..
قناعتي تقول شي أكيد مافيه أحد مرتاح بحياته بس فيه أشياء أساسية
وفيه خطوط مانتعداها
وأهم شي التفاااااهم
بالتفاهم كل شي يصير حلو وتذوب الحدود بين الزوجين

الله يقدم الخير لي ولكم ويهدينا لما فيه خير الدنيا والآخرة

والله ما يستاهل ظفرج يالغاليهاذا الزوجه ما لقت اللي يحترمها ويحن عليها ويقدرها شفايدت الزواج عيل؟!

والله اظل عزابيه اروح واجي واشتري واستانس اخير لي الف مره من اني اعيش مع واحد مستغلني استغلال بشع؟!

__________________
... ( بالحب نعيش أجمل حياة ) ...

بكل صراحه ((هذا ماهو قبيلي الواحد يفتخر يقول انا قبيلي يعني ليه اصل وفصل وصاحب الاصل لايستغل زوجته وياخذ فلوسها بل هو صاحب مروه وشهامه هذا الشخص عار علي القبايل ))

الحل بكل صدق وعقلانيه :

شوفي انتي تبين زوج واطفال وانتي في سن كبير نسبين يعني منتي صغيره ولتلك الاسباب تحملي هذا الزوج من اجل ضل الزوج وفرحة الاطفال ولذلك لابد ان تتنازلي عن بعض الاشياء اقصد بذلك تتحملين اجار البيت ومصاريفه وتربية الاولاد وتتفاوضين معاه في ذلك وتحاولين ان تتحملين اقل شي من تلك الاشياء فقط ( طبعن حسابك معاك وبطاقتكي وتلغين اي وكاله سابقة اعطيتيها له يعني انتي الي تسحبين المبلغ وانتي الي تسددين )

اذا كنتي لاترغبين في التنازل عن شي وانتي مستغنيه عن ضل الحيطة ولاطفال وتحسين ان هناك امل في زوج اخر فطلبي منه الطلاق فورآ ( الا اذا وافق علي تحمل مصاريفك كلها فارجعي له ضل راجل ولاضل حيطه )

ظل حيطه ولا ظل إستغلالي..!!

__________________

الصراحه قريت اول شق من موضوعج ولا عاد ابغي اكمل الباقي لأنه بكل صراحه الموضوع امبين اشكره! استغلال عيني عينج! شلون يعني اعتبري السياره هدية الزواج! شنو هالمصخره... حبيبتي حاولي اطلعين نفسج من هالورطه ولا ترضخين له أكثر من جذي ولا راح اتصيرين انشانه مديونه وماهو بنافعج زوجج ترا!

كلمي امج ولا ابوج ولا أحد اخوانج بالموضوع خليهم يساعدونج ويشوفولج صرفه معاه!

اتلاحقي نفسج

الله يوفقج إن شاء الله

اهم مافي الموضوع ماعندك اطفال منه ووقتها راح تحسي بانك ملزومه بلتحمل علشان طفلك والحمد لله مارزق الله اطفال من شخص كل عذره انك موبنت قبايل يكفي يالغاليه انك مخلوقه من مخلوقات الله انسان متخلف واستغلالي وعيشي بكرامتك والله يسعدك

اختي هذه المرة الثانية التي اشارك في ها بهذا الموضوع انا رجل واعلم كيف تميل طبائع بعض الرجال اذا كان هذا وصف زوجك فالأفضل أن تطلبي الطلاق لأن فيه مثل قديم يقول( أبوطبيع مايغير بطبعه) خصوصا إنك تقولين إنه جاهل غير متعلم وفيه فارق بينك وبينه لا بالثقافة ولا بالحالة الاجتماعية ولا حتى بالعمر شكله ابر منك بكثير وأنتي ماشاء الله لسه صغيره يعني بإذن الله بيرزق الله رجل افضل منه الف بالمائة يمكن بعد غير متزوج لاتعلمين ماذا يخبي لك غداً


نسأل الله التوفيق لك وأن يفك كربتك

__________________