انا شفت ردود هجوميه ع الموضوع والي يحرم والي يحلل والي يشبهه بزواج المتعه
زواج المتعه بمدة محدده بالعقد ولكن ذا زواج دائم مستوفي الشروط اللهم الفرق انها تتنازل عن بعض حقوقها لظروف خاصه وحللوها كبار العلماء
مثلاً بنت ترعى والديها كبار بالسن ولاتحب تفارقهم وراضيه تتزوج مسيار واهلها راضين دام تعف نفسها وتستر نفسها بالحلال ترا الدين يسر

وانا اختي متزوجة زواج مسيار والسبب ظروفها الصحيه وبعد سكن زوجها ولانرغب ببعدها عننا هي راضيه وهو راضي عندنا ونهتم بصحتها

الزواج هذا انا من ناحيتي اشوفه لابأس فيه اذا فعلاً ظروف البنت جابرتها على هالشي بس انه يخاف الله فيها من نفقه وسكن وكافة احتياجتها

والله يسامح بعض الي ردوا ردود تجرح لو تقرا كلامك احد البنات الي ظروفها حدتها على هالزواج بتنجرح وتتضايق لحد يفتي من راسه ترا الفتوى عظيمة والي تقول تفريغ شهوه ليه ماتسمينها عفه وهو مطلب كل مسلم العفاف خافوا الله فيما تكتبون [ومايلفظ من قولٍ الا لديه رقيبً عتيد ] ستألون عن ماتكتبون يوم القيامة

على فكره أغلب من تتزوج مسيار تكون زوجه ثانيه

بالسر عن زوجته الأولى

طيب ليه يكون بالسر ؟!
ممكن البنت تتزوج وما تطلب مهر او سكن مستقل على حسب الاتفاق بينها وبين زوجها ، لكن في النهايه يتم اعلانه بين الناس .!

طيب هيه ممكن تطلب من زوجها نفقه وتراعي ظروفه بان بكون تكون مثل نفقه رمزيه ..على الاقل ؟

ليه نورح ونسميه مسيار ..،،،، ولا هو زواج ... ..وتم تحسين وتحوير اسمه !!

طيب ليه ندخل في الشبهات .. اذا الزواج المعروف موجود مع مراعاة الظروف من كل الطرفيين !!

زواج المسيار مفيد احيانا وخصوصا اذا كانت حاله مثل الي ذكرها الاخ خالد
المهم ان الواحد يعرف يختار لان بعض الاشخاص اصبحو يزاولوها كمهنه وخصواصا النساء زواج بعد زواج وامراض ناقله وبلاوي الله يستر

__________________
تمنيت حبـاً يدوم طويـلاً .. فـدام الحب وَ رحل الحبيب.

انت سميته بالحلال ...وهل الحلال ايضا ان تخدع الدوله بان تاخذ راتب ارمله وهي متزوجه على ذمة رجل !!!
يعني حلال من جانب وحرام من جانب اخر
ليه اللفه هاذي

مافي شي اسمه زواج بعد زواج ونقل امراض وهالخرابيط ذا زواج عادي عقد كتاب وفحص زواج مثله مثل اي زواج عادي فرق انها تتنازل عن بعض حقوقها حسب ظروفها تيسير لها وله

قبل كل شي..

ماهي مقاييس الزواج الناجح من اصله؟

__________________

اختلافي عنك لا يعني اختلافي معك

اعتقد سبب التسميه لأنه مايقيم معها اقامة دائمة بل يزورها حسب استطاعته او استطاعتها وظروفهم
وتراه زواج عادي وله مهر مافي زواج بدون مهر اما سبب السرية بسبب نظرة المجتمع لزواج المسيار دون اي مبالاة ومراعاة لظروف البنت وسبب اضطرارها لهالزواج

التوفيق يكون من الله

وإلي تتنازل عن حقوقها المصروف والنفقه يقلل من أحترام زوجها لها


زواج المسيار يكون بالسر بسبب نظرة المجتمع له