وبخصوص الوقت الحالي خليكي هادية وساكته .... صلي وادعي واقري قرءان عشانك انتي وعشان نفسيتك

وخير أنه طلب منك تنتقلي لغرفة لحالك ... قلة شوفته بتهون عليكِ الألم النفسي ..
صدقيني مجربة وصارلي 20 سنة واكثر أنام بغرفة منفصله ... وما ارتحت إلا لما قنعت من داخلي بأنه هذا أحسن لي وحتى لو هو طلب أرجع ما كنت راح أرجع .... ما دام ما عنده استعداد يعزني ويحترمني فليش أتمسح بظله وبوجوده بحياتي ..
طلعيه من قلبك ومن محيطك وابني حياتك مع أولادك وهو يدخل ويطلع وينام بكيفه بعيد عنك
رتبي لك غرفة كامله من كله وحطي أشياءك واستقلي ورتبي أمورك بالأمور اللي تسعدك بعيد عنه ( نت ... كتب .. تواصلي واتس اب مع صديقاتك ) وعيشي وأسعدي نفسك

__________________

كلام مين ياحاجه اللى انا باقراه ده ؟
ده كلامك ؟
طب انتى سمعتى للطرف التانى ؟
انا آسف مليت انا لا اشكك فى صدق طرحك ولكن عادة عندما اسمع الشكوى اصدقها واتعاطف معها وعندما اسمع الطرف التانى الاقى مبرراته مقنعه ..
ده حتى على نفسى لما اشتكى مراتى واسمع شكوتها منى لاختى باقتنع بوجهة نظرها رغم انى اعلم انها خطأ
اقول ايه .. كله عشان مابيعملش .. سبحان الله

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

كلام بيتا يا أخ رؤوف ... كلام بشر ممكن تخطئ وممكن تصيب ..لكن هذي هي وجهة نظري بهذا الموضوع بالذات ... ياما دافعت عن زوجها أمامها بمواضيعها السابقة لكني الان أحس وكأنه من نوع الرجال اللي ما ينفع معاه الطيب .

__________________

انا اسف انى اتدخلت
ربنا يستر على بناتنا

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

ما بعرف ليه بتعتذر انك تدخلت ؟؟الموضوع مفتوح للكل يقول رأيه

وانا مااااا قلتلها اطلبي الطلاق ولا حرضتها برد إساءاته بمثلها ...إنما مفروض تفتح عينيها وتعمل للمستقبل وعلى أن تكون قادرة على الاعتماد على نفسها لو احتاج الأمر ..أما أن تظل تحت رعب كلمة انتي طالق بكل لحظة فهذا شعور قاتل يحطم الشخص .

وأرجع واقول يمكن يكون رأيي غلط بما اني بشر .

__________________

ربي ما يحرمنا من رأيك .. اللهم آمين

لحظة لحظة مو كأن هذه الأشكال اعرف اتعامل معها ههههههههههههه
أعرف عالم كثيرة منها


بالصراحة أقوى أسلوب معها أنك الأمور اللي بيستفز منها ويعصب تبعدي عنها
والاشياء اللي متعود عليها توصل له
هذه طريقة العيش بسلام معه
مع الوضع في الحسبان انك ما راح تلاقي شكر لكن قد يعترف لاحقا
ومع اذا كبروا الاولاد سيكون واضحا




اذا كنت في هذا الوضع ولا حول لك ولا قوة لا تنسي الاحتساب بالصبر والتوسل لله بذلك فقد تجدي فرجا حتما

ببدو أن زوجك يدافع عن نفسه هو الآخر
ويشعر أن هناك حبلاً تحاولين شنقه به اسمه العجز

تراجعي فقهر الرجال لا يحتمل وقد استعاذ منه
محمد عليه الصلاة والسلام ...

وكفي عن لومه أو الظهور بمظهر الحزينة والمغلوط عليها
فهذا يثير حنقه أكثر ... وقد يحصل ما لا يحمد عقباه

فرج الله همك وأصلح شأنك..

هلا وغلا بجميع أخواني وأخواتي...


أنا ماتمحورت حوالينه..

كنت متعلقه فيه..وكنت أعد الوقت بغيابه
وكنت أشتاق له..وكنت أفكر فيه...


حالياً حتى نظرته لي ماتهمني..
مادري يمكن لأني حسيت ماعاد فيه عنصر جذب بينا

فلا كلمة مني ممكن تثير إعجابه
ولا لوك بيلفت نظره
ولا إغراء بيحرك فيه ساكن...

وجوده في البيت غير مريح تماماً لي..
زي ماقلت..مايسولف..مافيه روقان معي شخصياً ومع أولادي..
غالباً ماخذ الأمر بالبيت رئيس ومرؤسين
فلابد يوجه..ينصح..ينتقد..ويتكلم عن الأخلاقيات والمفروض والصح

فعشان كذا أنا أتعايش مع نفسي وعندي إكتفاء ذاتي..
معليش ردي هذا متشعب لمقتطفات بعض ردودكم علي..
برد عليها بدون ذكر أسماء


أنا ماعمري عايرته بعجزه أو حسسته إنها مشكلة
مرة وحده فقط سوا معي زي اللي سواه البارح
سكر علي الباب وقام يعدد مساوئي
قلت مامن بلا فيني
كل مافي الموضوع أنت مو متقبل وضعك وتغطيه بمشاكل تخلق منها تبريرات..
كان رده..طيب أحتويني!!

قلت أنت خليت أحد يقدر يحتويك!

أنا مانطقت كلمة هنا أداري فيها نفسي خوف من رد قاسي
بالعكس..افرح لو أحد بين غلطي يمكن اكون مسكت طرف خيط

أنا هنا ماأفرد عضلاتي
مين أنتم بالنسبة لي غير أخوان خلف الشاشة بس تسكرونها تنسوني تماماً
هنا أنا أتكلم بكل أريحيه تماماً عشان نظرتكم تختلف عني أنا لأني بوسط المشكلة ولأن العقول اللي هنا جيت لها تحتويني وتساعدني

أنا جلست مع زوجي في سنوات مختلفه
أبي أعرف وش مشكلته معي

في كل مره له سبب

وقت ماطلقني كان همه يحسني أنثى
كيف يازوجي؟
بانك تنظفين وتمسحين...

( برأيي لمن قالها..انه أنشغلي عن فكرة تقصيري بحقك في البيت..
انهدي)

مع إني زي ماقلت مو وسيعة وجه أبين فيها ضعفه
أحترمت رجولته واكثر مابينت له إن العاطفه أهم من هالشي بكثير بالنسبة لي..


الآن وضعي..
أنظف مني في البيت مافيه..

أنت مو أنت وأنت طفشان

بيتي كبير وشغالتين شوية عليه..
وطبيعتي بصراحه كسوله..أحب الاسترخاء...
لكن ماشاءالله لاحول ولا قوة الا بالله قايمة ببيتي وبنظافته وبكل شي وأرتب من وجود شغالة...ووالله رغم نقص فيتامين دال الحاد إلا أني أقاوم
وأخذ فيتامينات تنشطني...
أول شي لأني لو طحت كسل ماراح أقوم
ولو أهملت بيتي نفسياً مأأحب التراكمات والوساخة
ولا عرف أنام وبيتي مبهذل
ولأن السيد حبه للنظافه والنظام غير طبيعي..
فما أبي مشاكل معه..


يعني زي ماقلت..يدور شي يعلق عليه خيباته..

حتى الحين لمن كتب وكتب وكتب..أبي أقول تراك تدور حوالين نفسك
وأنك مثل النعامة تدفن راسها في الرمل...
بس عارفه هالشي بيفجر طاقة غضبه وبيزيد خراب العلاقة


أنا أنحطيت بمشكلة مادري وش أساسها
مبهمة
الطرف الثاني مو راضي يحاورني بهدوء

وأصلاً حواره يستفزني مايملك أعصابه
مايرضى اقول أنت وانت...

معليش يعصب ويرفض رايي..بس ياخي لاتقول كلام وسخ
واللي عاجبه عاجبه...

مراتأسمع هالكلام وأطنش ومرات أحمق وأرد عليه...

بعدين قضيتي معه..

يدخل...

ليش الغسالة مفتوحه..تدخل الحشرات فيها ومادري ايش..
شاريها بذيك القيمة حافظوا عليها...

الثلاجة..حاولي تصفينها وكبي أول بأول لاترفعين شي...

وين شاحن الجوال...ويخلي البيت كله في حاله إستنفار ندوره وهو عقبه
ولو ماتحركت..فلانة قومي دوري....

ليش هذا مفتوح
وليش هذا مسكر..

ويدخل سالفه بسالفة لحد ماأحس جتني لوثة عقليه
ويبين بملامحي إني خلاص أبيه ستوب يوقف
لاحظوا قلت يبين..ماقلت له لا أو اووص

فيجي يقول ليش يتغير وجهك كذا ماتطيقين مني كلام
ماتحبون أحد ينصحكم
منيب ساكت اللي عاجبه عاجبه ..

كل هذا مع نفسه يعني يسولف ويحمق من توقع رد فعلي بدون ماأكون تكلمت..


وهذا موالنا طوال 24 ساعه والله بدون مبالغه وبدون مايمر يوم إلا كذا

هذا سبب مشاكلنا..
لأني لو قلت طيب..وشايفين..وإن شاءالله...ومادريت...

هذا بالنسبه له رد رجولي ويبين إني مو انثى..مادري الحريم صراحة وش ردودهم يمكن يتكلمون بطريقة تختلف عني تماما!!

ولو...لو...توجيهه مانفذناه..ليش لازم أعيد وأكرر وليش ماسمعتوا نصحي أنتم تتحدوني لكن أوريكم.............



حياتب قائمة على تفكيره لي..

عنده خيال واسع برد فعلي وانا ساكتة...
ومو بس يحاسبني على كلامي
يحاسبني على سكوتي لأنه يحمل الف رد هو يشعر فيه حتى لو كنت وقتها متنحه مو مركزة تماماً ومو فارقة معي!

شي يطير العقل إنا لله وإنا اليه راجعون ولا حول ولا قوة إلا بالله..

اليوم اللي سويته...

قريت في موية سورة يس..وآية 101 من سورة البقرة..
كانت هذي وصية معبر لي الله يرحمه...
واضفت لها بعض السور القصيرة..

شربته وشربت ورشيت أعتاب البيت ومسحت أرضية البيت فيه

بإذن الله بسويها يومياً أقل شي الرش والشرب

يارب يساعدني وأستمر

بنتي أمس ذكرتني قالت أبوي مو طبيعي قلت يمكن مو طبيعي
ويمكن أنا ويمكن كلنا طبيعين...ماراح يضرني شي لو طبقت هالشي
هذا ذكر ربي إن شاءالله رحمة ربي واسعة

استمري على سوره البقره والرقيه الشرعيه والاذكار والتحصينات والاستغفار وباذن الله راح ترجع حياتك طبيعي

__________________
انا لله وانا اليه راجعون