رود بعضها متناقضه للواقع والمفروض من الاخوان والاخوات دعم اختنا " قلبي يعورني " لانجاح زواجها لانها لو تطلقت يصبح الامل في زواجها مره اخرى ضعيف نسبيا لذالك دام انها مع زوجها نصلح ذات البين والحل يا اخوان في مثل هالوضع لايحسم بالتفرقة وهاذا راي اخر مني وتقلبوا تحياتي

شكرا امير الشوق ... انا احب زوجي
وذا غلط اكيد بيرجع لي نفس اول ...
وانا احاول بس متى ؟؟؟؟؟ اخاف يطول علي ...

الحل الوحيد انك تصلحين غلطك الذي كان بسببه ذهبت لعشيقته , فالرجل مهما كان لا يخاف الله

ما أعتقد أنه يتزوج وبعدين يخون الا بسبب , فهل زوجك خانك بدون سبب , عدا عدم خوفه من الله ؟

الله يعينك ويهدى زوجتك....مدرى انا احس نص الرجال عنده خويات ما يكتفون بزوجاتهم كذا يستحلى بعينهم الحرام

ياناس الاخت تبي مساعدتكم ماتبي تشككونها وش بلاكم كذا
وانا اخوك الامر بسييييييييييييط ويحتاج اعصاب هادئه اشربي كاس ليمون وروقي والحل موجود براسك بس شوي شوي يبغا له صبر عموما المشاكل دائما موجودة في البوت ونادر تحصل بيت مابة مشكله وبالتوفيق ان شاء الله

هذا الذي أنت فيه يا أخت سببه الانفتاح الزائد الذي تعيشه بعض المجتمعات الرجل يذهب إلى حيث يشاء والمرأة كذلك تذهب إلى حيث تشاء ويلتقون في أوقاتٍ محدودة ،أنا أستغرب كيف ترضين البقاء في عصمة رجل تعلمين أنّ له عشيقة بالحرام ،لابدّ أن تضعي لهذا حدّا ،وتنصحيه ، وتستعيني بمن ينصحه من أهله وأقاربه ،وإلا فسوف يغنيك الله من سعته ويرزقك بزوج خيرًا منه إذا صدقت مع الله ولزمتِ الحشمة ولجأتِ إلى الله 0

ابو علي كلامك حلو لاكن وش دراك انه انفتاح محتمل امور نحن نجهلها والبيوت اسرار

من جدك ولا تمزحي ؟؟؟

ألحين أنتي تشتكي من إنه صاير جفا بينكم وما يدلعك وما أعرف إيش


المشكلة إنه يخوووووووووووووووونك


حلي هذه أول وبعدين لاحقين على الباقي

أنتي عارفة وساكته وراضيه!

لا أختي لا توافقي وأنكري عليه

الله يعينك ويفرج همك

السلام عليكم
في البداية أحب أقولج الله يعينج
الي فهمته من كلامك انك لاتبين تتطلقين أو انه يتزوج عليج
بس هو شخص خااااااااااااائن وانت متمسكه فيه حيل وتحبينه
والي فهمته انه يعرف انج تعرفين كل شي عن خيانته وساكتتله عشان جذي تجرأ
عليج وصار مو هامه شي خلاص ما عادت تفرق معاه
أولا : عليكي بكثرة الدعاء والاستغفار
ثانيا: لازم تشلين هذي عشقيته من بالج ولا تفكرين فيها ولازم تعرفين انك أحسن منها حيل هي ولا شي
ثالثا : لا تقطين نفسك حيل عليه هو مايستاهل اثقلي عليه
رابعا :اشغلي نفسك بشي ثاني حاولي تهتمين بنفسك وعيالك وبيتك أكثر
خامسا:تكلمي معاه بهدوء وبرود وكوني حازمه معاه وناقشيه وقوليله انك مو راضيه عن كل الي قاعد يسويه
وان الي يسويه حراااااااااااام ، وعلى فكره هو ممكن ينقلك أمراض بخرابيطه هذي
واصبري يمكن تطول القصة بس ان شاء الله يتسنع ويخاف ربه ويردلج
واذا سكرة خلاص خلي احد كبير وعاقل ومتفهم يكلمه كلام رجاجيل ويتدخل مع اني متأكده اذا أحد من أهلك عرف بلي يسويه مستحيل يسكتله لأن مافي أحد يرضى بلي يسويه
وفي النهايه آسفه اذا كنت قاسيه شوي
أتمنى أن يفك الله همك ويفرج ضيقتك و يرجع لك زوجك

__________________

سبحانك اللهم وبحمدك

أشهد أن لا إله إلا أنت

أستغفرك و أتوب إليك

اختي العزيزة كان الله في عونك اكثري من قاءة سورة يّس فهي لما قرأت له واهتمي باولادك ولاتعيريه اي اهتمام وكوني واثقة انه سوف ياتي يوم يندم على الي راح وانصحيه ان يبتعد عن الحرام لان مضاره كثيرة وذنبه كبير لا اريد تخويفك من مضاره يمكن ان ينقل لك الامراض وقبل كل شيء استخيري رب العباد ما خاب من استخار والله يعطيكي الصبر وحسن التصرف