لا عيوني مو مثاليه هاذا مبدأ أما كل الحريم كذا لا والله ماصدقتي

وإللي بترضى بالغلط عليها من الله ماتستحق

أتحداك لو في رجال يدري إن زوجته تكلم وتواعد وتمارس ع التليفون أو حتى تزني ويسكت على أمل أنها بيوم تتوب

ترا الغلط واحد والذنب عند ربي واحد مافي شي أسمه رجال وحرمه

والله ماخلى هالأشكال تتمادى إلا سكوت الحريم وترا الوحده لين عرفت عن زوجها ومشت على مبدأ لا أرى لا أسمع لا أتكلم

أول من بتطيح من عينه هو بيقول لو فيها خير ماسكتت

أصحوا لأنفسكم

مين قال انو طلقها أصلا


هو يضحك عليكي ارضي بالأمر الواقع
الله يصبرك

__________________
http://live.gph.gov.sa/
اللهم اني استودعك اولادي

اختي لمسة غروووب
الحل بسيط جدآ مع هالاشكال
خط احمر اسمه خيانتك او زوجك علي = طلااااقي وتشيت ابنائك واسرتك من امراءه كانت تخاف الله فيك الي امراءه لاتخاف الله دخلت خياتك بغلط وستخرج بغلط اكبر
هاذا الي راسمته انا مع زوجي،،،،،فاانا عانيت من انسانه من سبع سنين الي الان تصر علي التواصل مع زوجي رغم رفضه له وقد رائيت محادثاتها بالواتس له
تقول له
انا اغار من زوجتك غثيتني فيها ام العيال وام العيال ،،انا احبك حرام عليك حس فيني
لاتجيب لي سيرة زوجتك،،،،وحشتني وهي تتواصل معه في فترة الدواااام فقط
كل ما تركها رجعت له والله اني شفت كلامها تسال ليش مطنشني وماترد علي ماعندها كرامها
زعلت رحت لااهلي سنه اعطيته اولادي وقلت له مسامحتك دنيا واخره ومبريه ذمتي منك ومنهم
بدات اخذ دورات وادرس واطلع وصارت لي حياه
لكن
زووووجي انهار ماخلئ ولا بقئ احد بمديني ماارسله للوالد يوميآ اتصالات علي جوالاتي يرسل لي ابنائي عشان يحننو قلبي ،،،ابنائي بسم الله عليهم كبار ويفهمو ،،،رفض يطلقني وحلف بالله مايطلقني لو يذبحووه ،،، حول لحسابي مئات الالوف عشان ارضي بس ،،وكان رافض خادمه وسائق وافق بس عشان ارجع ،،،ذبحه اني تحررت منه وصرت ادرس واطلع والبس وامارس طموحي،،،طلبته جواز سفري في اخر شي لرغبتي للسفر لتقديم اوراق الدراسات العليا بجامعه خارجيه انهبل وطار عقله وانصدم ان زوجته المطيعه والاليفه خرجت من ظله،،، الناس صارو يقولو له ليش متمسك فيها لو عندك كرامه طلقها خلها تولي
اول من وقف بوجهه اهله ،،،ليش تبغاها وهي مادرت عنك،،،يوميأ ينوم بالمستشفي بسبب الضغط وتازمت حالته لاابعد درجه،،،،جرحني بفتح الباب لمثل هالانسانه انها تخرب بيتي،،،كان يصل له من الناس اني عايشه حياتي ومبسوطه وهاذا زاد ناره نار،،،
وبعد السنه خلص قررت اروح المحكمه لاارفع دعوي الطلاق لااني كنت رافضه المحاكم ماابي فضايح لااولادي ولا ابوهم بس والدي كان مصر
اتصلت عليه وقلت له ياابو فلان تقديرأ للعشششره انا رافضه اقف قدامك بالمحاكم فاارجوك ارسل ورقتي لي حفظآ لكرامة ابنائي وكرامتي
بكئ بكاء شديد سبحان الله كآن من بكاءه انكسر قالب الحجر الذي كان يغلف قلبي
قلت له افكر واستخير الله ويصير خير
كان درس له علي مدار سنه ان الخيانه مروووووفوضه عندي باي شكل ولون
والله رجعت له ماصدق لدرجة انه كان يضمني يقولي مستحيل انتي قدامي ومعي ماني مصدق
ماينام الا وهو ماسك يدي ،،ماياكل الا مني لدرجة الناس تقول ساحرته
لا والله لا ساحرته ولا اعرف هالسوالف اعوذ بالله
لكني اعطيت واخلصت لوجه الله وكنت صافية النيه وقفت معه بغربته وتحملته رغم عصيبته ودعمته تخليت عن احلامي عشان خاطره ،،،لا وظيفه ولا ماجسيتر ولا جوال ولا اصحاب كل شي كان ممنوع كنت اقول بدون مارادده ابشر انت تمون
وعوضني ربي ونصرني عليها وعليه انه زرع بقلبه لي حب كان يعذبه ويحرقه ويعاقبه بخيانته بدل مااعاقبه انا عاقبه الفراق
الحين الحمدلله الامور تمام ولكن مازالت الفتاه تحاول ليل نهار انها ترجع له
كانه خلصو رجال العالم ومابقي الا زوووجي
لكني مازلت متمسكه بالخط الاحمر الي رسمته له
احبه واعشقه واطيعه نعم ولكن لا اقبل بالخيانه
الحين تعرف علي صديق يحاول معه دائما بالسفر معه وتكوين علاقات وان الوضع فري وعادي بس انا واقفه بوجهه ،،، سمحت له بالسفر مرره فقط وبعدها حرمت واحترم رغبتي وان شاء يستمر هالاحترام
انا لااحب المشاكل ولا الغدر ولا اقبلها علي غيري مني،،لذلك اطلب العوض من الله في حال تعرضت للخيانه وانسحب مفوضه امري لله ان الخير قادم باذن ربي
اعتذر من صاحبة الموضوع لو خرجت عن المشكله
ولكن نعم ان لم نضع حدود من البدايه لن نلوم الا انفسنا

بسكوته زوجش بعده يخونش ؟

__________________
وهل من مصير اخر ؟

رائحه البخور تجربتك غنيه ومفيده
لكن الي مالها غلا بقلب زوجها وتدري لو تصد بيطلقها
وبيرمي عيالها ومالها اهل ولا سند ولا راتب
لما يكون عندك مصدر قوه سراء راتب وظيفه اهل اخو زوج يعشقك هذا مصدر قوه للمراه
لكن الضعيفه وين تروح في ظل الاحكام الجائره ببلادنا

معظم الردود غير منصفه ..
ﻻ تحملين نفسك ذنب طفله امها تسرعت وجابتها بالسر من شخص متزوج قبل ان تتأكد من جديته ووفائه لها ..
نصيحتي لك الزمي الصمت ﻻ تناقشيه بموضوعها ابد وﻻ حتى تلميح .. واتركي الامور تمشي وفق القدر..
اللي صار صار وخلاص دامك ماقدرتي تتداركي الموضوع من بدايته الحين للاسف مايمديك ..
عيشي عشان عيالك ﻻ تشتتيهم .. العيال واستقرارهم وسعادتهم اغلى من زوج باعني وراح ورى شهواته

اختي مبتعثه متفائله
هاذا الي احمد الله عليه،،،،،كان كل ماارسل لي احد يكلمني يقولولي اعقلي واحمدي ربك الرجال متمسك فيكي غيره يطلق ويتزوج وماله بوجع الراس
لكن ،،،،،
يعلم الله كيف كان تعاملي معه بفترة زواجي تعبت معه كثير وطاطيت وتنازلت ومشيت كثير من المواقف وتحملت مواقف مالله بها عليم كنت ع النيه والطيبه ودائمآ كنت اقول لنفسي انا اطيعه ابتغاء وجه الله ورضاه ولا بغيت منه شي بيوم الا رضاه
هو من بيئه المراءه لا تعامل جيدآ ولا لها حقوق وعندهم قانون
الحرمه تنهان وتنضرب وتشوف الويل بس تتحمل عشان اولادها!!!!
علي الرغم من انه جامعي ومتخصص بتخصص نادر وصاحب منصب الان الا انه كان تفكيرهم ان الحرمه تتحمل اي شي حتي الخيانه بس عشان اولادها
تفاصيل الخيانه كانت مؤلمممه جدآ ولم احاول ان انفصل عبث ومدتها ايضآ مؤلمممه
نصرني ربي عليه ،،،هو نفسسسه ماكان يتوقع انه بيفقد وجودي بحياته وبيندم
للان انا اعامله مثل قبل واطيعه وحاطته بدل عيوني الثنتين وهاذا الي يعذبه صدقيني
اخواتي نفس كلامك كانو يقولو متمسك فيكي يعني يبغاكي سامحييييه
بس كان الكسر يوجع لااني ماقصرت لو قصرت اقول معه حق وكانت خيبة الامل كبيره فيه هو بالذات
رجعت لااهلي ولا لمت نفسي ولا تعبت حالي قلت يارب انت تعلم ماتخفي الصدور عوضني خير
وبالفعل كنت ازرع بمعاملتي معه طيب وحب حصدتهم بوقت المشاكل
يمكن من رحمة ربي فيني ان زوجي يقدر ،،،وان ربي يجازيني عنيتي الطيبه
بس فيه رجال ماقدر ولا حسب حساب ،،، عشان كذا الوحده الي عارفه نفسسسها ماقصرت بيوم بحق زوجها ليش تزعل وتشيل هم ،،، لا والله تبني نفسها من جديد وربي بيسر امورها ويمكن يرزقها ربي بلي احسسسن منه ،،،
اما اقبل خيانته بحكم ان مااحد واقف معي لا والف لا ،،، كفاني ربي بيوقف معي
اهم شي مايكون فيه تقصير من المراءه ابدآ ،، لااان لاشي يبيح الخيانه
مشكله مجتمعنا الي مايرحم الي تطلب الطلاق او تتطلق ودائمآ تبريرهم للرجل جاهز ،، بس لا طبعا ومو شرط تطلقت العيب فيني اهم شي نظرتي لنفسي ولا الناس ماهموني
هي افكار وقناعات نزرعها بانفسنا قبل غيرنا ونطبقها
الحين الحمدلله استقرت حياتي بعد الزوبعه هاذي بس دائمآ الوم البنات الي يكلمو متزووووجين ،،، مو كل زوجه بتقبل او ترضخ للغلط ولو ع قولت لمسة غروووب اخذنا وقفه جاده ضد الخيانه صدقيني راح تختفي هالظاهره الي احنا كبرناها ونمينها بسلبيتنا وتنازلنا ومحاولة اصلاحها

رائحة البخور عزيزتي مو كل واحدة تقدر تترك اولادها سنة

الناس قدرات في التحمل و هذا الي يخلي المراة تصبر و تتحمل علي امل انه ينصلح حاله

__________________




( اخوتي و اخواتي ان لم تجدوني بينكم في الجنة فسألوا عني )

خو بعد ما وجعت وعدني وعود كثييييره وبدأت الاحظ عليه الالتزام نوعا ما ...بس خايفه من مشاعره هذي...هو فعلا يحبني وبالنسبه لها لمن كانت على ذمته وانا ما ادري ابدا ما كان لها اي وجود في حياتنا حتى اني كنت اتسال متى كان يروح لها وهو طول وقته معي...بس انا سؤالي كيف اتعامل مع وضعه وشعوره بالندم ...كيف احتويه...كيف ادافع عن بيتي من هجمه أخرى من هذي الحقيره

شكرا للجميع واستفدت منكم كثير ..