|
صارحها بما تشعر به ناحيتها قبل فوات الآوان ..
ودعها تختار طريقها .. فعقلها المستهين به سيقرر لا محاله .. فأنت لا تصلح أن تكون زوجاً لها بهذه المشاعر الأليمةِ نحوها .. هي غلطتك من الأول .. كن مقدام ودع المخاوف جانباً التي اوردتك المهالك ! واصلح ما يمكن اصلاحه وتفاديه .. ؛ ؛ كنت سأقول ، البيوت لا تبنى على الحب .. ولكن كلامك عن نفسك وعنها ، جبرني على كلامي أعلاه .. الله يكتب لك ولها مافيه الخير .. |
من موضوعك وموضوع أخونا متفائل وأكيد في غيركم
يخلينا نستنتج إن الموافقة حتى بعد الشوفة الشرعية مهي ضمانة على القبول! إذا مش مقتنعين من البداية أنفصلوا ﻻتجاملون على حساب البنات مش ذنبها إنها ماعجبتك إنت خطبتها وشفتها وعارف نسبها وأكيد سألت عن أهلها وإذا أبوها زي ماذكرت هاذا شي هي مالها ذنب فيه وﻻ تحاسب عليه ليه تنتظرون سنة وسنتين وثلاث ليش تنتظر بعد مايصير عندك أطفال طبعا أنت مو خسران شي ودائما عندك حل اﻻ وهو التعدد لكن هي ﻷ طيب بالله كيف الوحدة تتأكد إن اللي خطبها وشافها و وافق عليها مقتنع! كيف تعرف أنه يجامل! ليه بعد ماتعاشرها وتجيب منها أطفال تعترف ليش مو من البداية وتعطيها الحق في إنها تقرر مصيرها لو كنت ناوي تصارح زوجتك ﻻتجرحها يمكن أنت ماتشوفها تستاهلك لكن أكيد في غيرك شايفها كثيره عليك كثير أزواج عايشين مع بعض بينهم مودة ورحمة وأحترام حتى لو مافي حب وعشق وصداقة قبل تصارحها عطها الحلول لها هي مش لك أنت قولها أنا أتمنى منك بعض اﻷمور وأتمنى يكون شكل علاقتنا كذا شالحل برأيك عشان نوصل لنقطة نلتقي عندها أنا مختلف عنك وإنتي مختلفه عني وأكيد كنتي تتمنين أشياء مالقيتيها فيني بينا طفل واﻹنفصال مو حل وأذكر لها كل حسناتها وأنك تحبها وتتمنى تكون زوجتك العمر كله لكن علاقتكم ناقصها أشياء كثير وقبل تصارحها حاول تشوف عيوبك واﻷشياء اللي هي مستحملتها فيك وخلها تذكر لك عيوبك ومشاعرها الحقيقية من ناحيتك مو يمكن تكون حتى هي بعد زواجها منك ندمت بس ماتقدر تقول شي ﻷن الطلاق صعب إذا هي صاينتك وقايمه فيك ومعطيتك حقوقك ومهتمه بولدها أشوف أنك بنعمه تحسد عليها من عدل الله إنه مايعطي اﻹنسان كل شي و زوجتك أكيد فيها صفات مهي في غيرها من النساء ﻻتضخم عيوبها وتركز عليها وتغفل عن حسناتها وحتى لو تزوجت اللي في خيالك اﻻ ماتلقى فيها عيوب يمكن أكبر من عيوب زوجتك ونصيحة أخيرة للمقبلين على الزواج البنت ماتملك القدرة على قرائة اﻷفكار لو أنت مارفضتها ماراح تعرف أنك مو متقبلها أنت مجرد شخص خطبها وشافها و وافق عليها بديهيا بتعتقد أنك راغب فيها أما تجيها بعد الزواج وبعد ماتصير أم تقول أنا مو مقتنع هاذا فيه ظلم عظيم لها أنت حتى كذا قلصت الخيارات أمامها وأجبرتها على الرضوخ للواقع وهو أما اﻹنفصال أو تقبل بالتعدد وأي عريس جديد مو قادر يتقبل زوجته يسرحها بإحسان ﻻينتظر لحد ماتصير أم وﻻ يجرحها بالكلام وﻻيفقدها ثقتها بنفسها يتركها تروح بحال سبيلها من غير جروح وأذى نفسي رفقا بالقوارير |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|