وهذا هو اللي رابطني لا يمكن لنفسي ان تسمح واتجاوز جملتها الاخيرة

مش المشكلة المبدئية كلمتها

ارجع للبداية.. طريقة حياتكم كلها اقصد

كل شي كنت تشوفه ماله لزمة هو اساسيات

اذا فقدت

فقدت زوجتك احترامها لك

__________________

اختلافي عنك لا يعني اختلافي معك

وهل من الممكن انها تفقد احترامها حتى لو اكرمتها ووفرت حقوقها .. هل بسبب حساسية زوج ممكن انها تفقد المرأة احترامها له ؟ .. تكفر العشير وتجحد السنين ؟

وهل من تصحيح ؟

انت المخطي وتتحسس لأنك جيتهم وماعندك سيارة -بصراحة عندك خطأ في الاسلوب مع اهلها وباين اهلها حليوين يعني أحسك أحرجتها مع أهلها . مالومها
و الله أعلم

الحساسية عندك اظن اساسها اصلا انك ساكن عند اهل زوجتك..

لا مو من حساسيتك اخي الكريم.. مع استنكار

زوجتك بحركتها قصدها تلحلح سو شي

تقصد وفر سيارة.. يعني حتى ماشاورتك وتكلمت الا عشان تبادر وتعارض وتوفر سيارة

اذا فهمي المحدود صحيح فهو كذا

__________________

اختلافي عنك لا يعني اختلافي معك

والله انك غلطان وغلطان وغلطان

ومتناقض تماماً

نادرا ما احد يحصل ام زوجة رائعه مثل ام زوجتك

ياخي تناديك ولدي وش تبي زياده وتحلف عليك ولدها يوديك للمطار

وتلحقك بتسلم عليك عند الباب وانت حاجز سكيتي وبتسافر ولا بلغت الناس اللي استضافوك واعتبروك ولدهم مايصير بارك الله فيك

اللي مستغرب منه انك ترفض اي وساطه ان اهلها يقولون لها شي وتوصله لك وبنفس الوقت تطلب منها اشياء واعتذارات توصلها لاهلها

لاتناقض نفسك تحب اخوها يكلمك وابوها يكلمك انت بعد لازم تبادر وتكلمهم بنفسك مو توصي زوجتك تكلمهم لك وتعتذر نيابة عنك

ثم عيب تسكن عند الجماعة وتسافر فجاه اكيد ما حجزت انتظار ولا حجزت فيوم وليله حجزك من فترة ليه مابلغتهم ياخي انت اجازة وتغير جو وعفست الدنيا

وش فيها لو جلست مع اهلها وسمرتوا وضحكتوا وطلعت مع ابوها وامها وزوجتك وطفلك وزرت عمها

ترا شخصيتك وانعزالك واحساسك انك عبئ عليهم بيدمرك وما شفت بالاحداث اي اهانة لك

بالعكس انت اللي تتصيد الاخطاء


اصلحك الله تمسك بزوجتك واهلها ولو انا مكانك اعتذر منها واكلم ابوها واعتذر منه واقوله اني تمنيت اجلس اكثر لانك مثل ابوي وانتوا اهلي واذا قصرت او الفترة الماضية تغيرت فانا كان عندي ظروف والحمدلله الامور طيبة

خلاص انت توظفت واكيد زوجتك بتجي عندك مع طفلك لاتخليها تفقد جو اسرتها والسهر والوناسه الى بيت من كلمة ومزاح تقلبها جد وتعطيها ظهرك ياخي ازعل وخلك مقابلها

الله يهديك بس والله انك مناسب ناس قليل بحقهم كلمة رائعين

السلام عليكم ورحمة الله وبركاته..

أيها الأستاذ الكريم...

هل الحساسية لديك نتجت عن مواقف في الماضي قبل زواجك؟!

حياتكما ماشاء الله تبارك الله جميلة، فقط ماتحتاجه كن أكثر مرونة في التعامل..

واجعل المصارحة والحوار دوما وهذا يجعل كلا منكما يفهم إحتياج الآخر..

أمنياتي لكما بحياة مليئة بالسلام والحب و الإحترام..

اؤيد الاخوات .. حساسيتك منبعها نفسك .. انت اللي تشعر ان جلوسك في بيت اهل زوجتك امر معيب.. وانت اللي تشعر بأن عدم امتلاكك سيارة نقص.. انت غير راضي عن نفسك وعندك شعور داخلي بالنقص.. لذلك فسرت كلام اخو زوجتك شفقة ..

لا اخوي ما اتحسست لانه ماعندي سيارة وهي ليست المرة الاولى .. دايما اجي واوقات اخذ سيارة اايجار .. لكن هذي المرة جيت عشان اقعد مع العائلة قبل بداية دوامي ومافيها شي لو جلست في البيت ماكنت متحسس ابدا من هذا الامر

واهلها ماقصروا معي ومافيهم الا كل خير وبركة .. لكن المشكلة اقحامهم والخلاف بيني وبينها على اي اساس انا غير محترم الاهل ؟

لا اختي انا مو ساكن عندهم انا ساكن ببيت اهلي بالسعودية لحين توفر بيت ان شاء الله في القريب العاجل بعد حصولي الان على وظيفة من ثم الاستقرار .. والسيارة موجودة بالسعودية ودايم نطلع .. لكن جلست عندهم اخر مرة اسبوع وماكان لها لزمة وليست اساس المشكلة السيارة ابداً لاننا تكلمنا عن هذا الموضوع بيني وبينها وكل الامور على مايرام

انا نسيت كل شي الان ويعلم الله اني ناوي الصلح لكن جملتها مؤثرة فيني بشكل كبير