عاشقه الغالي الف الف الف مبروك الزواج والمعذره جت متاخره لان كان عندي اختبارات
والله يجعلك انتي وزوجك دائما في احسن حال وحرصك على اختيار الوقت المناسب للحديث مع زوجك يدل على انك انسانه واعيه وزوجه صالحه باذن الله تعالى والاخوه ماقصروا ورد ((البليغ))رائع بالتوفيق |
اتوقع الزوج بيختار الموعد الي يناسبه .. ماهو مختاره بوقت مزاجه مايسمح
عموما لو لاحظتي تغير مزاج زوجك وانتي تحكين معه اقلبي على الصفحة الي بعد يعني جيبي سوالف فرفوشية .. واجلي المشاكل وخلافه لوقت ثاني الله ييسر لك امورك اتمنى لك كل التوفيق |
نفس الفكرة
ترقب و حذر وقلق و أخذ مواعيد ووووو خيييير راس ماله زوج صدقت روعة كنها بتقابل قاضي بمحكمة سؤال للمتزوجات : لماذا كل هذا الخوف من الحديث مع الزوج عن مشكلة أو أي أمر يضايق الزوجة ؟ |
عاشقة الغالي الحلوه ما شاء الله عليك أنت ونعم الزوجه إن شاء الله تعالى أنا دائما الاحظ عليك في مواضيعك إنك دائما تسألي عن الأشياء إللي تكون سبب في نجاح الحياة الزوجية وسعادتها وهاذا شئ طيب بارك الله فيك لأن الزوجة الناجحة في حياتها هي التي تسعى لنجاح حياتها بالبحث عن الطرق والأشياء التي بسببها تكون حياتها راحة وسعادة وهناء وفقك الله إلى كل خير
في حياتك . اما أنا بالنسبه لي أفضل وقت بعد صلاة العصر أصحيه يرو ح يصلي بالمسجد هو والعيال وأنا أجهز القهوه و التمر أو حلا ومايجي إلا وهي جاهزه طبعا في جلستنا مع بعض نجلس نسولف وأي شئ عندي أقوله إياه وهو كمان لو عنده سوالف فيقولها لي طبعا أنا وزوجي متعو دين على الصراحه في أي شئ بيننا حتى لوكان الصراحه هاذي فيها مشكله بس الحمدالله من فضل الله ما نقوم من مجلسنا إلا وقد ناقشناها و حليناها وأتفقنا عليها بكل هدوء والحمدالله أنا وزوجي دائما نتبادل الأدوار لابد واحد منا يتنازل لثاني عن رأيه في إتخاذ أي قرار نتخذه في حياتنا الزوجية و الأسرية أنا أشوف عن نفسي طبعا إن جلسة شرب القهوة والشاي هي أفضل وقت لمناقشة الأمور بيني وبين زوجي وأتفق مع رأي الأخت شقردية في رأيها في المناقشة قبل النوم في وقت يكون الجو هادئ و العيا ل نايمين لأن أنا أحيانا أناقش زوجي في هاذا الوقت بالذات لو شفته مصحصح معي و جالس يسولف وما أشوفه تعبان أهذري أهذري عليه إلين أو صل للي أ بغاه والحمد الله من فضل الله عزوجل الحياة ماشية ومرتاحين. أنت خصصي لك و قت مناسب مع زوجك وإجلسي معاه وسولفي وفرفشي وخليه يتعود على مثل هالوقت يقضيه دائما معاك لأن الزوجة حتى لو ما عندها أمور تبي تناقشها مع زوجها تبي تجلس معاه و تسولف معاه وهو كمان يبي وقت يجلس فيه مع زوجته يتونسون فيه مع بعض وهاذا الأسلوب يقربهم من بعض زياده وكل واحد مايحس له غناة عن الثاني و بالذات وأنتم عرسان جداد لازمكم تقوية أواصر محبتكم ببعض وجلسات مثل كذا بيكون لها مفعول السحر بين الزوجين وبعد فترة ماراح تقدروا تستغنوا عن جلساتكم أبد أسأل الله لك التوفيق أنت وزوجك في حياتكم الزوجية و أسأله عز وجل أن يمن عليكم بالذرية الصالحة البارة بكم التي تقر بها أ عينكم اللهم آمين . |
حبيبتي عاشقه .. لا تكلفين على نفسك كثير .. الموضوع بسيط جدا .. اذا كان في خاطرك شيء او متضايقه من شيء شوفي الوقت اللي يكون فيه فاضي وقولي له بدلع وهدوء : حياتي في خاطري شيء وأبي اقوله لك .. واختاري الاسلوب المناسب .. اهم شيء الاسلوب .. والله لو تختارين الاسلوب المناسب .. بيستمع لك كل وقت ..بدون تحديد اوقات .. اذا تبينه يحب السوالف والجلوس معاك .. اختاري السوالف الحلوه والمضحكة والمفيده .. وابتعدي عن المشاكل والحش في الناس والسخريه والشكاوي .. اعرفي شخصية زوجك وشو يحب وشو ما يحب في الحوار والنقاش .. طلعات المطعم حلووه للكلام والتعبير عن المشاعر ... الاجازات مناسبة لفتح النقاش والمواضيع العالقه ... اما عن تجربتي فأنا اعتمد على مزاج زوجي وحالته النفسية وظروفه.. يعني بعد الدوام والشغل والتعب ما افتح معاه أي موضوع .. كل اللي افكر فيه راحته .. ومن اشوفه جالس اجهز الشاي او القهوة او العصير مع شوية بسكوت او كيك .. واجلس افتح معاه المواضيع ... وعندي فكرة اتبعتها يوم تزوجت علشان تساعدنا على النقاش والمصارحه والحوار ... لكن الحين الحمد لله ما احتاجها لان الحوار والنقاش اصبح سهل واغلب الاوقات .. الله يسعدك ويهنيك ويجمعكم على الخير والمودة والتفاهم ياااارب ... |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|