السلام عليكم
اول شي احب اوضح نقطه في موضوعك اخوي واللي هي المفروض يكون الموضوع خاص بالرجال وهم اللي يردو فقط.
ثانيا بالنسبه للموضوع والله انا ارى انو من الصعب اننا نحكم على الحريم كلهم بحكم واحد وانهم مبذرات او مسرفات ووو ... يمكن يكون الرجل هو المسرف والمبذر وانا واحد منهم..
لكن انت ونصيبك في حريم مبذرات وفي حريم ماشاء الله تبارك الله حريصات ويقدرو ضروف الزوج ويفكرو بعقلانيه مثل زوجتي الله يخليها لي
اما بالنسبه لك ماراح تقدر تتخذ قرار وانت لسى ماتزوجت ... تزوج اول وبعدين على حسب ماتشوفها معاك اذا طلعت اقتصاديه خير وبركه واما اذاطلعت مايهما ولا شي واهم ماعليها انها تصرف الفلوس مالك الا نصيحة صديقك .
اسف على الاطاله واتمنى اكون عرفت اوصل لك الفكره ....

انا مع اشراك الزوجة في كل شيء
ويكون الزوجان كجسد واحد

حضرت مناسبة مابعد زواج صديقي العزيز في بيت عمه ابو زوجته
وهو رجل فرفوش وياسرك باعاجيب الكلام..
وعند انفضاض الجمع بيت انا وصديقي وعمه..
وداهمته بسؤال مفاجيء كعادتي كي اقتنص منه حكمه تختصر الزمن لي..
وسألته سؤال يدور في مجمله عما يجب ان تعلم عنه الزوجة والعكس..!!
فنظر الي بابتسامة ملؤها استيعابه لمفهوم السؤال وبادرني برفع نظارته للاعلى
ثم تحول نحوي ولسان حاله يقول اياك اعني واسمعي ياجارة وقال::

زوجتك يجب الا تعلم حقيقة مامعك.. ولكن يجب ان تعلم حقيقة الذي عليك


لمحت في ثنايا تقاسيم وجهه وهو ينصحني دهاء ومكر الحياة التي علمته ..!! انتهى



فما رأيك يا صديقي..!! ارجو ان تكون وصلت الفكرة

__________________
ان انت اكرمت الكريم ملكته.. وان انت اكرمت اللئيم تمردَ!!

في رأيي
إذا كان مآ اطلبه يوفره ..
فلا حاجة لي بمعرفة رصيده
وإن أفصح لي برأس مــآله فهـذا دليل على ثقته بي ..أتمنى ان أكون محلها
لكن الحقيقة ..تؤكد فشلي في الإدارة المـآلية

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

أكره التعميــــــــــــم .
حرام عليكم .
ياشين الرجال اللي كذا , مافي ثقة أبدا ..
أنا أرى أنني اقتصادية درجة أولى . لاأشتري الأشياء الغالية ولا أطلب إلا الضروري .
لكن قررت أغير سياستي , صار الزوج إذا اشتريت شي غالي يغضب ويضيق صدرة ..
مرتين يسافر برا ويتركني عند أهلي ..
بيتنا شيــــــــــــــن شين شين .. وقسم مايرضى احد منكم يسكنه , هذا كله من تنازلاتي .
زوجي مايعلمني كم راتبه ولايعلمني كم رصيدة .
لكن يعلمني إذا كان مديون بس ..
أنا كم مرة ناقشته وأعتبر هذا بخـــــل ويحز في نفسي إن بعض أقاربي بيوتهم أجار وحالة أزواجهم المادية أقل من زوجي ومع ذلك مايخالفون يشترون الغالي ..
الكرم كرم النفس..
وللأمانة مو بكل شي أحيانا أشتري الغالي وأحيانا يشتريه هو لي , لكن يجلس يقول لي هذا سعره كذا وكذا ,,
آسفة يازوجي ياحبيبي ,, أنا أحبك لكن يقهرني ويضايقني هذا الشي ..
عارفة إنك بتقرى كلامي ,, اعذرني

Neat man
الله يهديك .. خليتني أطلع المستخبي ..

ما اشوف فيها شي والله
حتى لو فكرت هي تستنفذ فلوسك
ترى تقدر ترفض مالكم لسان يعني
--
امي ماتعرف راتب ابوي وماخذ بطاقه صرافها لان راتب ابوي مايكفي
لكن عرفت بالصصدفه وانا اغسل ثيابه كم راتبه وانصدمت بجد راتبه يعيش عائلتين وضعف راتب امي
وامي ياغافلين لكم الله

في الاخير بتظلم زوجتك اذا سمعت تجارب غيرك
موب كلهم سوى

__________________

لا تأتي الحياة كما نشتهي دائما . لذا أصبحـتُ أطلب من الله الرضا بِ الغد . . الرضا بِ القدر أيًا كان و ممارسة الحياة بصورة جميلة ~

اذا كانت الزوجه مقتنعه بهذه الامال المستقبليه وتتبناها كبناء بيت او تأثيث شقه او شراء سياره او زواج ابناء..........الخ

فستقف مع الزوج حتما وستساعده وستدخر
وتقتصد وتضحي
اما اذا كان هذا المشروع المستقبلي لا يستحق في نظرها التضحيه فستطالب وتطالب بما تراه حق لها واولي بتلبيته وقدتتهم الزوج بالبخل والتقتير وتحدث المشاكل والفجوات
لذلك فالاهم من ان تخبر زوجتك برصيدك هو ان تتشاركوا في احلامكم وطموحاتكم وتعوضها عن تضحياتها كلما سنحت الفرصه

واذا كنت لا ارجح ان تخبر الزوجه بالظبط عن الرصيد يكفي ان تقول الحمدلله والا تقتر عليها والا تدعي الفقر كما يفعل بعض الازواج رغم مقدرتهم والا تثير شكوكها فيما عندك من مال
اهم شئ هو المشاركه وان تقحمها في اهتماماتك ولا بأس من مشورتها والنزول الي رأيها ان كان هو الاصلح

__________________
اللهم اجعل عملي كله صالحا واجعله لوجهك خالصا واجعله عندك متقبلا

الي اقدر اقوله ان اكثر من وحده اعرفها ساعدت زوجها لبناء منزل العمر..
ووحده تقرب لي تأخذ من محفظة زوجها فلوس تشيلها لهم آخر الشهر
لأنه مبذر وممكن يصرف راتبه بيوم
صدقني كل ما زاد وعي المرأة زاد حسن إدارتها

يختلف من بنت الى اخرى ؛ في بنات صدق اذا عرفو رصيد ازواجهن راح تكثر طلباتهن ؛
لكن انا برأيي انو الزوجه من حقها تعرف ؛ وبألاخير هو الزوج الي لازم يعطي بعقلانيه ؛
وانا لو كنت متزوجه وزوجي مانعني اعرف رصيده راح اقول انه بخيل