مادري حاسة ان احساس الطرف الاخر بشدة تمسكنا به يجعله يدوس على انفاسنا اكثر واكثر

عيل شتقولين عن اللي صبر 3 سنين ولا هزه كلام الناس
بس هذي طبيعه المراه انها تتمسك ببيتها خاصه بوجود الاطفال بالعكس باكر الطفلين بيكبرون ويشوفون امهم شكر مستحمله عشانهم لان وجود الاب بحياه الابناء واجد مهم بالهزمن

ياخوي يمكن زوجتك فيها عين حسد او سحر لاقدر الله

هل جربت انها تقرأ على نفسها ؟؟

هل جربت انك تقرأ على نفسك؟؟

اخوي ليش ماتخلي شيخ مثل العوضي يكلم زوجتك او اهلها

مو معقوله تكون ماشتاقت لك احس فيها شئ مو طبيعي خارج عن ارادتها

__________________
حسبي الله ونعم الوكيل

قال تعالى (( ما أصابكم من مصيبة فبما كسبت أيديكم ويعفوا عن كثير ))

هل جربت الإستغفار ..؟ هل جربت تناجي ربك بجوف الليل


هل تفعلون المعاصي كالأغاني او غيرها


لاتسحقرون الصغائر فإنما الجبال من الحصى


قال رسول الله صلى الله عليه وسلم : (من لزم الاستغفار جعل الله له من كل هم فرجا، و من كل ضيق مخرجا، ورزقه من حيث لا يحتسب)

__________________
حسبي الله ونعم الوكيل

كلمها شيخ دين وكان داخل يصلح وما وافقت

انا ما اعتقد عين او سحر لان الانفصال حصل بسبب المشاكل العصيبه التي حصلت في فتره حرجه بحياتنا فما قدرنا نتغلب على المشاكل وهي قالت انا ما اقدر اصبر لو وحده غيري كانت يمكن تقدر الله يسامحها اذتني وايد بقرار الانفصال والطريقه التي اتبعتها

يارب جعل دخلت رمضان عليك خيرروتبلغنابلم شملك

يارب تعوض صبرك خير وتفرحنابرجوعهااا
ياررررررررب تفرج همك وكل مسلم

ربي ارحم بنا يارب ترفع عنك البلاء وعن كل منطلقة ويلتم شملك قررررررريب

__________________
دعواتكم لي
الله يجزاكم خير

اليوم كان غير هي مره وحده جت وقالت تبي نتفاهم المهم قعدت معاها وكانت هي المبادره بالصلح وقعدت اتكلم انها شكثر متآذيه وانها متحسفه على اللي صار وانه ودها ترجع من زمان وشوي قعدت اتاسف وانها تبي ترجع حياتنا مثل قبل وانا طبعا مو مصدق نفسي وطاير من الفرحه.........شوي ولا اقوم من النوم واصحى على الواقع وان ما حدث مجرد حلم وما يتمناه عقلي الباطن للاسف

يمكن فعلا هي تبغاك ترجع بس ماتبي تذل نفسها لك

انت ارسل لها رساله انك تحبها ماتقدر تعيش من دوونها
وانك مستعد تحقق لها كل اللي تتمناه وكل رغباتها وطلباتها مجابه

لكن اذا مازلتي ترغبين بالطلاق لانك ماترتاحي معي وماتحبيني..رح اطلقك ..
بس عطيني قرار نهائي انتي تحبيني ولالا؟
تبغين الطلاق؟ ولا الرجعه

اتمنى ترسل هالرساله وتكون سويت اللي عليك

والله يوووووفقك

ترى الحريم ينقص عليهم بالكلام
لارجعتها ترضى فيك حتى لو زعلتها واعتذرت وقلت كلمه حلوه
بتنسى الدنيا ومافيها

اللي صار حلم مو حقيقه يوم احلم انه تصالحنا ويوم قاعده ترفض الرجوع يعني هو عقلي الباطن لاني لم اوقف التفكير رغم مرور 3 سنين


ارسلت الرساله مثل التي كتبتيها قبل فتره وكان الرد من ابوها ان زوجتي تبي الطلاق وغير مستعده للتفاهم او النقاش

حرام والله بس القهر ان ابوها اللي يرد عليك

ماعندها جرأه انها تجرحك ...

لو فعلا ماتبغاك كان ارسلت لك هي

او كلمتك

لازم تقول لابوها .. انا بطلقها اذا هي ماتبغاني
لكن انا مستعد انفذ شروطكم وشروطها .. انا شاريها وماقدر اتركها لواحد غيري

وقول اذا مصرين على رايكم لازم اكلم زوجتي لحالي وبعدها اقرر وانا مرتاح

اما انك تطلق بدون ماتقابلها .. نصيحه لاتسويها

لازم الكلام يطلع من زوجتك
والافضل وجه لوجه
لانها رح تحن لك ويحن قلبها والدليل انها تتهرب من الرد عليك

حاول لاخر مرررره والله يوفقك