والله الزواج مو بهذه الطريقه اريده ويريدني
الزواج شوفه شرعيه وقبول مبدئي ومن ترضون خلقه ودينه
وبعدين تتزوجي وتتنازلي وترضي وتطيعي زوجك

اما ابغاه كذا وابغاه كذا معانته مطوله السالفه
انتي اللي راح تدفعي الثمن بعدين
الان يجيكي زوج بكره يجيكي معدد

أجل الزواج كيف؟!
شوفة شرعية وقبول مبدئي وعلى طول عقد !!!
هذا هو الزواج في نظرك؟!
كيف أتنازل وأرضي زوجي وأنا بالاساس مو مقتنعة فيه ولا أشوفه يملي عيني؟!

أظن مايحتاج أجيب لك نماذج من المنتدى عايشين مع بعض كأنهم أعداء مو أزواج
و الكل يسلك لها وحياتها مالها حل إلا الانفصال، لكن بعد أيش؟ بعد ماجابت أطفال.
وعندي نماذج ايضا من الواقع.
والله الثمن اللي بدفعه مع زواج لمجرد الزواج أكبر

اوكي فهمناك اختي
لكن ماله داعي تعصبين علينا
احنا قصدنا خير وما نوينا الا المساعدة ولو براي
لانه ليس لديك الا حل انتظار من يدق الباب والاختيار من الموجود
عموما الله يوفقك

فين عصبت عليكِ؟!
اقتبسي لي ردي اللي فيه عصبية

خلاص حبيبتي نقي واتشرطي وانتظري
والعمر يمشي
ترا 30 سنة هي اللي لأجلها لازم تتنازلي
الرجال ماعنده مشكله يتشرط من البوم ليكرة انتي عارفه
لكن الحرمة غير كل سنة من عمرها تفرق معاها
ووراكي امومه لازم تحسبي حساب لها
الرجل يخلف للثمانين لكن الحرمة لا
والله انا انصحك كأخت ترا ولا انا لا اعرفك ولا تعرفيني
لكن هذه الحقيقة
ولا ترا كلللللللنا نبغ نتشرط وعندنا موااااصفااااات ولكن خير رلأمور الوسط

واللي تقولي في المنتدى مو متوافقين طيب فيه قصص في المنتدى اخذو بعض عن حب وتفاهم وتشرط
واكتشفو بعد الزواج انهم مو متوافقين فسريلي بالله ؟!

من بداية موضوع واضح كلامي
إني أبى أتنازل ، وسألت : عن ماذا أتنازل؟! وكان هذا عنوان موضوعي
انا فاهمة وعارفة كل شي لذلك فتحت هذا الموضوع
ولو ما ابى اتنازل و ابى اتشرط ماكان فتحت هذا الموضوع نهائي.

التنازل مايعني آخذ شخص غصب عني و غير مقتنعة فيه او نقول نسبة اقتناعي
فيه منخضة جدا، ليش أظلم نفسي وأظلمه معي؟!
كل شي سويته في حياتي بدون اقتناع مامشيت فيه، وندمت إني سويته بدون اقتناع

ترى انا راضية بشخص مو مقتنعة فيه مية بالمية لكن تكون نسبة اقتناعي عالية
وأحس بالانجذاب له وانه الشخص اللي ودي أكمل بقية حياتي معاه، بغض النظر عن عيوبه.

وبالنسبة للي تزوجوا عن حب وماتوفقوا
فوجود الحب وحده مو شرط أساسي لنجاح الزواج
المهم الانسجام والتوافق بينهم ووجود عوامل اخرى اجتماعية ومادية وثقافية وتعليمية.

__________________

بالبداية احب اشكرك لتواجدك
و ردودك المتفهمة

مافهمت، كيف أقيّم نفسي؟! من أي ناحية؟!

أختي خيال
بداية من حقك يكون لك معايير
الشخص المتاح لم يجتاز معيار المستوى التعليمي ولا المستوى المادي ولا العمر
برأيي غير قابل للتنازل أصلا!!

ومسألة أنك تغامري علشان احتمالات
انه ممكن مؤهل ثانوي وتفكيره احسن من الجامعي
وممكن مستواه الان نازل بكرا يزين
وممكن يبي اطفال وبكرا لما يذوق المسؤولية يخف

لكها محض ظنون ممكن تكون و٧٠%ماتكون لأنها اصلا مخالفة للواقع الحالي

غير انه الشخص بعد الارتباط يبدأ يطلع على عيوب شريكه اللي ماتبان الا مع العشرة والقرب
يعني فوق انه مناسب مواصفاتك لما تتزوجين برضو فيه اشياء بتبان مع العشرة..

الموضوع مو تجربة وظيفية ولا سفرة ام اسبوعين
هذا زواج وارتباط والمجتمع مجرد ماتتزوجي يقيمونك بناء على اختيارك للأسف!!

انا اكلمك من تجربة
تزوجت متوسط الدخل طبعا ارفع بكثير من خطيبك والحين مو قادر يغطي مع اني موظفة ومررنة جدا بخصوص الصرف
ثانيا كنت عارفة انه تعليمه ثانوي ومثلك قالوا لي مو شرط..زوجي مو سيء وعمره ماوقف بطريق نجاحاتي بالعكس بس تفكيرنا مختلف
كان يحب الاطفال وقالوا لي بس تجيبي البيبي ال٣ بيقولك بس وللأسف برضو مش صحيح..

نظرتك للزواج مو بس اشباع عاطفي وتكوين اسرة
لك نظرة اشمل
لذلك اكرر لك كلامي فكري بعقلانية تامة
وربي يرزقك فوق ماتتمنين عاجلا غير آجل

ابحثي بنفسك أو عن طريق أهلك ولا صديقاتك ومعارفك عن شخص تتوفر فيه شروطك واعرضي عليه الزواج وخليه يتقدم لك .. في غيرك سواها من قبل, ولا ممكن يطول انتظارك

__________________