حرام عليك ياكنافه والله رحمت زوجك
مبين انك ماتتنازلين عن شي لو الازواج مابينهم مودة ورحمه وتناولات مامشت الامور

خليه ليمن يطيح الي براسه
انتي ماتعرفين تصبرين
وصعب استفزازك
روقي وطنشي وكبري عقلك
الصبر زين يا كنافه

انا تنازلت عن حقوقي الشرعيه
وهو ضغطني كثير

نفس كلامه والله
يقول خليني لحد مايطيح اللي براسي
اساسا هالامور ماتنطلب
واذا زاد البرود يطول الجفاء
وانا فعلا ما اعرف اصبر
وما احب الحال المايل
اليوم تخانقت معه الظهر
وماتكلمنا بعدها لحد الان
كان متضايق وجالس لحاله طول النهار
ومن 10 دقايق لبس وتشيك وطلع

ام روان بقولك رايي بصراحه:من رجع لك اشوفه رايته بيضاء عدا تقصيره بالجماع...واعتقد انه يبي وقت عشان يصفي ذهنه بعد المشاكل،،انتي اغلطتي بقولتك بسافر !! صدقيني السفر ماراح يغير شي بالنفس هنا وهناك كله واحد ..مع كل شد تلمي اغراضك وتقولين طلقني(فاقد الاحساس بالامان معك ) وقريب بتخلين غيابك عنه ماله وقع على نفسه ابد،،اذا حاولتي تقربين له وتطلبين العلاقه لاتستسلمين بس لمجرد ما يقولك (اثقلي-اصبري شوي) كملي بدلع وتجاهلي كلماته،،،متاكده 100٪‏انه راغب بس نفسيته القشرا ماتسمح له بالرضوخ بسهوله..وانتي عاد شخصيتك دزني واتويقع..على طول تستسلمين وتنهارين ...

وليش بتقولي (حتى انا كنت ابكي ايام وليالي)؟

يعني انتي حاسه ان بكاؤه شي كبير بس تقنعين نفسك انه عادي بما انك بكيتي كثير ايش فيها يبكي مرة..

ما ادري انتي بجد ماتفرقي بين الاثنين؟ ولا تكابرين؟

يختي حتى لو بكيتي شهر مو نفس الشي..

وردة فعلك تمسحي دموعك وتجلسي للاستجواب زي ماقلتي مثل موظفين.. ماهذا؟؟

انتي المرأة انتي الي لازم تبيني عواطفك وحنيتك مو تكتميها وتاخذك عزة النفس..

كنتي حضنتيه ومسحتي دموعه وتأسفتي على الي سويتيه والي ماسويتيه.. وعبرتي عن حبك الكبير له.. كان انتهى الامر بصلح جميل وعلاقة حميمية جميلة ربما..

بس انتي بكل صلابه شفتيه منكسر امامك وماحركتي ساكن.. وبهذا التصرف زدتي الطين بلة..

تطلببن منه الحنان والتعبير عن العواطف وانتي الي امرأة مو قادرة على هالشي.. فلا تستغربي جفافه وهو رجل..

راجعي نفسك.. راجعي تصرفاتك.. كلماتك..

كوني انثى يا روان.. زوجك محتاج يشوفك ضعيفة وكلك حنان ورقة.. مو واقفة زي الجبل وما تضعفين كانك في حرب!!

اتمنى يكون بعده عنك مجرد تاديب.. أحسن مايكون فعلا عايفك ومو قادر يتقبلك في العلاقة..

اعملي تغيير حقيقي.. خطوة خطوة.. مو تجي تتصرفي كانه مافي شي وتستهبلي.. وبعدها ترجعي لصراخك وغرورك.. اختاري منهج تدريجي نحو التغيير.. حتى ما يحس زوجك انك تمثلين، وبعد دقائق سترجعين لحقيقتك كما يحصل فعلا في كل مرة..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

يا زهرة رجعني وهو رامي الدبله بالبيت
سافرت معه ودبلته بالبيت
هالشي قهرني جداااا
وهو يقول انتي السبب
كل حجته اني تركته شهرين
نسى انو تعامله السيء معي طفشني

كانت صدمه عمري لما ماشفت الدبله بيده
وانا بعز الازمه لابسه الدبله مارميتها
وهو يعرف هالامور تعني لي كثيييير

طبعا رجع لبسها اول مادخلنا البيت
بس بعد ما كسرني من داخل

انا بكيت ايام وليالي من تصرفاته معي
طول السفره متعكنن
بكل طلعه ساكت والا يلعب الاطفال
والا عالجوال
وكأني مو موجوده ابداااااا
وانا ساكته ساكته ساكته
ما انفجرت الا لما وصلنا البيت
وهو عرف غلطته وراضاني بكلمتين
بس جموده معه جارحني
اليوم الظهر تخانقنا
وانا زودتها بالكلام غصبا عني
مو عارفه ليه رافضني
اذا عايفني ومو قادر يتقبلني بالعلاقه
فماهو ملزوم يجلسني على ذمته
وانا ما ابغى اهين نفسي
لان هالشي جد جد تاعبني نفسيا
يعني ياناس شهرين ونص مالمسني
واجيه بحب وحنيه
عامله نيولوك وصابغه شعري وعدسات
وشاريه ملابس جديده
وقبل السفر رحت الصالون اعمل سيشوار
واخرتها ماحط عينه بعيني دقيقه
ولا علق على شي
ولا حتى لمس يدي
شي يدمر اي انثى بالدنيا
كل كلامه معه: ايش تطلبي اكل
ووين نروح الخ
كأنها رحله عمل
وحتى بعد مارجعنا استمر بجفاه
احس هو حريص مايغلط معي وبس
رسمي جدا جدا جدا !!

معليش يا روان حساسيتك ومبالغتك تخطت الحد الطبيعي
صدمة عمرك عشان دبلة؟ تراها تفاهة وشي ما يسوى أبدا !
لو تدقيقك معه في الأمور الثانية على نفس النمط، فالله يعينك حقيقي!

حبيبتي 5 سنين لابسها
عمره ماشالها من يده ابدا ابدا
فاكيد بتكون صدمه لما يشيلها متعمد
وهو عرف هالشي
واول مارجعنا لبسها