بالتوفيق تزوج

لا تنتظر حضرتها ولا شي .. لكن بعض النساء حساسات
كلمة توديهم وكلمة تجيبهم .. يحبون الدلع والراحة والكثير من الرومانسية
زوجتك يبدو أنها من عاشقات التغيير والروتين يقتلها
حرك حياتكم وغير منها وابذل جهد مثل ماتبي هي
حفظاً لاطفالك على الأقل..
مشكلتك طبيعية وتصيب كل البيوت الزوجية بعد مرور عدد
من السنوات .. وللاسف الانفتاح على الاخر ساهم بشكل او بآخر
في تغيير نظرة المرأة للزوج والزواج وأصبحت تطلب المزيد

من الصعب يا أخي على مشكلة مثل هذي نقولك روح تزوج
ومازال فيه طرق مفتوحة لم تسلكها ..

بالمناسبة ما هو عطر زوجتك المفضل ؟
أفضل كتاب أشادت به يوماً؟
أول موقع إلكتروني تتصفحه كلما أمسكت جهازها؟
قلم روج تحب لونه؟
نوع من أنواع الرياضة تحبها حتى لو لم تمارسها؟
هل تعتقد أن هناك كثير من الأمور التي لا تعرفها عنها كمثل
الأسئلة السابقة ؟

لا أحتاج لإجابات بل اتركها لنفسك لتعرف لأي مدى تفهم زوجتك

العقد الفريد،،
نعم زوجتي تكره الروتين وتحب التغيير ،،،. لكن لأسف تنظر لمن هو أعلى منها وتقارن نفسها في من هو أعلى منها مستوا وخاصه الماده،،،،
تريد أن تكون مثل مستوا زميلاتها الي أعلى منها مستوا مادي
تحب تمارس رياضة المشي، وأيضاً تفكيرها تجاري وبالمناسبه هي من تاجرات أحد المنتديات النسائية
سبابفاً الآن أنشغلت بالتعليم

اخوي

تقريبا اخوي واجهته نفس المشكلة مرة مع زوجته
و طبايعها مثل زوجتك و هو موفر لها كل شي

هي انتقاداتها انها تحب السهر و الزيارات دايما
و هو بيتوتي

المهم
انها اهلها مثل اهل زوجتك

كانوا في طرف اخوي

بس مرة من المرات تركت الاولاد عنده و تبغى الطلاق بدون سبب

هو اخر شي طنشها لما مالقي لها اي سبب
و بالفعل بدا باجراءات الطلاق و هي مطنشة و تسافر و تروح مع اهلها بدون ما تعطيه اي اعتبار

اخوي صحيح طيب و حنون
لكن كرامته و رجولته فوق كل شي

جاب شغالة لاولاده و ترك زوجته شهرين
و كلم اخواتي يدوروا له زوجة اخرى بمواصفات معينة

.
.

زوجته في الاخير لما شافته انه ممكن يستغنى عنها خلاص
قامت رجعت لزوجها و عرفت قيمة بيتها
و ابوها و اخوها كلموا اخوي عشان يتراجع عن الطلاق

.
.

انا اتوقع انه الزوجة لما تكون ضامنة زوجها انه ما راح يقدر يستغنى عنها
تقوم تنكد عليه عالطالعة و النازلة

لكن لما تخاف من انها تخسره و تخسر بيتها و حياتها معاه
تحافظ على بيتها و عليه

.
.

نصيحتي انك تطنشها
وًتاخد الاولاد و تسافر بهم و تمشيهم و لا ترد عليها
لحد ما ترجع لك بنفسها

أصلح حالك مع الاولئ حتى لا تتعب مع الثانيه

الزوج الذي يمر بمشاكل مع زوجته الاولئ غالبا يظلم الثانيه ومن تتعدل الاولئ رجع لها بكل قوه وحب

هكذا هم بعض الرجال

لانه الله العالم بوضعك وخلافاتك وحال زوجتك معك

لن اقول لك تزوج
ولن اقول لك طلق

بل ساقول لك لا تظلم احد وهذه اكثر نصيحه ستنفعك

أسال الله ان يصلح حالك

الله المستعان

.................................................. ...

المهم اخوي انت اعرف بحالها
لكن ان قررت وعزمت تتزوج وخطبت بنت الناس و ملكت عليها تحمل تتراجع وتكسر قلبها
حتى لو رجعت زوجتك وقالت خلاص بتعدل طلقها
يا تمشي في الموضوع وتكمل يا لا تبدأ اصلا

وزوجتك يبدولي من النوع اللي ما يشكر النعمة ولا يعرف قدرها الا اذا شافها بيد غيره
الله يكفي بنات المسلمين شر النوعيات هذي

استخر واستشر عاقل قريب من وضعك وتوكل على الله واسأله الا تندم على اي قرار تتخذه

زواجك الثاني اتوقع راح يزيد عنادها ما اظن يطيح الحطب
وديها عيادات اسريه رحوا سوا قبل لا تفكرون بالطلاق
جرب تطلعون سفره لحالكم ممكن يتغير جوها
واذا معنده وقطعت التواصل معك وعلاقتك مع امها كويسه خلي امها تكذب عليها وتقولها انك طلقتها وتزوجت وتشوف رده فعلها بس خلوا كأن الموضوع صدق وانت اقطع التواصل معها يمكن ينفع
الله يعينك وضعك محير وحتى حل الزواج الثاني احسه بيعقد حياتك زياده

لاتطلق ولا تتزوج اطلاقاً
لكن خل يوصل لمسامعها انك خاطب وحده
وانك تبي تغير البيت او الاثاث
وانشغل عنها نهائيا لاترد على مكالماتها ولا مسجاتها
ولا تكلم امها او اي احد من طرفها
لحد عيد الاضحى او بعد العيد

وبعدها اتصل على امها وقل اذا بنتك لها اغراض او تبي شي من البيت تعالوا خوذوه
لاني بغير البيت او بغير الاثاث
ولاتدخل باي جدال او نقاش مع الام
كلمه ورد غطاها .. واذا قالت لك بنتي تبي الطلاق
قل هاليومين برسل ورقتها

خل اسلوبك جدي وغامض

واسحب فتره .. ولاترد على اي مسج او اتصال منها
وراح تشوف النتيجه غير طبيعيه
هي اللي راح تدورك وترسلك
ويمكن ترسل ناس يتوسطون بينكم
وخلك ثقيل ومصر على موقفك

بس تحمل فترة كم شهر
والامور بتصير لصالحك


واذا رجعت الحياه الزوجيه لمجاريها
نصيحه لك لاتتمسك بارائك
وتجادل كثير
وخلك مرن ..
الحياه الزوجيه تتطلب مرونه
ولاتدقق بكل شي

مشكلة بعض الرجال كل صغيره وكبيره
يتدخلون فيها .. وينسون ان المرأه لها شخصيتها المستقله
وليست تابعه للرجل في كل شي

والكلمه الطيبه صدقه
خلك طيب ورومانسي
ولاتبدي تمسكك فيها
حتى لاتستغل هذه النقطه

__________________
سبحان الله والحمدالله

انت الرجال وبيدك القرار وبيجي يوم تندم على طلبها ان شاء الله
وشلون تقدر تطلقها وهي تقول حنا نحب بعض
لازال الأمر فيه فرصة للإصلاح
اما سالفة البلوك هذي اعتبرها حركة اطفال ليه عطيتها بلوك
كبروا عقولكم
احس فيه شي ماقلته لنا
طمنا عنكم

هذا الكلام