لا بالعكس عارفه بالتصوير وأحيانا هي اللي تمسك الكاميرا ! يعني الموضوع ماهو ابتزاز !! او انها ماتدري !!
مادري احس فيه شي بينهم غريب شوي ! وودي أعرف اللي صار !
على طاري التهرب والسرحان والاترباك مادري بس عندي احساس قوي ! انها مازالت تحبه وودها لو ترجع اللي كان !!
اما عن التهرب يمكن غيره !

للأمانه هذا اللي بسويه ! ماودي يعرف ابدا اني عرفت عن علاقته وعن اللي مسويه بالماضي !! يمكن ارسل هالصور !! مع اني اخاف من ارسالها أخاف شي ينتشر عن طريق الخطأ !!

حسبي ونعم الوكيل على كل من يلعب ببنات الناس ومو اي بنت خالته وتركها واتزوج وهي قاعده بحسرتها لكن يشوفها ببنته او اخواته هذا دين عليه

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

انا كمان اعتقدت نفس أسبابك بالضبط !!
ولكن ماهو حاط علي أي ضوابط أو ينهرني اا سويت أي شي معه بالعكس كل اللي نفسي فيه أسويه !! وماعنده اعتراض ويتجاوب ! عادي معي
و ماعمره فتش من ورآي أو عمل أي تصرف يدل على انه يشك فيني !!
لكن فقط انا استغربت من اختلاف التصرف من ناحيته هو معاها ومعي !!

متزوجين ؟؟؟ الله اعلم !
متأكده ! لاني سبق وذكرت في ردي على أحد الاعضاء ! الصور والفيديوهات تاريخهم قديم جدا !! وطول هالسنتين ماتبين معي ولا شي أبدا أبدا يدل على ان زوجي عنده خربطه او علاقات في فترة زواجنااا !!


أنا للأمانه ماافضل أحذف شي ! لاني ماأبيه يعرف أبدا اني عرفت بموضوع علاقته وماقد سولف لي ولا أصلا أبيه يقولي ويسولف ! عن هالأمور !!!

هو رجل ممتاز بالعكس عشان كذا ماودي اتصرف واستبق الأحداث واتطلق مثل ماقالوا بعض الاعضاء !!! وأندم على تصرفي !! لكن في المقابل ودي أتصرف تصرفات صحيحة مدروسة

الظاهر من كلامك أنك جدا واثقة من حياتك معه

انا اللي محيرني مادام كانت علاقة من الماضي

ليه بعد ما قرر يتزوجك ما حذف اي شي يتعلق فيها واتلف الهاتف نهائيا!

وقلتي ان لكم سنتين ونص ولازالت دلائل علاقته موجوودة!

أين توبته من كل هذا واحترامه لك ولميثاق الزوحية!!

اريد ان اصحح لك معلومة ذكرتيها عن مسألة الابتزاز. ليس بالضرورة ابدا ان تنفي وجود الابتزاز لمجرد انها كانت على علم بالتصوير او قامت به بنفسها فهناك ضحايا كثر (لا أعلم اذا كان مصطلح ضحايا مناسب في هذه الحالة لنقل بنات ساذجات) يحدث أن ترسل البنت صورها بنفسها ويبدأ بعدها مشوار الابتزاز والمواقع مليئة بقصص كهذه. وربما هذه البنت وثقت بزوجك في لحظة ضعف. والتجرؤ على أمر ما لا يحتاج جهدا كبيرا وستار الحياء ممكن أن يزال من لقاء واحد.

خلاص دام شي من الماضي
والصور قديمه وقبل زواجكم
انسيها انسيها انسيها
مو من حقك تحاسبيه على ماضي
تاريخ علاقتك معه بدأ بعقد النكاح
الماضي يبقى ماضي
واحتمال ناسي الجهاز
ونسى ينظف القرف إللي فيه
ولا تفتشي ابدا
التفتيش ما وراه الا وجع الراس

موفقه عزيزتي

- طالما سلمت نفسها له فالاكيد كانت حابته

برايي اي بنت مهما كونت من علاقات مابترضى بالتصوير لانه يهدد حياتها !
ممم يعني هي ماخذه راحتها وتصور ومتطمنة للموضوع
مازلت اعتقد ان بينهم اتفاق للزواج ! وسحب عليها او حصلت مشكلة بينهم .

احتفاظه بالصور غريب !
- ذكرتي انه خلال فترة زواجك مافيه شيء يدل على انه له علاقات يعني نستبعد انه يهددها بالصور لتطلع معه وكذا .

- احتمال احتفاظه بالصور لاجل يبعدها عنه ويهددها فيها لاجل ماتحاول تخرب له بيته !

مالك الا الصبر والايام تكشف لك الخبايا
مافيه محادثات او شيء قريب من فترة زواجكم !

مرحباً أختي

سأقول رأيي وإن كان فيه بعض الحدة شوي وأعتذر لذلك

تقولي أنك لا تدري لماذا فتحتيِ جوال زوجك القديم وبالتالي برضه ما تدري ليه فتحتِ الصور والفيديوهات .. سبحان الله .. كل هذا التجسس ولا تدرين ليه

مع أنك تقولين أن زوجك ما يفتش وراك ولا يسألك .. يعني برأيي طلع هو أحسن منك .

نرجع لموضوعنا
أعتبري إنك ما شفتي إللي شفتيه كيف هي طريقة حياتك الآن .. هل أنتِ مرتاحة مع زوجك وما عندك مشاكل أو حياتك ما هي تمام ..؟؟
هذا أول سؤال تسأليه لنفسك

ثم اسألي نفسك أنت زعلتي عشان إللي مع زوجك بنت خالته وأنتِ تعرفيها وخايفة إنه ممكن يكون لازال هناك علاقة معها .. أو زعلتي أن زوجك متصور مع بنت بغض النظر من هي ..؟؟

ثم اسألي نفسك على إفتراض لو تطلقتي إيش ممكن يغير طلاقك من الموضوع لو أراد زوجك الرجوع لبنت خالته ..؟؟

ثم اسألي نفسك لو صارحتي زوجك باللي شوفتيه وقالك هذا ماضي وكنت بتزوجها ومالك شغل إيش حتكون ردة فعلك ..؟؟

ثم اسألي نفسك لو صارحتيه فكيف ستكون نظرتكم لبعض بعد كده وهو حاس إنه أنكشف وعامل عملة سوده ..؟؟

أما بالنسبة لإستغرابك عن كلامه وتعامله معها مختلف عن تتعامله وكلامه معك .. فهذا طبيعي .. لأن العلاقة الحرة بين الرجل والمرأة يستطيع فيها الجميع التعبير بكل ما يريد ويتعامل بأفضل التعامل لأنه ليس هناك قيود تلزمهم

أما علاقة الزوج والزوجة فهناك قيد الإحترام والتقدير وعدم إظهار الخطأ أو أي سلوك قد يعتبر منقصة وتعييب وإنتقاد

مثلاً : لو كانت عندك صديقتين أحدهما تحترميها وتقدريها وتحبي صورتك أمامها دائماً مشرقة .. والأخرى تتكلمي وتتعاملي معها بكل أريحية وفي جميع المجالات دون قيود حتى لو تعملي هبالات أمامها أو تتكلمي على غير النمط الذي تتكلمي به مع الناس .


أعانك الله