ياقلبي انتي يا المحيط الهادر
ياشيخة روحي ربي يسعدك ويهنيك فين ما كنت وفين مارحت وفين ما جيت آميييييييين يارب
بصراحة ربنا
الدافع اللي قلتي لي هو عشان أبدأ أتجهز ...
بس بيني وبينك اللي معطلني لحد دحين حاجتين :
الحاجة الاولى اني ما بدي اشتري من بلدتي ، وابغى اشتري من بلدة تانية حنسافر لها ان شاء الله بداية الاجازة
الحاجة التانية اني باستنى التخفيضات اللي حتكون في بداية اغسطس زي ما انتي عارفة
بس والله اديتني حماس ، ونفسي اروح اشتري دحين دحين كل الحاجات الحلوة لحبيب قلبي
بس تعرفي اش المشكلة ؟
انو انا من بلد ، وخطيبي من بلد تانية ، فمابنشوف بعض الا فين وفييين
المشكلة العظمى اني راح ادبش من بلد خطيبي ...
فانتي اتخيلي بس الوضع كيف حيكون
عارفة
بدأت أفكر في حاجات مبتكرة للفرح ، فكرت في حكاية المسكة الكريستال ، بس محتارة بين التاج وبين الورود ، بس
تعرفي فكرت اخلي حركة الورود اللي تتحط عالشعر كريستال ايش رأيك ؟
بس مني لاقية لحد دحين افكار للفستان ، والطرحة
عندي صور بس ما اعرف انزلها ، كان نفسي آخد رأيك ورأي الحلوين فيها
بعدين انا رأيي من رأيك ، بلا الوان بلا خرابيط وقتها ماراح يكون فستان عروسة ، حيكون كأنو فستان وحدة من
المعازيم لونو بيج مثلاً وحطت لو اضافات من الالوان
انا كمان ضد اللي يقولولي سوي الفستان من غير جابون .. يؤ يؤ حلاوة العروسة في الفستان المنفوش ولا مو ؟
عندك افكار مبتكرة للطرحة ؟
***
الحبيبة والغالية سما
طريقة تعطير العروس تتخلص في عدة خطوات لا تغفلي واحداً منها :
1. اشتري مجموعة عطرية كاملة من عطرك الذي تفضلينه + صابونة العطر نفسه
2.خذي الصابونة وقطعيها الى ست شرائح
3. احضري فستان زفافك ، رصي الشرائح فوقه ، اطبقيه من اليمين الى اليسار حتى لا يتأثر الفستان
4. دعي الصابون في الفستان يوم كامل على الاقل
5. الآن في يوم الزفاف ، خذي الصابونة وضعيها في زبدية وضعي عليها الماء
6. اغتسلي ، وادعكي جسدك بالليفة جيداً
7. احضري الصابونة بعد أن تكون قد أصبحت مثل المهلبية واغسلي بها شعرك وجسمك ورقبتك بالذات
8. في هذه الأثناء تكوني قد حضرت مبخرة ، اخرجي من الحمام إلى الغرفة ، واجعلي المبخرة تحتك
9. احضري اللوشن الخاص بالمجموعة العطرية وادهني جسدك به
10. بخري شعرك وانتظري حتى يتشرب جسمك اللوشن
11. الآن ، وزعي بودرة المسك على كامل جسمك
12. ادهني الرقبة وأماكن النبض بالعود
13. قبل ارتداء الفستان عطري جسمك بعطرك
14. أخيراً لا تعطري الفستان الا برشات خفيفة من العطر حتى لا تطغى على رائحة العود
للأمانة .. منقول بتصرف
الله يوفقنا يارب ويساعدنا