يعطيك العافية على ردك

انت الصادق هاذي منافع الملكة بعض الناس ما يشوف زوجتة الا وقت الزواج بعد الملكة في النهاية حالة طلاق لأسف الملكة تعني الكثير بالنسبة للتعارف والأنسجام بين الطرفين.

ان شاءالله تتسهل في الأيام القادمة

اخي الكريم اسال الله لك التوفيق

بالنسبة للطبخ وغيره لا تاخذ كلام البنت محمل الجد هذا من باب الدلع زوجتي نفس الكلام وبعد الزواج من احسن ما يكون في هالمجال .

لا تركز على القشور ركز على اللب الدين الاخلاق الاحترام التفكير

لا تقدم على الزواج قبل الاقتناع 100% حتى لاتندم

فنبة التغير بعد الزواج لاتتعدى 3%

اقعد معاها وفهمها كل نقاطك ، تخوفاتك ، واسمع لها ... قولي انا احب كذا وكذا وكذا ، وبعد الزواج فكرتي بتكون بكذا يعني عطها نظؤة مستقبلية لحياتكم شلون بتكون من ناحية العمل ، الحياة الزوجية ، السفرات ...

شوف ردها وردة فعلها وهل هل مستعدة للتغير من اجل حياتكم المستقبليه ؟ ..

مشكلة اذا فيه بعض البنات يكون مضغوط عليهم للزواج فتشوفها تعمل عكس صفاتها فقط ( عشان تطيح من عين خطيبها باالتالي ينسحب هو بنفسه من نفسه ! ) شفت هالنماذج وللاسف ما ندمت ! ما ندمت الا لما تدبست بانسان لا اخلاق لا دين ... تاكد من هالجانب ، ولاتستعجل ... ا

اشهر نصيحة منتشرة عندنا احنا يالبنات هي : لايدوي زوجك انك طباخة
ليه مدري ..
فيمكن هي جالسة تطبق هالنصيحة بحذافيرها

السلام عليكم اخوي
وفقك الله واختار لك الخيره الطيبه الاعضاء طبعا ماقصرو ..
انت جاي مندفع وتتكلم بغضب واندفاع ولكن خذ نفس عميييييق شهيق مع الانف واخرج الهواء كله من الفم ثلاث مرات نتخلص شوي من الضغوط .. الان نتكلم سيرس اخوي انتا طرحت كم اشكال مضايقك وهذا لابد ان يحدث حيث ان التوافق 100٪‏ هذا لا يحصل ابد
ابيك تحدد نقاط غضبك من زوجتك بوضوح وتراجعها بذهنك هل تستحق كل هذا الزعل والخوف والتوجس من المستقبل ؟ لا طبعا اهداء وناخذ الامور برويه
اولا طلعتها الاسبوعيه لخالاتها وعماتها اشوف انه من صلة الرحم عن نفسي اذا ماشفت خالاتي اسبوعيا اموت ههه لازم نجتمع وزوجي قبل كان رافض ومع العشره صار هو يقترح علي هاه اوديك الامر عادي صلة رحم وانتا اذا تأكدت خلو هالجمعات من المفاسد والاختلاط عادي مافيها شيء وتقدر تكلم زوجتك انو مو كل اسبوع انك انتا تبيها عندك وماتقدر تستغني عنها يوم .. كلام لطيف وهي بتروح فيها مو كلش لازم نظهره بالجد والقوه في الف طريقه وطريقه لايصال مانريد بشكل محبب مقبول للنفس
الامر الاخر الحفلات اعرف ايش نوعها قبل اصدار الحكم اذا لابأس بها ف حلو كنها زياره عاديه صح
الامر الاخر الوظيفه هي اشترطتها اخي الكريم اكيد لك رأي فيها ولكن خلك لين بالبدايه وهي ماراح تعمل الا اللي يرضيك من ناخية الاختلاط فهمها انه مرفرض رفض تام وبس لاني اغار عليك يا زوجتي الحبيبه
لا تخبيء مشاعرك الجميله وتظهر الاخرى عديمة الجمال
الغطاء ايضا ناقشها بحزم تتغطي يعني تتغطي ... وبس
الطبخ انا تزوجت بالجامعه ماعرف اسلق بيضه بدعم من زوجي الحبيب وبرغبه مني لاسعاده لاني احبه يمكن الان اسدح مفطح من السناعه ههه وعلى فكره قلت لزوجي ماعرف اطبخ قال نتعلم انا واياك خلاني اتحمس اتعلم على انه اقشر عقب الزواج ههعهه وطلع كله كلام هههه
ونصائح الصديقات كووم ثاني لا تطبخين والله ان يكرفك لا تبين حبك له خلك ثقيله لا تعطينه وجه وكلها دافع الغيره وتاكلها العروس كلها وكلنا وقعنا فيها وطاحت بروسنا بس بعدين تتضح الصوره وانو زوجي يستحق والصديقات محد بنافعني ونصير فل الفل ...
فممكن زوجتك معبى رأسها
المطلوب منك الان انك تجلس معاها جلسة مصارحه
تحضر بدون هدايا ولا شيء تكون صريح وجاد
تقرل ي فلانه انا ابغاك وانتي عاجبتني ودخلتي قلبي ولكن بخاطري امور نتفق عليها عشان تمشي الحياه بين محاسنها اول وقد ايش انتا سعيد ب ارتباطك فيها وعقب اسرد عتابك كاااامل وقولها عن حاجتك العاطفيه واسألها اذا ترغب فيك زي ماترغب انتا فيها لان اذا مالها خاطر فيك فكأنك تنفخ في قربه مشقوقه فهمها على كل شيء وان شالله تنحل اموركم ولازم تحكي معاها عشان يتضح كل شيء حلك الوحيد هو مصارحتها

بالنسبه لامها واضح انها شاريتك وهذي علامه حسنه اذا الام تبي لبنتها الستر فراح تسنعها وتعدلها ومافي بنت وراها ام صالحه الا وتتعدل غصب اما اللي امها متكبره ومتسلطه هذي اللي مافيها رجاء

__________________
أستغفر الله العظيم واتوب اليه

سالفة إنهم كذبوا عليك من البداية هذي تكفي تعطيك مؤشر بعدم الارتياح ..

كل شيء ولا الكذب !!

__________________

اللي لاحظت يا اخي انه بسالفة الطلعة للبحرين و الشغل، ناوي انك تغير الوضع بعد الزواج و انت واضع هذا الشئ بينك و بين نفسك و ما حاكيتها فيه، و اللي اشوفه انها تتعامل معاك على طبيعتها

يعني هي اوضح منك باعتقادي

مثلا تخيل لو انك شركت في العقد انه زوجتك ما تشتغل و هي تكون حاطة بحسابها انها بتخليك توافق على شغلها باي طريقة الا تعتقد انه هذا الشئ ممكن يضايقك

حاول تصارحها بمؤاخذاتك عليها و ان احسست انها تغيرت او تعدلت، كان بها و ان لا فلكل حادث حديث،

كونها من بيت على خلق فهي تستحق عناء المحاولة

وفقك الله اخي

الله يكتبلك الي فيه الخير ..

من وجهة نظري اول شي تحاول انك تتكلم معاها بجديه وبحزم وتوضح رغباتك لها وايش الي مو عاجبك .. وهي بتفكر بالموضوع ...الافضل عدم دخول الاهل لا اهلك ولا اهلها .. المزضوع بينكم ويتحل بينكم

الموضوع حياه مستمره وبتكون بينكم حياه طويله واطفال و و و .. عشان كذا لاتجامل نفسسسك .. اذا رفضت التغيير شوف انت تقدر على الحياه هذي او لا ؟
فترة الملكه عشان كل طرف يعرف الثاني ويوضح كل طرف للثاني رغبته وحاجات مهمه تفيدهم مستقبلا ف الحياه ..


موفق

اشكركم شكر الجزيلا جميعا على مشاركتكم بالموضوع الله يوفقكم بالدنيا والأخرة يا رب ويحقق امنيات الجميع

اخر ما توصلت لة مع زوجتي لأسف الشديد ترفض جميع اوامر الحياة ما تحب احد يتأمر فيها نهائياً حتى تصب ماء رافضة لمن ازورها تقول صب انت وحتى امها لمن جات قالت لها ليش ما صبيتي شي حق زوجك انحرجت الأم الشي هذا من اتفة الأمور كيف لو اتزوجها ولله الأمر اصبح معقد انا في وقت الملكة على الأقل تجامل لكن لا استجابة منها .
هذا الموضوع يشكك ان في بالها واحد ثاني او انها تربت على هاذي الأخلاق الله اعلم رقم امها ابوها في قمة الأخلاق ومتعاونين جداً.
لا اعلم ما الذي يحصل في الأيام القادمة انا صابر لكن الحل النهائي عند الأب والأم لكن لم اتوصل بة لحتى الأن.

غريبة فعلا
انصحك تسالها سؤال مباشر دون لف و دوران
اذا هي مغصوبة عليك ام لا
انت رح تعيش معها هي مو اهلها
هي متمردة عليك و لاتها عايشة مع اهلها
و لا تسمع كلام امها

عليك بالاستخارة و التفكير جيدا بهذه الفترة

الله يعينك