ممكن توضحين لنا ليش انت متمسكة فيه؟

ايش بتخسرينه اذا طلق ؟

ماراح اخسر شي غير قلبي بيتقطع
لو قال باخذ عيالي او حتى اخذهم يمشيهم
مااتحمل بعد عيالي عني
خصوصا أنه مارباهم ولاسأل فيهم
هوا مايؤتمن عليهم
انا اشوف تعامله معاهم كيف

ما راح يقدر ياخذهم عليك فيه محاكم وفيه انظمة وقوانين الدنيا ما تمشي مثل ما يبغى

الحين ما سال عليهم بيسال اذا طلق ؟

اشوفك مكبرة الموضوع وعايشة في رعب وخوف من ولا شيء ،، هديء نفسك وفهميها ايش بتكسبين اذا طلق ،،
كنت اتوقع فيه سبب قوي لتمسكك فيه ،، يبدو انه انت متعلقه عاطفيا به
تحتاجين وقت حتى تنفصلين عاطفيا وتلاقين مصدر اخر يدعمك نفسيا ،، صديقات ،، عمل ،، مشاريع مع ابناءك ،، لا تضيعين حياتك تنتظرين عاطفة من احد عشان نفسك اولا وعشان اطفالك ثانيا ،، جاء بسلامته ما جاء مع السلامة ،، مو تمثيل الا فعلا من اعماق قلبك ،، بتحتاجين وقت لكن النتيجة بتكون حلوة
الله ييسر لك درب الخير وادعي دايما ان الله يعوضك خير ويعوض عيالك

ابتسامة ورد
انتي تزوجتيه وكنتي عارفه انه راعي مسيار
وراعي سفريات ونسونجي
ورضيتي بفرق العمر اللي فوق 20سنة
وقبلتي تقصيره لسنوات
والحين فقتي فجأة
وانتبهتي ان اختيارك كان غلط
طيب
عندك حلين
اما تكملي بهذا الغلط وتتقبليه
او تنسحبي وتبدأي حياة جديدة
بس لازم يكون عن قناعة 100%
لان تأخر القرار مو من صالحك
العمر يركض حبيبتي
فكري وقرري واختاري
الله يوفقك

لا والله ماكنت عارفه أنه حق مسيار والا ماكان قبلت فيه ابد
عرفت هالاشياء بعد الزواج هو بنفسه قال
ومتى قال بعد سنه او زياده
وعمره كذب فيه قال عمره ٤٠سنه
بعد الزواج وانا حامل ب٥شهور تقريبا قال عمره ٥٢سنه
تقاجأت
لان تعرفين مايورون البطاقه بالزواج ولاتعرفين الصدق بالعمر
كانت صدمه بالنسبه لي
كثير اشياء كذب فيها اصلا مااكتشفتها الا بعد الزواج

اها الزواجه فيها كذب من البدايه
وين ابوك وقتها يشوف عمره الحقيقي و بعدين العمر يبان ولاتقولى مايبان
وشباب و ماعرف ايش ، اقل القليل عمره تعرفيه من عمر اولاده و من زوجته الاولى و شكلها
الغلط للاسف غلطك من البدايه باتخاذ قرار مهم جدا و جبتى معك ضحايا ..
تاكدى ان الرجل صار زي المراه يكذب بعمره و يبالغ بعد !
وفرق العمر بينكم جدا جدا كبير ..

اللهم امين
اشكرك ع الدعوه الطيبه
من ناحية متعلقه به عاطفيآ
صحيح مدري ليش حبيته من كل قلبي والمحبه شفتها حتى منه
لذلك تعلقت فيه
لكن استغرب لو صحيح يحبني ليش دائما أن صارت مشكله
يفصلها بالطلاق والتهديدات المستمره
لو شاريني ليه كذا مو فاهمه
اللي يحب احد مايقدر يسمعه ولايخطر بباله مثل اللي يهددني فيه

أولا اختي لاحظت انك كاتبه هو مش مرتاح معها بس عشان تصرف عليه وبنفس الوقت كتبتي ان هو مسكنها ببيت اربع طوابق
وهو حسب مايقول لك مش مرتاح معها
طيب بشخصية زوجك ليش مايكون صارم معها مثل ما هو يعاملك
اسمحيلي زوجك واضح ان مرتاح مع زوجته وعياله وحاس بالاستقرار معها وشهر ونص معها ومعك خمس ايام ظلم

لكن مثل ما قالت روان هو اعتاد على هالشي
وربما تزوجك لشي بباله ومن بعدها بطل مسيار لكن مو معناه ان مش مرتاح مع الاولى
ذكرياته مع الاولى لسنوات طويلة لعمر قضاها معه
يمكن زواجك منه مايتعدى الاربع سنوات وتعلقتي فيه

الله يعينك ويصبرك

الوحدة قبل اتخاذ اي خطوة بحياتها تدرسها زين زين لكن قدر الله وما شاء فعل

__________________
يا رب خاتمة حســنة ، وزلفى ، وحسن مآب ..

هكذا حال اغلب المعددين انا اسكت اسكت ثم يحصل انفجار بعد كبت وإذا قلت كل الي بخاطري قال هذا انا وهذي قدرتي وتبدأ تهديداته
الله يعظم اجرنا

اللي مرتاح مع وحده ماياخذ مسيار عليها
ولا يتزوج اساسا عليها ويخلف كمان
لو مرتاح ماينام في مكان وهي في مكان
لو ماتعرفين الاسرار لاتحكمين على راحة انسان وين تكون