روح غاليتي لي رجعة إن شاء الله

بس حبيت اعلق على الجملة اللي ذكرتيها بخصوص القلب والعقل يقول طارق الحبيب : هناك أشخاص يحتاجهم عقلك وهناك أشخاص يحتاجهم قلبك

ان شاء الله اقدر اخدمك باللي يساعدك ويعينك

وربي يطمن بالك ويشرح صدرك وينور دربك

نور الايمان

انا ما اقدر اجزم باني مثلا ما أحبه !؟؟؟؟
لكن بسبب عدم ثقتي به .. و حتى لا انصدم لاسمح الله باي شي منه ..
فأقنع نفسي و احاول .. اني احسس حالي بانه ولاشي بالنسبة لي ..

لكن فعليا فعليا و جربت الشي هذا ..
لما يغيب عننا .. او جواله يكون مقفل بسبب انتهاء البطارية .. او اي سبب ..
ما أقدر اتوقف عن التفكير فيه ..

و هو لما يكون بالبيت .. لو بينام يبغاني جنبه اجلس ..

لكن ما اعرف ليش .. لما اشوفه؛ تختفي كل الامور هذه !؟؟؟
يعني احس لما اشوفه انه شخص عادي .. ممكن الاستغناء عنه بأي لحظة ..

.
.

انتقادي بداخلي لاهله ..

فباعترافهم .. و حديث سلفتي معاي .. سلفتي عاشت معاهم 20 سنة ..
انه زوجي مختلف عنهم كثير ..

لكن لابد اني اشوف تشابهات بينه و بينهم ..

مثلا استحقاره للشغالة .. هما كذا برضو ..
مرة رحنا الاستراحة و من يوم صحيت الشغالة و هي ترتب و تنظف عشان بنروح خلاص و الاستراحة خاصة باهلي ..
فلازم اتركه نظيف ..

انا ساعدتها بالتنظيف و رحت الم القمامات الله يعزك و رحت تحت الشمس ارتب و اساعد ..
و قلتلها افطري و كلي شي ..

بعد مالشغالة جمعت القمايم في كيسين كبار ..
و خلصت شغلها .. راحت تبغى ترميهم برة .. و لازم تمشي مسافة ..

قلت لزوجي ساعدها حرااااااام ..
قالي خلاص هي توديه بنفسها

قلتله حرام .. شمسسسسس و حر و من اول بتشتغل ..
قاللي ليش اسمها ( شغالة ) ؟؟؟

قلتله حرام عليك .. ارحمها .. عشانها فقيرة و محتاجة فلوس نروح نعذبها ؟
ماعجبه الكلام .. بس راح يتأثر .. لانه تغير نوعا ما عن زمان ..

.
.

المهم ..

بس اضافة .. عشان لا احس بتأنيب الضمير ..

صح اهلي جديين بالحياة و العمل ..
لكن زوجي يتميز عن الكل .. بتعامله الرقيق و اللطيف و مشاعر الدفئ معه ..
يعني اهلي كويسين في كل شي .. لكن مرات يجرحوا بالكلام و خاصة وقت الغضب .
و يزعلوا من اي شي .. عكس زوجي ..

زوجي ماخد الحياة بسلاسة و بساطة ..
لكن ماعرف ايش يخبي وراه .. هذا الي يتعبني ..

فقط اضافات بسيطة :

- مرة قاللي زوجي .. قبل شهرين ..
انه ربنا بجد يعرف ايش نية الانسان و من غير مايتكلم ..

سالته ليش ؟

ضحك و قال .. لاني افكر بداخلي لو بيوم ربنا اعطاني فلوووووووووس ..
ابغى بس عشان اقهر اقاربي كلهم .. اولاد خالاتي و خالاتي و اخوالي و اخواني و عيلتي ..

سالته و ليش ؟
قام مثل الي كان مسرح و صحي .. قال ماعرف بس كذا ..

زةجي كتوم طبعا و مستحيل يقولي السبب او يفتح قلبه الا بالنادر جدا ..
شاركته الضحك

بعدين قلتله تضحك بجد .. انا لو مكانك افكر اني ابني مسجد عشان امي و ابويا .. و اعمال خيرية ..
قاللي ايوة اتصدق بس برضو ابغى اقهرهم ..

مع انه ماعمره اشتكى عنهم .. و لا تكلم عنهم ..!؟؟؟؟

بس عموما .. ما أحس انهم كانوا يعملوله اي اعتبار قلل لا يتزوج .. كانوا يسموه طرطور اهله .. طرطور ابوه و اخوه لانه اخوه كان يسبه و يضربه قدام الكل
و كان زوجي مايرد عشان امه و ابوه لايغضبوا عليه و اخواته يغضبوا عليه .. لانه الكبير كلمته مسموعة و متسلط ..


.

.

الموضوع هذاك .. مازال مؤثر فيا ..
ماني قادرة اسامح او انسى ..

مرة قلتي لي بوحدة من الردود .. انه زوجي يحبني ..

ايش اللي يثبت ؟

.
.

شخصيتي بشكل عام .. تغيرت بعد وفاة امي الله يرحمها و مروري العام هذاك باحداث و صدمات كثيرة ..
لكن اصبحت افضل بنظر الكل شخصيتي ..

لاني تعلمت من زوجي كيف اسايس الانسان و امتص غضبه و اتحكم بذاتي و ماحد يقدر يستفزني ..
و صايرة اجتماعية اكثر و اختلط مع الكل .. صار لي و الحمد لله معارف كثيرين يبحثوا عني و يتفقدوا غيابي ..
و حتى اللي مايحبوني زادوا .. بس ما اهتم؛ اضحك طول الوقت .. و ابتسم و احادث الكل ..

لكن بداخلي (حزن) .. و رغبة بالهروب من نفسي ..
اشعر الى الان .. اني ما اخدت الوقت الكافي للبكاء على موت امي .. كتمت البكاء و مازال بداخلي ..

بالرغم من كثرة الي حولي و الحمدلله .. لكن ما افتح قلبي لأحد ..
مشاعر بداخلي مدفونة .. جزء منها امنحه لاولادي ..

جربت فتحت قلبي لزوجي .. لكن مالقيت غير الطعن .. و النكران و الخذلان ..
و كذا أفضل لي .. اني ما اسلم نفسي لأحد ..
لاني كذا .. أنا أكون الأقوى و الحمد لله ..

لكن يجرحني اتهام البعض لي و محاولتهم اصطياد اي شي علي ..
حتى يكسروني ..

جربت الانكسار وقت امي ماتت و كنت راجعة من الغربة وحيدة .. منقطعة عن الكل بسبب انشغالي بالجلوس مع امي فقط ..
و كسروووووني كلهم.. و اولهم (زوجي) .. داس علي .. ثم أهلي ..

ما اقدر ارجع اعطيهم مشاعري الصادقة ..
أنا أقوم بالتمثيل .. المهم مصالحي و مصالح اولادي ..

افكر اني اطلب منه لما ينزل راتبه يعطيني قيمة فواتير الكهرباء ..

السبب :
- هو مسرف ومايهتم بالكهرباء .. ممكن يفتح التلفزيون و ينام لتاني يوم و التلفزيون مفتوح ..
ممكن يترك اللمبات و المكيف مفتوح و يخرج ..

انا احرص دايما على اقفال الكهرباء الزايدة ..

و منها كمان .. انه يحس بالمسئولية .. و مو كل شي عليا ..
لانه انا باشتري كل الاثاث و الاجهزة .. فاقول له يعطيني فلوس الفاتورة ..

.
.

و هناك حركة دايما تصير ..
لما نروح مكان .. يكون مزاجه متعكر و يعصب عالبزورة او يتكلم كانه احد يجري وراه ..
لما اسكت عشان امتص غضبه و اطنشه .. يزييييييييييد .. لحد ما انفجر و اعصب عليه ..
يقوم ينقلب و يصير يمزح و ينكت معانا .. و يحاول هو انه يراضيني ..!؟؟

ماعرف ليش كذا يعمل !!!!!""

روح غاليتي ، بالنسبة لصلة زوجك بالله عز وجل فخوفك عليه يدل على معدنك الطيب كزوجة تجاه زوجها ووالد ابنائها ، وامامك طريقين معروفين الاول تذكيره بدون اي جهد او تحضير ، بمعنى اذا ارتفع صوت الاذان وكنتم موجودين في البيت ، كلميه بكل هدوء وبشكل طبيعي ( قوم صلي حبيبي ) وتنتهي مهمتك تماماً وتتجهي لصلاتك وتكملي عملك او اي شي كنتي تعمليه وهكذا كل مرة ، صدقيني الكلمة الواحدة لها مفعول اكثر من الكلام الكثير لانها الوحيدة اللي ستتكرر في عقله

والطريق الثاني : انك تستمري بالدعاء له بيقين وهذا الباب لن يخيبك ابداً + انك مثل حي له في البيت لما يشوفك ملتزمة بالصلاة في وقتها فهذا له اثر داخل نفسه سيحفر فيه مع الوقت وستظهر نتائجه مع الوقت صدقيني + في حال اشتكى حاله لك من اي امر على طول ارجعي السبب لانه غير محافظ على صلاته لانها مقترنة بالفلاح فالمنادي يقول حي على الصلاة حي على الفلاح ، فالفلاح في الصلاة

واولادك ابدا ما تخافي عليهم لان والدهم غير ملتزم ، المهم صورته امامهم ما تهتز او ما تظهر بصورة مهزوزة مكسورة او انه فاشل او ، اجعليه في نظرهم دائما رجل كامل ، امامهم وبينك وبينهم لا تسمحي ابدا ان صورته تهتز من اجلهم ومن هنا حتى يكبروا يغير الله من حال الى حال بإذنه تعالى

المهم انك امهم تكوني قدوتهم في الصلاة والخلق والتربية ، ولما يكبروا اكثر ويفهموا ان بابا مثلا لو ظل مقصر في صلاته بيني لهم اي عذر انه يصلي برة البيت واذا استمر على هذا الحال لما يكبروا ويصيروا بسن الرشد وظل ما يحافظ لا قدر الله وسألوا خبريهم بابا مقصر في صلاته وهذا غلط ادعوله انه يصير محافظ على صلاته وانتم اولاده دعائكم مستجاب لوالدكم كما اخبرنا الله ان الله يستجيب للولد الصالح لابوه ادعوا لبابا ان ربي يهديه ويصير محافظ على صلاته ، المهم انهم يكونوا محافظين هما على صلاتهم فأنا اعرف رجال ونساء تبارك الله من حفظة كتاب الله وملتزمين بالصلاة لوالدين اثنينهم ما يصلوا ، وان شاء الله يحافظ على صلاته وربي يهديه لما يحبه ويرضاه في اقرب وقت

ويحاول انه ما يترك الصلاة بشكل كامل هذا شئ مهم ، على الاقل يحاول يحافظ على الجمعة على الاقل خوفا من حديث الرسول عليه الصلاة والسلام ، ذكريه انه اذا ما قدر يحافظ على الصلاة انه يحافظ عليها 4 مرات بالاسبوع في صلاة الجمعة جماعة وبإذن الله مع صلاة الجمعة في جماعة ومع خطبة الشيخ سيفتح الله على قلبه ويهديه ، المهم يعاهد نفسه ويجاهدها ان الجمعة يحافظ عليها وجهزي له ملابسه من يوم الخميس بالليل وصباح الجمعة بخري البيت بهدف تعطيره وافتحي النوافذ وشغلي القرآن واصحي بدري وخلي جو البيت روحاني ذاك اليوم وبإذن الله ينصلح الحال

اقتباس:

خاف ربي يسخط عليه ، و يعاقبه و نحن نتحمل النتايج لا سمح الله ..

هذا الامر لابد وان تكوني عارفة يا قلبي ان الله لن يحاسب انسان بالغ عاقل بجريرة غيره ، دورك تذكيره واعانته على الصلاة بتجهيز ملابسه وتحفيزه بثواب الله ، كل فرد سيحاسب هو نفسه على تقصيره ، وهو كأب مسؤول عن تعليم اطفاله الصلاة حتى يبلغوا والى هنا يصبحوا محاسبين على صلاتهم ما يقولو امي او والدي ما يصلوا خلاص ، لا هذا ما يجوز ، وهذا مدخل لزوجك انه سيسأل عن اولاده اذا ما علمهم الصلاة ، ودورك ايضا واذا زوجك قصر استمري انتِ في دورك تجاههم وهذا عليه اجر جدا جدا عظيم لانك تخرجي للدنيا رجال مسلمين يسجدوا لله واكبر دليل زوجك ربي يهديه وكيف كان اهله يتعامله معه ، فما اجمل ان اولادك يذكروا ان امي كانت تعلمنا الصلاة والدين

وما تحزني لان زوجك مقصر وما يشارك في تعليمهم الصلاة او يكون قدوتهم لان الله جعل هذه مهتمك وانتِ قدوتهم لانه اختارك انتِ لانه سبحانه سيكتب لك اجر عظيم زوجك انحرم منه للأسف ، انتي ستأخذي بيدهم لاخراج ثلاث رجال مسلمين اصحاب خلق ودين ، مثلا البروفيسور طارق الحبيب الف كتاب بعناون علمتني امي ، ذكر فيه كل ما علمته له امه وللآن اصبح بروفيسور وما زال يذكر ما علمته له امه ويفتخر امام كل العالم ان من علمته هي امه ، ولي موضوع بعنوان فوق ال18 ذكرت فيه مواقف لدور الام في غياب الاب او اهماله من الصحابة والسلف الصالح في تخريج رجال وعلماء دين ودنيا اصحاب خلق ودين فكل شئ تقدميه سيحفظه الله لك ، فدورك عظيم وكبير ورائع واجرك اكبر واعظم تبارك الله فلا تحزني فهذا خير لك تجديه في الدنيا والآخرة وزوجك ربي يهديه ويلحق بهذا الركب الذي تقوديه الى الجنة والفلاح في الدنيا بإذن الله في اقرب وقت

وما قاله اهل زوجك حقيقي انه كان خجول ومحافظ وما يفارق الحرم وما قاله زوجك حقيقي ايضا، سبق وقرأت قصة لمطرب والله المستعان مشهور اخذ في طفولته المركز الاول في مسابقة دولية في حفظ زترتيل القرآن وكان يؤذن في المسجد ويخطب في الجامع في مراهقته وكان جدا خجول وهادئ وعندما كبر اصبح النقيض والله المستعان غير اسمه واصبح مزواج كل فترة يطلق ويتزوج وترك صلاته واستعمل صوته في الغناء والله المستعان وذكر نفس ما ذكره زوجك ان والده حرمه من طفولته وشبابه وكان يضربه ويحبسه حتى يحفظ . ولذلك حالة زوجك تعتبر جيدة مقارنة بغيره

اقتباس:

أبغى الإهتمام من عنده ، مو لازم أكون وراه أنا أو أهله

معاك كل الحق غاليتي ، ولكن اعرفي يا قلبي ان كل كلمة تذكرينه بها بالله هي اجر عظيم يكتبه الملكان في كتابك تجدينهم يوم القيامة جبال من الحسنات ، ولا تعرفي اي كلمة تهدي بها زوجك بإذن الله ، ولا تحزني قومي فقط بما عليك

وبما ان زوجك عنده يقين ان الله تواب رحيم فهذه نعمة ولكن لا تظهري له هذا الامر حتى لا يتكل عليه ، وممكن مرت عليك قصة السارق وقاطع الطريق اللي كان يصلي وفي الاخر هداه الله لانه ترك بينه وبين الله باب مفتوح ، وباب زوجك يقينه برحمة الله ومغفرته وهذا يسهل عليك الطريق بالدعاء لانه يحتاج فقط بعض خطوات بسيطة وبإذن الله يهديه ربي بشكل دائم

فهذا افضل من انه يقول ربي ماراح يغفرلي او ربي غاضب عليا او يقول خلاص يئست من الرحمة والعياذبالله لان هذا اليأس كفر والعياذبالله فحاله بيقينه بربه الرحيم الغفور الهادي افضل من يأسه في الواقع بألف مرة

والحمدلله انه ما يرد عليك بالفاظ تسيئك او انه يقلل من شأن الصلاة او غير معترف باهميتها هو معترف انها فرض وانها واجبة واول ما يسأل عنه العبد ، اعرف نساء للآن غير محجبات رغم انهن امهات ما ناقصهن شئ من النعم وكل ما نذكرهن بالله يقلن ادعولنا

فادعي له بالهداية واجعلي يقينك بالله انه سيهديه في لحظة انه على كل شئ قدير

بالنسبة للتدخين خليك على اصرارك انه ابدا ما يدخن في البيت ولا امام الاولاد ابداً ، ويحاول انه يتركه في طلعت الاولاد معاه خاصة لو كانت طلعتهم معاه موكل يوم وبشكل مستمر ، يعني يعتبرها راحة ورحمة من التدخين في هالوقت اللي هما معاه

وابحثي عن يوتيوب الشيخ محمد حسان يتحدث فيه عن والده المدخن وانه كبر في بيت كان فيه الاب مدخن ومع ذلك هو ابدا ما دخن وللآن والده يدخن واذا سمع صوت سيارة الشيخ محمد حسان وهو جالس يدخن صار يخجل من ابنه الشيخ وينادي زوجته انها تعطر الغرفة وتاخد السيجارة برة الغرفة قبل ما يطرق ابنه الباب ، ويقولها ما تقولي للشيخ وما يناديه الا بالشيخ رغم انه هو ابنه

فكروا انكم تذهبوا للحج العام القادم بإذن الله

صديقة لي دعت لزوجها على جبل عرفات بترك التدخين رغم ان له سنين يدخن وربي استجاب لها ولما عادوا تركه نهائيا بفضل الله بعد ان كانت تحاول وتجاهد فيه سنين

وطالما انك عارفة الحقيقة مهما حدثك او قص عليك قصص فليش الخوف ، طالما انك عارفة فعامليه بمنطقه هو وانتي معاه وليس بمنطقك حتى لا يتحول الامر لخوف او لعدم ثقة ، وبكده تريحي اعصابك وفي نفس الوقت ما تخافي ان يصير شي يضركم اثنينكم وصدقيني انه يغبطك ويحترمك جدا داخل نفسه ويكفي ان ثقته بك داخل نفسه واعترافه بمكانتك وقدرك وشخصيتك لا حدود لها في قلبه ونفسه ، نساء كثر العكس هو الصحيح هو لا يثق بها ولا يحترمها

وتقولي زمان كنت اروح بيت اهلي طيب غاليتي حتى الان بعيدين عن بعض كل واحد ينام بمكان فهذا نفس حال البعد وظروف النقل والبيت كلها تأثر + قد يكون للهرمونات تأثير مثلا هرمون الحليب الرضاعة وسابقا الحمل

وصور التعبير عن الحب بين الزوجين تختلف احيانا شكوى كل واحد فيهم للثاني تعتبر من صور الحب ، احيانا تكونو اصدقاء هي صورة متطورة من العلاقة بينكم ، واعتقد انه ما اخد المعنى بشكل سلبي لانه ضحك على تعليقك ، انتم بمرحلة انتقالية وعدم استقرار كلها امور لها تأثير علما اني من كلامك ما اشوف الامر بشكل سلبي ابدا اشوفه حلو وطبيعي

اقتباس:

ارى أمامي .. ( شخص فاشل .. من عائلة تصرفاتها همجية و الفاظهم سوقية و تربيتهم مادية )

الجانب السلبي والايجابي كلاهما لنفس الشخص ( زوجك ) و ( ابو اولادك ) العمر يمضي ومازال طيف اهله وتربيتهم جاثم على قلبك ، ولا احد يعرف ساعته متى ، وهو عارف اهله ومو واقف بصفهم ضدك وهذا شئ يحسب له ، يعني مسألة اهله وطبيعتهم واصلهم يجب ان تنتهي ، وتأخذي منها ما يفيدكم في مستقبلكم ومالا يفيدكم اتركيه وانسيه ، فكثرة التركيز على السلبي تجعله ياتيك سعياً وينجذب لك ولاسرتك لا قدر الله ، والجميل في الانسان انه ما يتفهم الاشخاص اللي من نفس شخصيته وبيئته وتربيته بل بأنه يفهم ويتأقلم ويتعايش مع اللي عكسه تماما هذا الرقي وهذه الشخصية الناضجة ، ومن خالط الناس وتحمل اذاهم .... فطبيعي اننا نتحمل ونحب الاشخاص الطيبين ولهذا حفت النار بالشهوات والجنة بالمكاره

اقتباس:

جاني ( بدل ، زيادة عالراتب ) و الحمد لله ،، و أعطيت لزوجي ( 1000 ريال ) .. كان محتاج لتصليح شي بالسيارة .. ما أعرف ؟ هل تصرفي صحيح ؟

واي تصرف قمتي به حلال ويرضي الله لا تفكري فيه او تعودي له ، طالما انك احتسبتيه عند الله وهذا ما احسبك عليه بإذن الله

وهناك نقطة تقع بها بعض النساء الاحظها حولي كثير جدا

مسألة خطيرة

( الكبر )


نعم تشعر بالكبر على زوجها وتشعر انها افضل منه وانها تستحق افضل منه وانها كثيرة عليه والله المستعان ، فماذا تنتظري ان يعطيها الله ؟ ولئن شكرتم لازيدنكم

ومعروف حكم الكبر عند الله عز وجل

لا يدخل الجنة من كان في قلبه مثقال ذرة من كبر

فلا تجعلي الدنيا تأخذك عن الله يا غاليتي ، انا لا اقول انك من هذه الفئة ولكنها تذكرة تنفع ( المؤمنين ) اي قبل ان تقعي بها يا غاليتي

لزوجك حق واي شئ تقدميه له اجر عظيم عند الله ، وكلما كانت المرأة تتقي الله في زوجها كلما اعطاها الله وارضاها وهذا لا يتعارض مع ان المرأة تحب نفسها وتثق بنفسها وتهتم بنفسها ولكني اركز على نقطة مهمة ان لا تقلل من شأنه

اقتباس:

قاللي ليش اسمها ( شغالة ) ؟؟؟

ما اظن ان هذا نوع من الاحتقار ، يمكن كسل وماعنده نفس يقوم ويساعد ولانها تعتبر موظفة وتستلم مرتب على عملها ، وجزاك الله خير على مساعدتك لها وهذا الاصل وهذا من حسن خلقك ولكن كتعقيب على جملة زوجك اعتقد هذا القصد من كلامه

اقتباس:

مرة قلتي لي بوحدة من الردود .. انه زوجي يحبني .. ايش اللي يثبت ؟

طيب ايش اللي يثبت لزوجك انك تحبيه ؟ مساعدتك له ماديا ؟ هل فكرتي لو مثلا قرأ كلامك عنه او عن اهله ؟ الحب الذي يحتاج لاثبات او لاسباب ليس حب ، ذكرتي بنفسك ما يتميز به عن اسرتك وحتى في المشكلة السابقة اللي ما زال ابليس يأبى ان تشعري بنعم الله حولك ويأبى ان تعيشي بسلام داخل نفسك ويريدك ان تعيشي الحياة بحزن وخوف وقلق وامراض نفسية كان زوجك يراسلك ويعبر عن عدة امور توضح قيمتك في قلبه ، وكما ذكرت الخيانة لو صح تسميتها لها الف سبب منها عاطفي ومنها جسدي ولكن ما وقع به زوجك احتيال مادي لا اكثر ولا اقل ولو كان يريد ان يمشي بهذا الطريق لفعله منذ زمن او حتى عدد وهن كثر ويرضين بالزواج حتى دون ان يكون مقتدر او صاحب مركز او حتى متفرغ لها

+ هناك وسامحيني غاليتي بعض المبالغات منك لبعض الامور اللي تتكرر في معظم الرجال الا من رحم ربي ، مسألة التلفزيون والمكيف ، في ازواج يفتح درج الدولاب وياخذ ما يريد ويتركه مفتوح ومنهم من يترك باب الثلاجة مفتوحة او المكيف او التلفزيون او نور السيارة او نار الغاز او يسحب اخر قطعة ملابس بالدولاب والكل يسقط ويطلع او يترك الماء ورائه في الحمام او يعصب على اولاده خارج البيت وووووو ، بعض الامور طالما الحمدلله عندك شغالة 90% محلول والباقي احس كأن بعض الزوجات تريد من زوجها يمشي على العجين ما يلخبطه يعني تحاسبه على كل شئ حتى رفع الصوت ؟ وحتى بعد ما يقلب الامر لمزحة و( يحاول يراضيك ) مو مقتنعة بالامر ومازال الامر مركزة عليه وتعتبريه مشكلة ؟ هل تعرفي عدد النساء اللاتي يراضيها زوجها لو رفع صوته على اولاده ؟ مو مطلوب منك الانفجار فيه ، يكفي مثلا ليش معصب ؟ لانك تقلديه بنفس الاسلوب وتعلميه التعصيب والانفجار ايضا يعني ما جبتي جديد، حلو التحاور وانها تنبهيه على هذه الامور ولكن بصيغة انه مهمل وو هذا يحصل لانه بنظرك الفاشل المهمل وكل شئ يفعله شاذ ولا يفعله غيره من الرجال هل عملتي لفة على مشاكل القسم او باقي المنتديات ؟ وبعض الامور اشعر من العيب ان المرأة تحاسب زوجها عليها لانها تثبت سيطرتها على البيت بكل ما فيه

وبالنسبة للفاتورة استخيري الله ولو ارتحتي لما ذكرتيه تكلمي معاه قبل ان يستلم الراتب قوليله حبيبي خلينا نضع نظام للميزانية في البيت ونظم فواتيره معا، ولكن مو بعد ان يأتي بالراتب هات الفواتير ؟

واخيرا حبيبتي انتي واعذريني ماسكة السلم بالعرض في امور جدا عادية مكبرتيها جدا واصبحت مضخمة الامور طبيعية وطيبة يلزمك التقليل من شدة التركيز على كثير امور سلبية في حياتك حتى تسير بشكل طبيعي ، كل النساء تتعرض لعصبية الزوج وفتوره وانشغاله واهماله لبيته واولاده ويكون 24 ساعة في عمله حتى بالكاد تراه وهو نائم هذه امور تمر بكل متزوجة وليست على روح وزوجها فقط او انها خصريا لا تنبع الا من زوج روح لا يا غاليتي انتي زوجة وام لماذا خلقت الجنة حتى نشعر بنعيمها فالحياة تحتاج لجهاد وصبر وجهاد المرأة زواجها وكل هذا اجر وتكفير لسيئاتها بإذن الله

+ التمثيل بمشاعرك لو كان هذا يريحك فهذا شئ ولكن لو كنتي تمثلي طول الوقت رغما عنك وانتي متضايقة من هالشي فانتي المتضررة وما احد غيرك ، لان مسألة ما احد يستحق مشاعري او طيبتي هتسحبك دون شعور الى امور مزعجة نفسيا عليك

المطلوب منك شي واحد فقط

إِنَّ ٱللَّهَ مَعَ ٱلَّذِينَ ٱتَّقَوا وَّٱلَّذِينَ هُم مُّحْسِنُونَ

وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ


فماذا يطلب الانسان افضل من هذا الوعد من خالقه وهو اعلم به

1) خليك مع الله

2) استخيري قبل كل خطوة مهما كانت صغيرة

وربي يسعدك ويوفقك

كل مرة انوي ادخل للتعليق لكن انشغل ..
والشغالة اليوم مريضة وكل شي فوق راسي

لي عودة