السلام عليكم استاذ رؤوف واستاذة Beta،
الحمدلله علي كل شئ ، انا لا جديد عندي ويبقي الوضع علي ما هو عليه ، زوجي لا يكلمني فقط طلبت منه بعض طلبات للبيت واحضرها.
هل استمر في عدم الكلام معه والجلوس في حجرتي بفردي؟؟

اصبري شوي حبيبتي ... انتي ما غلطتي عشان انتي اللي تبدي الكلام معاه وتعتذري

ارجعي لبدابة موضوعك واقرئي المشاركة الأولى ... الظاهر انك نسيتي سبب المشكلة وقلبك حن

__________________

انتى مش صابره ولا ايه يسريه ..
ماحدش بياكلها بالساهل ..
كلامك رسمى معاه ومقتضب وقاعده فى حجرتك ..
صلى واقرى قران وادعى ربنا يهديهولك ويصلح حالك ..
حتى لو طلبك لحاجته ماتنمعبش لكن ماتظهريش سعاده ..
اى انسان عندما يرتكب خطأ . ان لم يشعر به وينتبه اليه سيكرره دوما .
لكن احنا مانكونش غلاطين ولا طويلى اللسان

السلام عليكم ، الظاهر فعلاً انا الي مش صابرة، معلش سامحوني ، فأنا اشعر بوحدة ،
حاضر سأستمر وسأكون قوية ولن اتنازل، جزاكم الله كل خير

الوحده ضيعيها فى قراءة القرآن والصلاه والتواصل معنا ..
لنخفف عنك وحشة الوحده ..
بعدين شغل البيت مابيخلصش ..
قومى اغسلى الحلل ..!

المشكلة انه في اجازة الويك اند بيخرج علطوول و لم يجلس في البيت وطبعاً هذه ليست عادته لأنه يخرج معي انا والاولاد كأنه يعاقبني بأن اظل في البيت وهو يخرج صبح وليل وده مديني احساس بأنه لا يشعر بأنه الغلطان في المشكلة ولكن انا الغلطانة وبالتالي علية انا الاعتذار وبكدة يبقي عمره مهيزهأ ولا عمره هيبدأ معي حوار، لا اعرف

حتى لو مش حاسس أنه غلطان حتيجي لحظة ينهي حالة السكوت ويعاتبك
ساعتها تقوليله بهدوء عن غلطه

هذا رأيي لكن انتي عايشه معاه وبتعرفيه أكتر مني ..لو شايفه أنه لازم انتي تبدي بالكلام روحي وكلميه لكن عتاب وتوضيح للغلط مش اعتذار

__________________

حضرتك لو فاكرة في اول الموضوع انا كتبت انه بعد المشكلة كنا ماخانقين ولا نتكلم ثم سافر كام يوم ورجع ولا نتكلم ايضاً الي ان انهي هو حالة السكوت وجاء ليقول انه مش هينفع نكمل مع بعض مثل كل مرة بس الفرق ان في هذه المرة عملت نفسي موافقة علي كلامه واني تعبت من اسلوب واهاناته لي وتوقف الكلام علي ذلك وعندما عدت بعدها بيومين لاكلمه بكي وقال انه لا يحبني وان احنا هنعيش منفصلين بالرغم من تأكيدي له اني لازلت احبه واني علي استعداد ان اكمل معه بس يغير اسلوبه بس هو رفض وتمادي في الخصام وما يفعله الآن هو انه يثبت لي انه عند كلمته بأنه اصبح لا يحبني ولن يكمل معي بس هو يرفض الطلاق ويريد ان نعيش منفصلين، فهل بعد كل هذا سيعود ليفتح معي حوار ولا هو مستني اني اتحاايل عليه زي كل مرة واني لا استطيع العيش بدونه حتي يحن علية

هو اكيد بيعاقبك وعارف انه حايجيب نتيجه معاكى لانه مجربك ..
يخرج زى ماهو عاوز ده كده فى صفك لانه حرم العيال من فسحه اسبوعيه دون ذنب منهم ..
هو لازم حاييجى يكلمك وانتى لو عندك حاجه قوليها بس بطريقه مقنعه ومرتبه علشان تفحميه ..
اما لو حجتك ضعيفه حايجيب الغلط عليكى ولازم تعتذرى ..
قوليله اوكى اعتذر عن اللى زعلك بس انتى كمان تعتذر عن اللى زعلنى

السلام عليكم استاذ رؤوف واستاذة Beta،
احببت ان اضيف الجديد الذي حدث ف الايام الماضية لتشاركوني الرأي ، ف الاول اعتذر لاني لم استطع ان لا اكلمه فمن يومين جاء من العمل متأخر وذهبت وسألته هتتغدي حتي لا يعود بعد ذلك كعادته ويقول كنتي حتي بتسيبيني من غير اكل، المهم قال لا اكلت برة ، حدث هذا ف اليومين الماضيين، ثم يبدل ملابسه ويخرج ومن يومين تأخر جداً وبصراحة قلقت عليه لانه كان شكله عندما جاء من عمله غريب ، مكتئب، يظهر عليه الغضب الشديد واللامبالاة، فاتصلت به ورد قلتله انت فين انا قلقانة عليك، قال وتقلقي ليه احنا قلنا كل واحد ف حاله، ع العموم انا داخل ع البيت وقفل، وعندما دخل المنزل ذهبت له وقلتله انت ليه بتعمل معايا كدة انا كنت هموت من القلق عليك، قال لا متخافيش انا كويس، فطلبت منه ان نتحدث فقال مفيش بيننا كلام احنا اتفقنا ان نظل منفصلين فلم اتمالك نفسي وبكيت فقالي لا تبكي لو سمحت ومتعمليش علية ضغط انا عندي ضغوط ف الشغل ومشاكل كثيرة، ومش عايز اتكلم معاكي ، المهم وباختصار تكلمنا قال انه لم يعد يحبني ولا يشعر تجاهي بأي مشاعر وقال لي انه بيضايق جداً من نفسه لما بيضربني ويشتمني بالاهل واعتذر عن ذلك وقال انتي عارفة انا بحبهم ومبقصدهمش ، وقال ان كل مرة بيضربني بيحصل شرخ ف قلبه من ناحيتي وقال ان عصبيتي هي من تخرجه عن شعوره فأقسمت له اني لم اتعصب عليه وانه لما زعقلي لم انطق واني بطلت عصبيتي من زمان وان ف السنين الماضية عندما كان يتنرفز كنت اسكت وادخل حجرتي حتي لا يزيد الخناق حتي قلت له ان السنة الماضية هذه احنا متخنقناش خالص وهذه حقيقة لم نتخانق خالص غير مرة واحدة وكانت عايرة لاختلاف ف وجهات نظر ، للأسف ظل يذكر حاجات من زمان مع اني والله حتي زمان كانت عصبيتي ليست مثل ماهو يصور قلت له انت ظالمني كثير ، المهم تحدثنا طويلا ثم فجأة قال الحل اني اتزوج واحدة ثانية انا عايز واحدة مبتتكلمش خالص حتي هتجوز اي جنسية مبتعرفش عربي عشان متوجعليش دماغي وانت هتفضلي زي منتي وبالعكس حياتنا هتبقي احسن وبعدين قالي انا مش هكذب اكيد لسة جوايا شوية حب ليكي ،وقال انه مش سعيد معايا فقلت له انت عمرك مقلت لي هذا بل دائما تسألني انت بتحبيني وسعيدة معايا فاقول لك طبعا بحبك وسعيدة معك ومقدرش اعيش من غيرك وكنت اسألك وانت سعيد معايا كنت تقول طبعا انتي مش عارفة ، لماذا تغير كلامك الان ؟ قلت له ولو انا مش موافقة قالي انا مش هسبك ومش عايز اطلق عشان دي اخر طالقة وممكن اندم اني سيبتك وكلام من هذا . المهم كان الفجر عوشك الاذان فقال انا عايز انام عندي شغل فطلبت منه ان ينام معي ف الحجرة فرفض ثم استجاب ، وامس نفس السيناريو جاء من العمل ولم يأكل ثم دخل ينام شوية وبعدها نزل حتي من غير ان يقول لي وجاء متأخرا وكان يريد ان ينام ف الليفينج فرفضت ذلك بشدة فاستجاب وقال لي بس متفتكريش اني عشان بنام ف الحجرة يبقي كدة خلاص واني بحبك ومش هتجوز ثانيا ده قرار.الحقيقة انا لا اصدقه ف موضوع الجواز هذا لأن هذه ليست شخصيته بالمرة وهو قال لي كذا مرة زمان لو تركنا بعض انا لن اتزوج ثانياً، اريد ان اعرف الآن رأيكم فيما حدث وانا تعبانة جدا ولا اعرف كيف اتصرف معه.