17-11-2011, 10:34 PM
|
المشاركة الأصلية كتبت بواسطة seashell
الذوق نجدي الله يرزقك الزوج الصالح التقي ااي يسعدك عاجلا غير اجل |
الدراسة مقبلة دعواتكم
17-11-2011, 11:19 PM
|
المشاركة الأصلية كتبت بواسطة انسه طفشانه
ايش فيها 30
انا مهري 30 ومبسوطه فيها هههههههه بس السفر فعلا معك حق تزعلي لان سفره شهر العسل تكون غيررر لازم يقنع اهله بالسفررر والله يوفقك |
|
المشاركة الأصلية كتبت بواسطة لاحب بعد اليوم
سيشل
انتي غلطتي في شي وغلط هذا هو اللي خلى كل الأراء ضدك لانك في مشكلتك *ركزتي ع نقاط تعتبر كماليات مش اساسيه شهر عسل كم المهر لو انك شرحتي المشكله بالتفصيل *وشويه هدوء و(عقلانيه)يعني انه الزواج مش برضاك رغما عنك كان جات الردود عكس ماهو حاصل *لكن انتي كنتي مشوشه ومنرفزه وماعرفتي توصلي المشكله فكتبتي بأسلوب (رفع ضغط الجميع) عموما مالك الا الصبر وانا اخوك وحاولي التمسك بمطالبك بس بدون عناد والخيره فيما اختاره الله وزوجك ابن عمك ومافي احد راح يقدرك ولا يخاف عليك ولا يحبك مثله وفيه مميزات حلوة مثل ان المستقبل امامه وكوني معاه عون على هالحياه وسند وع فكره كل البنات خاصه صغيرات السن لما يتزوجو كذا مثلك عنيدات بس يتزوجوجون يتغيرون 180 درجه للأفضل وتبداء رحلة الحب العضيم لأنك ذكرتيني بأختي الكبيره قبل زواجها ماكانت تطيق زوجها تخيلي كانت تقول انها بتهرب ليلة العرس الحين ماشاء الله لهم 10 سنوات متزوجين وكأنهم لسا متزوجين حب على اصوووووله وتفاهم وتناغم * والله يوفقك ويكتب لك الخيره ان شاء الله |
17-11-2011, 11:21 PM
|
المشاركة الأصلية كتبت بواسطة الذوق نجدي
آمين حبيبتي وربي يسعدك بزواجك ويذهب عنك كل الهم والضيقة ...
دعواتي القلبية لك بالسعادة ... |
18-11-2011, 02:16 AM
|
المشاركة الأصلية كتبت بواسطة seashell
والله يانورا ما ادري يمكن الي قاعد يحصل لي بسبب عدم القبول من الاول انا ما ادور مشاكل والله بالعكس انا مريت بمشاكل عائليه صعبه جدا جدا وماني ناقصه مشاكل بالعكس حاطه املي بالزواج و ببني عش الزوجيه بكل هدوء والله يقدرني واتدارك المشاكل وممكن توتر لقرب الزواج الان خاطري يتأجل الزواج جدا مرعوبه نورا كلامك ايش ماكان يريح ويطمن الله يريح بالك واتاكدي اي توجيهه منك بتقبله الله يسعدك |
و بعده
18-11-2011, 02:30 AM
|
المشاركة الأصلية كتبت بواسطة noora
بتكلم من احساسي و قد يكون على خطا اللي حاساه .. انك مقتنعة فيه كاشخص و صفات بس لسه مادخل قلبك و لا حبيتيه لو حبيتيه بجد ماكنتي فكرتي لا بمهر و لا بسفر و لا حتى برعب من الزواج يعني زواجك زواج عقل و منطق مو عااطفة لذلك نوعا ما تحسبي اللي لك و اللي عليك و الي لازم و اللي مو لازم وتفرق معاك الحاجات الكمالية بعكس لو كان قلبك تعلق فيه بجد .. كنتي حلمتي متى تكوني معاه ببيت واحد و بس حتى لو عشة بس بصراحة من خلال وصفك له ماشاء الله عليه.. حاسة انك راح تحبيه بعدين وتمووتي عليه بالنسبة للسفر .. فاتحيه انه نفسك تسافري . بشكل لطييف وبرريء وانه حلمك من زمان تروحي تركيا مع زوجك حبيبك و صدقيني اذا قاادر راح يوديك واذا مااقدر خلاص اعذرية لانه موبيده يكفي انه اهله راح يتكلفوا بعرسه مو معقول كمان يطالبهم بشهر العسل و يسوي مشكلة بس صديقني بتقبى امنيتك برااسه واول ما يقدر بيوديك ووالله والله واالله .. سفرة معاه بعدين و انتي زوجته (بعد مايعشعش حبه بقلبك و يكون بينكم التفااهم و التنااغم والحب و ينكسر حاجز الحياء) افضل بمليوون مرة من سفرة في شهر العسل تضيع حلاوتها بالحياء و بمواضيع العرسان الجدد سافرت شهر عسلي لاحد الدول .. تصدقي كانت اخص سفرة ... اذا جعت استحي اقول له اذا تعبت استحي اقول.. اذا نعسانة استحي .. كنت حابة اطلع و اتمشى و و و .وهو حابب يضل بالفندق .. مر الشهر و ماشفنا الا 4 معالم من هذه الدولة .. خسارة فلوس عالفاضي والحين الحمدلله سفرااتنا احلى بكثثثثثثثثير ... ضحك ووناسة و طلبات فلا تعلقي كل الشي بالسفر و شوفي للجانب الايجابي مالك من الناس ..ذكرتي موضوع المهر و ايش اقول لهم .. قولي لهم قول رسولنا الكريم صلوات الله و سلامه عليه اقلهن مهر اكثرهن بركة عيشي حياااتك ياعسل و استمتعي بكل لحظة قبل العرس و اثناءه و بعده و ربي يجعل حياتك سعادة و هنا |
18-11-2011, 05:19 PM
22-11-2011, 09:14 AM
|
المشاركة الأصلية كتبت بواسطة علوالنفس
واضح من كلامك أنك ماديه ولا تعرفي من الزواج الا لغة الأرقام
هم لم يغصبوك على الزواج ولم يغصبوك على قبول المهر .. من هي أشرف منك فاطمة بنت رسول الله صلى الله عليه وسلم لم يكن مهرها عشر مهرك لأنها عرفت أنه المهر رمز وعربون صدق ووفاء وليس ثمن لسلعة يزيد وينقص ويكاسر فيه وأنا على يقين جدااااااااااا أن هذا الرجل المدعو خطيبك لا يحتل في قلبك أدنى مكانة بل أنك لم تذكري حسنة من حسناته , فلا غرابة أن تهتمي بالماديات .. ونصيحة قبل أن تندمي أشد الندم تعرفي على جوهر الحياة الزوجية ومرادها قبل أن تقدمي على الزواج لأنك بهذه العقلية صدقيني لن تستمري ليلة واحدة مع زوجك , لأن الرجل يبحث عن روح تتجانس معه وليس شريك يحاسبه على الريال . والله ثم والله ثم والله أني أشفقت على خطيبك من طريقة تفكيرك لأن ذلك سيكون صدمة كبيرة له حينما يرى الرجل الزوجة التي اختارها من بين نساء الدنيا لا تفقه من الحياة الزوجية الا السفر والمهر وماذا سيقول الناس عني .. أنت لم تطبخي على نار العنوسة ولو طبختي عليها واستويتي لكنت جاهزة للحياة الزوجية ولعرف مقدار النعمة التي أنعمه الله عليك .. |
22-11-2011, 11:37 AM
22-11-2011, 11:46 AM
|
المشاركة الأصلية كتبت بواسطة seashell
السلام عليكم ورحمه الله وبركاته
الله يعلم بحالي وانا اكتب لكم هذا الموضوع ، يمكن بعضكم راح يستتفهه لكن هالموضوع المني جدا جدا زي ماتقولون كنت متأمله وكسرني طبعا انا زي اي بنت تحلم بعد زواجها تسافر شهر عسل مع زوجها وهذا الي كنا مخططين له وزوجي بعد سبق وقلتلكم ان زوجي بالمرحله الجامعيه ، وحتى اذا نوى يسافر الماده ماتتوفر له الا من والده مو هذا موضوعنا لان قلبي شال كثير من هالموضوع وكنت رافضه لهذي الاسباب لكت النصيب اقوى انا ربطت الزواج بالسفر ماني متحمسه للزواج ابغى اسافر بس معه شهر عسل اول شي كنت ابغى مكان غالي جدا وجدا عاجبني قالي زوجي ابشري بوديك بعدين شاف الاسعار قالي غاليه اتنازلت وقلت تركيا وبابا هوا الي حاب يحجزلنا على حسابه كهديه لنا الان الخبر الي جاني كالصاعقه ان اهلو بالخصوص ابوه رفضوا نسافر قال ايش مادياتهم سيئه !!!! خلااص كرهتهم والله كرررههتم وانا مادخلت بيتهم ناس تموت بالريااال علما بان حالتهم جدا جدا كويسه ولا يعتبرون من الطبقه العاديه عندهم خير من الله وهذا مو اول موقف يصير اعطوني المهر قيمته 30 بسس !!!! ياناس انا ماني ماديه لكن انتو شفتو السوق كيف غالي 30 ايش تجيبلي ؟؟؟ طيب كل عائله ولها مهر متعارف عليه 30 هذي ولل شششي عند مهورنا الناس حكت لمن قالت بس نفسيتي اندممممرت انعدددمت من قصه المهر يطلعوا لي بقصه ثانيه تعبت تعبت والله كررهتهم وككرهت الزواج وكارهه خطيبي نافره بشكل فضيع ماني متقبله شي والادهى والامر صاحبتي زواجها بعدي بيومين وبتسافر تروح اوربا ، مووب شي يقهرررر ؟؟؟ انا ماكنت ابغاا زواج من الاول ما ابغا حفله زواج الفلوس هذي حنا اولا فيها ليش المظاهر هذي كلها ليش انحرم من شي على حساب سعادتهم هما دام مادياتهم سيئه ليش يحجزوا بارقى اوتيل خلاااص بتجنننن والله بتجننن من عرفت فيني غصه ولا قادره احكي ماعاد ابغى اتزوج موب كافي ظغطوني بالوقت ماقدروا وظعي ووظع مرضي ظغطوني بوقت التجهيز كمان ظغطوني بوقت الزواج بيكون اخر يوم امتحانات لي ولا كمااان الزواج بمدينه وانا بمدينه ثانيه يعني اذا خلصت امتحان اركب طياره بنفس اليوم واروح لزواجي قسسسسم بالله تعبت تعيت تعبت نففسسسسسيتي زي الزفت. ايش اسوي ايش الحل ابغى اسافر مستحيل اتنازل عن هالشي ، مششكلتي استحي حييل حييل اطلبه ريحوني الله يريح قلبكم وراعوا نفسيتي ارجوكم بلاش ردود تجريح |
22-11-2011, 12:47 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
