انا مقدر اختي كل شي تحسين فيه
بس اجلسي معة وفهمية وقوليلة انا يتيمة وكنت طفلة!! وماعرف الصح من الغلط وماعندي احد يوجهني ولو انك يتيم بتحس فيني
غلطت غلطة واعترفتلك فيها وانا على نياتي وقلبي ابيض معك ، ولو اني بنت مو زينة ما اعترفت لك ولاعرفت عني شي
ويشهد الله علي اني صاينتك وحافظتك ومستفغرة ربي ومصلية وحاطة الله بين عيوني قبل لا احطك بين عيوني.
ومستعدة أحلفلك على القرآن اني حافظتك وتايبة ومستعدة اوقف معك عند بيت الله واحلفلك اني احبك وحافظتك وابيك وبحفظك العمر كلة.

وأطلبي منة أنه يفتحلك صفحة جديدة وينسى الماضي ويستمتع بالحاضر وذكرية بعيالة ومستقبلهم

واطلبي منة بهدوء يخبرك وش وضعك معة هل بيستمر على طول كذا!! وتعالي قوليلنا وش قالك!!

__________________
استغفر الله واتوب إليه

اختي!!!
انت ماتقدرين تستوعبينا
لانك في دوامه نفسية
تاكدي من شيخ انكم ماوقع عليكم السحر
لان وضعك النفسي مريب
ارجوك انتبهي لذي النقطة
اذهبي للشيخ

__________________
الحمد لله..اللهم صل على محمد و ال محمد

التفريغ المنهجي

اخي المتفائل بالله جزاك الله الجنة وربي يجعله في ميزان حسناتك على مساعدتك وربي يوفقك دنيا واخرة...

انا جلست مع زوجي وصارحته وقلت له اني كنت صغيرة في فترة مراهقة واني ماافهم شي بهذي الامور وربي ويقول انا هذا مايمشي معي انا حتى مو قادر انسى اللي قلتيه لي وقلت له انا تائبة لله توبا نصوحا وماافكر الا فيك وفي عيالنا حتى حلفت له على المصحف اني احبه وصاينته ويقولي ادري انك تحبيني بس اللي سويته ماينغفر لك حتى لو كنت صغيرة ويقول المفروض اني مااستمر معاك طيب ليه انا تبت واصبحت زوجة ام عيال انا ماسويت شي من وراه وانا على ذمته يعني خلاص انحكم علي الاعدام مااستحق اني اعيش انا مو انسانة كل انسان يغلط ماحد معصوم من الغلط دائما يعايرني ويستحقرني ويعذبني وابكي حتى والله العظيم صرت اترجاه وابوس حتى بعد ارجوله لأني احبه ذليت نفسي له لاني احبه ومخلصةمعاه من يوم تزوجته ماعمري حتى فكرت اني اخونه انا بنظري اشوفه افضل انسان برغم من اهاناته لي وتجريحي ماخاف من الله فيني وهو عنده بنت واخوات ربي يبتليه مايفكر مع العلم ان
زوجي مو ملتزم مع اهله ويسمعون اغاني وكان زوجي سابقا مسجون قبل ان يتزوجني وهو اعترف لي بنفسه ومع هذا ساكته حتى اهله كانو مغطيين عليه حتى امه يوم تخطبني ماقالت شي عنه ..

و وطلبت منه ان اروح المدينة ازور قبر الرسول ﷺ واني اسوي عمره اطلب من ربي انه يسامحني ويسخر لي زوجي وربي اني اكتب ودموعي تنزل

ليه تبكين ياحزينة!!
لاتبكين وامسحي دموعك لازم تكونين قوية عشان تعرفين تفكرين وتحلين مشكلتك
أستهدي بالله وواجهية ولاتذلين نفسك له اكثر لان شكلة بدا يتلذذ بإنكسارك!! خلاص غلطتي وانتهى
يبي يسامحك جزاة الله خير مايبي يسامحك لايعيشك كذا بوسط الاهانات والذل!!

اذا الله سبحانه وتعالى يغفر لـ بني ادم خطاياة لو كانت مثل زبد البحر!! وشو الأنسان عند الله؟؟
لايتكبر ولايخلي الشيطان يلعب براسة!! تبتي وتاب الله عليك والله يثبتك!! ومو صحيح تعيشين عمرك كلة بهالطريقة!! لاتذلين نفسك اكثر وقوليلة وش اللي يرضيك الحين وش تبي؟ وسويلة اللي يرضية وخلية يقفل الموضوع للأبد!!

__________________
استغفر الله واتوب إليه

يضرب الحب شو بيزل

إقرأي رد الأخت العقد الفريد ماشاء الله
وكفاك دموعا ومذلة على ذنب ولى ومضى وتبتي منه

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

حزينة بدنيتي
اصبري واحتسبي لعلة ابتلاء من الله ليرى صبرك
ـــــ تقربي من الله عز وجل وتحري اوقات اجابة الدعاء
ـــــ اكثري من الاستغفار وقيام الليل والصدقة
ـــــ داومي على قراءة القرآن
ـــــ لاتجعلي همك زوجك ولا كيف ستكون حياتك لو طلقك
وتذكري ان رب العالمين لا ينسى عبادة وان تطلقتي فهذا امر قد قدره الله لك
وتذكري بأن هذه الدنيا دار ممر وليست دار مقر ,فلذالك لاتهتمي كثيراً بمشاكل
الدنيا وليكون همك الاخره..
اختي انتي بذالتي مافي وسعك لاصلاح المشكلة ولكن زوجك لم يستجب معك
فكفاك لوم لنفسك وتذللاً له .
آسأل الله ان يفرج همك ويسعد قلبك,
وان يبدل حالك من هم الى سعادة انه القادر على ذالك.

كنت ومازلت وسأظل مؤمن أن خطايا الماضي تلاحقنا
تخرج لنا بوجهها القبيح لتعكر صفو حياتنا
يداك أوكتا وفوك نفخ
لا أقول ذلك من باب الشماته والعياذ بالله
ولا أدعي المثالية والقداسة لنفسي
بل أقولها من باب مثلي كمثل كل أصحاب الخطايا _ إنتظروا إنا معكم منتظرون _
وتأكدي أنه لا حل إلا أن يحدث الله أمرا وتستوفي خطايانا حقها منا .

قمة السلبية يا اخي الكريم

انت كذا تلغي إسم الله الغفور الرحيم

بعض الخطايا تقربنا لله و تجعلنا أقربَ إليه من أكبر عالم

وش سوت هي بالله ،؟

والله لو هي قاتلة و تابت ان ربي يسمح دروبها قادر يسخرها داعية للخلق

و بﻻ اوكتا و بﻻ نفخ

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ههههههههههه
ياجماعه .
يعني ايش هوا الي اوكتا من اول اشوفو مثل صح ..
احس مو مكانه هنا صراحه ..
لان الذنوب شيء لازم منه ..
والحل نتوب ..
هيا ممكن غلطت لما قالت له عن الماضي ..
بس الذنوب كل واحد لو مو ستر ربي ..
كان تمسخنا من زمان ..


انتي حلك خيتي الثقه بالله . معلش . لو واثقه بربي وانه بيحميك ويساعدك .
كنتي ماخفتي من شيء لا شعوذه ولا شي .
وماخفتي من تصرفات زوجك اذ1 معاك ربي .

ياحلو مبدأ الثقه بالله .
ليه احزن واخاف وانا واثق فيك ربي .

حلك من وجهة نظري توكلي ع ربي وخليك قويه .
بلاش انكسار خوف دموع حسره وندم وضياع .

شوف حبيبي انت يمكن قصدك ان ضرر الذنب يبقى .
زي السلف الصالح يقول هالمشكله بسبب ذنب اذنبته قبل 40 سنه مثلا .
لكن مو لدرجة انتظروا إنا معكم منتظرون .
ومو لدرجة اي مشكله بسبب ذنب .
ومو لدرجة مافي حل الا ان تستوفي الذنوب مننا .

خايف عليك والله من هالصوره الصعبه الي راسمها انتا بداخلك .
بكرا تتحطم لو اذنبت وتنتظر مصيبتك !

وبعدين قرأت ردك ع الصباح ياشيخ تعدمت ^_^
ترا امزح وانصحك وكذ1 .
ايش رايك انت . للان برضو مؤمن . الله يعين يا حبيبي .