اخي الفاضل عسى الله يهدي نفوسكم وييسر اموركم
لم افهم طبيعة المشاكل ولكن كل مشكلة تقول بسيطه فمدام انها بسيطه لا تكبر ون الامور وتخلون للشيطان مدخل بينكم خصوصا تقول زوجتك صايمه مصليه خايفه من ربها وقايمه بحقوقك كزوج وواضح انها تخاف الله والطمع غير موجود في بالها بدليل رفضها للأرض وقالت فقط اريد حقي وانت عامل توكيل يعني لو عقلها صغير ومن الحريم اللي مبادئهم ان الرجل اذا عنده فلوس وما شفطتهم منه راح يتزوج عليها أو طماعه كان اخذت الارض وسكتت وتقول مو مقصره في حقوقك كزوج ومأكل مع انها معلمه وصاحبة أفضال عليك يا شيخ حرام عليك والله الكلام اللي انت تقوله انك عايش في نعيم منت حاس فيه وصرفها على اخوانها يا اخي مافيها شي وخصوصاً انه من مالها واللي بتعطيه اهلها ما انت مسؤول عنهم وش يصرفونه فيه بزبرقة سيارة والا زبرقه بيت والا يحرقون بالفلوس اللي تعطيهم قدامك والنظرة المادية ابعدها عن حياتكم الزوجية فالمادة اللي بينكم تصب في شراكتكم الزوجيه والفلوس لا تجلب السعادة فحاول لا تخليها سبب شقاء بينكم اما الخلافات بين الحريم فنصيحة بما انك رجل لا تحشر نفسك بين زوجة وأم وأخت فهم حريم يتصافون بينهم واذا ماصار شي قدامك لا تحاول تتلصص لأجل تعرفه فالنساء هذي طبايعهم اليوم اصحاب وبكره اعداء واللي بعده ولا كأنه صار شي ....
اما طلب زوجتك المتكرر للطلاق حاول تاخذ لك اجازه انت وياها تروحوا عمره ومنها تغيروا جو كم يوم وبجلسه هاديه امدح فيها وعدد ايجابياتها وصارحها باللي متعبك منها خصوصاً طلبها المتكرر للطلاق لكن لا تتدخل في ماده بينها وبين اهلها وقل لها الخلافات موجوده بكل بيت لكن ماهو كل خلاف حله بالطلاق أو التلويح بالطلاق للضغط . يمكن في هالجلسه يتبين لك تصرفات سلبيه منك قد تكون تجهلها ومتعبتها اكثر منك .
وعسى ربي يهدي نفوسكم .
استرسلت وأتمنى أكون افدت

تم دمج الموضوعين

__________________

واجبات الزوجين نحو غــزة

من غــــزة الصمود دروس لتهذيب النفوس

اطـــمــــئنـــــي ياغــــــزة

ياأخ والله ماادري وش اسمك عجزت انطقه
انتم مشكلتكم كل واحد شايل على الثاني وينتظر الزله علشان يفتح الملفات.
اذا كانت اكيد هذي مشكلتكم وماشافت منك شي غير فهي الغلطانه
ارسل لها مسج وقل
"اذا كنتي شاريتني تراي شاريك اجلسي في بيت اهلك وراجعي نفسك الى ان تهدأ اعصابك وفكري بمنطق ولو كل واحدفكر بالسلبيات والجوانب السيئة أظلمت الدنيا بوجهه
إذا اتخذتي قرار أنا جاهز باللي تبين إذا تبون ترجعون بيتكم ينتظركم وحياكم الله"وإذا العيال احتاجو شي ارسلو لي اللي تبون...
ولاترسل لها عقب مسجات صراحة استغرب من اهلها اللي كل ماصارت سالفة أخذوها بس موظفة تحس انه مايهمها شي
بس هي واثقة انك تحبها وماتصبر عنها علشان كذا تبي تدلع شوي

كنافه كذابه، ايوه تستخدم حبوب منع الحمل من شهرين .. بس وش علاقة هذا بالموضوع

__________________
المستريح الي من العقل خاااااالي

اخر ما حدث : الحقيقة ان تفكيري لم يتقبل ماقالت زوجتي اطلاقا، وشرحت قصتها لاحدى المستشارين النفسيين ورويت له قصة حياتنا من اولها الى اخرها، وسئلني اسئلة لها اول وليس لها تالي.
زبدتها: قال لي بفم واحد ... والله ان زوجتك مصابة باحد 3 اشياء اما اظطراب التوافق او اظطراب الشخصية او الاكتئاب.. وتحتاج الى جلسات نفسية.
الحقيقة ان كل ماسئلني عنه صحيح وكان واقعي ويحدث لها بدء بامراضها واوجاعها وكلامها وتاريخ حياتها واهليها اضافة الى سيناريو حياتنا من اول يوم زواج لنا.


المشكلة انها لاتؤمن بذلك، وزعلانه وفي بيت اهلها، ومن الصعب لقائها واقناعها بامر لاتقتنع به... لا ادري هل اتركها ام ماذا افعل معها.

__________________
المستريح الي من العقل خاااااالي

والله اذا قلت لها عن العلاج النفسي والله ان اهلها يقومون قيامك وخصوصا ان في مشاكل بينك وبينهم
نصيحتي ارسل لها مسج ومثل ماقلت حنا حريم ونفهم على بعض
ومصيرها طافشة من بيت اهلها وراجعة لك بسسسسسسسسسسسس
أذا ماشافت منك شي ثاني وقوي وانت ماذكرته ؟؟؟؟

انت عصبي وبسرعه تتنازل
واهي عنيده وعصبيه
أخوي زوجتك ماخرجت من بيتها الا وهي واثقه انك بتطير لها طيران وانك مو قادر تستغني عنها وبترجع لها أحسن من أول
يعني هي شايفه ان هذا هو الاسلوب الي يأدبك ويمشيك
من ردود أفعالك معاها عند كل روحه لبيت أهلها
أخي مو هي الي خرجت من بيتها مثل ماخرجت ترجع
================================================== ==============

__________________
(سيدة الموقف)
لم ننساك ونسأل الله ان تكوني أنتي وأولادك بخير

زوجتك اللي فيها من حبوب منع الحمل ياخي اقرء النشرة من اهم الاعراض الاكتئاب العصبيةالزائدة

يارجا اااااااااااال رفقا بالقوارير والله مساكين وحم حمل ولادة سهر ليل تربية ياخي لاتلومها انت بالبداية غلطت اهملتها

بهجرها بالنوم مع اولادها يمكن حبت تختبرك بغلاها وانت رحبت

اعتذر منها .......

الله يردكم لبعض

كنافه ، اعراض لدرجة تدعي علي وتطلب الطلاق ... مااعتقد ، على كذا يمكن نص طلاقات السعودية بسبب حبوب منع الحمل

__________________
المستريح الي من العقل خاااااالي

الله يصلح شأنكم

بصراحة ما عندي غير الدعاء لكما
لأن القصة شوي غامضة
و أسباب الخلاف تعتمد على اسلوب كلامها معك او طريقة كلامك معها
رفقا ببعضكما البعض

و انسى شوي سالفة راتبها
و خليها تتصرف في مالها على كيفها
تصرفه على اخوتها على غيرهم
هي حرة بمالها

و حاول تنصحها بعدم تدخل اهلها بشؤن بيتكم

تحياتي
ام فاطمة