لا ياروحي تصرفك صحيح لاكن اخطاتي بردة فعلك ماعرفتي توصلين له الخوف اللي فيك بسبب تجربه سابقه مو منه
ولو لاقدر الله صار شي بعدين ماتتحسرين على حالك انك انخدعتي مرتين بس لواخترتي اسلوب افضل وبطريقه غير مباشره كان هو فهم عليك لانه واظح انه عزيز نفس وغير كذا له فضل عليك الواجب ماتنكريه وتحمدي ربي ان الله عوضك بواحد مثله بعد العنا اللي شفتيه

ابغا اسالك زوجك عنده زوجه ثانيه غيرك واولاد غير اولادك?

حبيبتي اختلفت اﻵراء
لكن حابة أقول لك
كل انسان أدرى بالبذرة اللي بيزرعها بأي أرض بيحط بذرته؟
هل هي أرض خصبة يجني من وراها أطيب الثمار وأحلاها،،
أم بأرض مجدبة ما من وراها غير التعب والضياع،،

الخلاصة إنت أخبر بزوجك هل هو يستحق العطاء أم لا يستحق،
لا تنسي له جميل عليك،
إن قررت العطاء فليكن بقدر،

وأخيرا ماخاب من استخار.

اختي زوجك يحس انك جرحتي كرامته بكلامك
اذا كنتي مريتي بتجربه قاسيه من قبل اثرت عليكي فاصابعك مو سوا
انا لو زوجي مثل زوجك وطلب مني اساعده
اساعده بفلوسي وعيوني دام وقف جنبي وماخاني بيوم يستاهل روحي
شوفي حولك اختي كثير موظفات متزوجات ازواجهم فيه صفات سيئه كثيره
مع كذا تساعد وتصرف وماتبخل ولا تحرص زياده علي اللزوم
لاانها تبي تدفع السيئه بالحسسنه وتبي تشتري راحة بالها ورضئ زوجها
وياما موضفات طلعو لاازواجهم قرووض وساعدوهم فيه الي يقدر وفيه الي مايقدر
بس الوحده تسوي باصلها ً
بالتوووفيق

لا يا اختي كان اعزب ما سبق له الزواج وانا زوجته الوحيدة

والي ارسلت لي الآية القرآنية زوجي ما كان يقصد دين كان يريدها مساعدة مني وقال لي انه اذا لا قدر الله صادفتكي ازمة او احتجتي الراتب راح يمسك القصد عني

واليوم قبل ما يروح دوامه حصل خلاف بيننا والله العظيم انه اول مرة يصرخ علي بس الحمدلله لمن رجع قبل رأسي واعتذر لي وانا ايضا اعتذرت له وقبلت يده ورأسه

فاتحته بالموضوع قبل ما يروح الدوام وقلت له حبيبي انا مستعدة اخذ قرض كله لأجل عيونك قال ما تقصرين يالغلا بس اخذت من صاحبي والموضوع انتهى اصريت عليه انه ياخذه ويسدد لصاحبه قلت ما تدري بس الصاحب ساحب ويمكن يحصل خلاف بينكم ويطالبك بالفلوس قال لا والله اثق فيه اكثر منك قلتله ليه تقول كذا عيب عليك قال ما تدرين يمكن على قولتك يحصل طلاق بيننا او اسحب عليك طبعا قالها بأستهزاء انا انجرحت وارتفع صوتي عليه بدون قصد بس والله فقدت اعصابي وقتها قام وكسر جواله في الجدار وصار يصرخ عليا ويقول مو هذا كلاميك والله لو انك رفضتي وقعدتي ساكته كان رضيت وما شلت عليكي لأنه من حقكك اما تقولين خايفة والحين جاية تزيدين خايفة ومتعقدة ويصير نفس موقف طليقك الله ياخذكي انتي وهو بالله مو عيب عليكي الكلام هذا يعني بالله العشرة هذي الي بيينا ما بينت لكي معدني في ذمتكي قد شفتي مني طول فترة زواجنا شيء بطال جاوبته لا ما شفت منك الا كل خير والله لا يحرمني منك
قال والله اني احبك واحب الحياة من بعدك واهتم فيكي انتي والعيال اكثر من نفسي واخاف عليكم اكثر من نفسي وسعادتكم تسعدني وبكائكم يبكيني وكل شيء اسويه لخاطر عيونكم وهذا البيت والله مو لي الا لكي ولعيالي وها شوفي عشان تصدقي طلع الصك حق الارض والله يا ناس مكتوب بأسمي والله وقتها قاعدة ارجف وابكي ومنحرجة من الي سويته قال انا متفائل خير في علاقتنا انها تستمر لين اخر لحظة وفي الاخير القى هذا تبريرك تقولي خايفة يمكن علاقتنا ما تستمر ويصير نفس موقف طليقك صدق ما تستاهلين كل الي اسويه وطلع.
وقتها جلست مصدومة وابكي لين ما رجع بس الحمدلله تأسفنا لبعض وراضيته

والله الا الحين ماني مستوعبة مين الرجال الي يكتب ارضه بأسم زوجته والله اني مصدومة ومنحرجة والله يستاهل راتبي كله حلال عليه

رائحة البخور ...الله يعطيك قد نيتك ولا يفجعك في اشباه الرجال

لما اقرأ كلامك احسك من عهد الطيبين زوجه مطيعه وزوج صالح


القلوب الان تتغير بسهوله خاصه وسخ الدنيا ...

لا اعتقد رجل ينصح بنته او اخته بما نصحتي به يا رائحة البخور..


انا اشوف انك تظلي مصره ع رأيك ولو حبيتي تبعدي شوي عن زوجك مثلا لمدة ثلاث او اربع ايام تسافري مثلا مغ اهلك انا مجربه هذا الشي زوجي راجع حساباته وحس بتأنيب ضمير ويارب اذا رجعت نتفق ع شي يرضينا الاثنين ....

والهدايا لا تجيبي له وقفيها فتره وحسسيه انك متضايقه من تصرفه الصدمه ما توصل لهذي الدرجه ....

ماشاء الله تبارك الله توي قرات ردك الاخير

خليه فتره لا تزعجيه بانك لازم تساعديه خلي الامور تهدأ وبعد مايبني احلفي عليه انه التشطيب عليك ...
واكيد التشطيب بيكون اقوى مرحله في التعمير

الله يهنيكم يارب

متفائله 200
هههههههههههه شفتي مو بس انا من زمن الطيبين حتي زوجها
طلع كاتب الارض باسمها،،، الدنيا لسئ بخيييييير وفيها الطيبين بعد
والله يا متفائله لو تعرفي حياتي شلون تقولي مستحيل اثق باحد بحياتي
بس مدح الاخت بزوجها خلاني اعرف انه يستاهل
الفلوس مو كل شي،،، ايش ابي بالفلوس لو ماوقفت جنب الي احبه
شوفي تسامحو ماشاء الله
يعني الطيبون للطيبات
وين تقولي زوجه مسامحه وزوج صالح
ااااخ بس وين هالصالح بهالزمن
كلهم صارو من تحت لتحت