فيه نقطة يابحر لاتذكر لزوجتك الثانية سبب زواجك
لانها راح تمسكها ورقة ضغط عليك
وتعرف نقطة ضعفك ..

صحيح المهر مرتفع شوي سواء كانت بكر او ثيب ما اايد المهر يكون اكثر من 40 الف

لكن نعتبره مقابل انك متزوج وابو عيال
لكن هي مطلقه بدون عيال ، وجميله ايضا! اتوقع كذا الحسبه صح

خلاص دام وافقت ودفعت المهر لا تخلي احد ياثر عليك وتتفشل مع الناس
ودامك استخرت قبل الخطبه فتوحل على الله
خاصة انك شفت البنت واعجبك جمالها فتوكل على الله وامضي

وحاول في احد اخوتها ان يسمح لك تتواصل معها وتعرف لو شي بسيط من شخصيتها
من خلال نبرة صوتها واسلوبها وطريقتها في الكلام الا ما يبان لك لو شي بسيط

وحكاية انها اكبر منك
فنصيحه لا تردد حكاية العمر كثيرا ففرق 4 سنوات ليس فرق كبير
الفرق من 6 سنوات وفوق
وجمالها يشفع لها والا لما قبلت بها

اما زوجتك فاعانها الله وصبرها
لكن ما دمت ملكت خلاص فلا يحق لاحد ان يعطي الاخ اشارات ليتراجع
ويقطع نصيب مسلمه ربما بقيت سنين تدعوا الله بالزوج الصالح

وقول زوجتك بتشوف الفرق فشي طبيعي كل انسان يرى نفسه الكامل
ومن يدري ربما فعلا ترى الفرق ولكن لصالح زوجتك الثانيه

ما دمت اقدمت فتوكل على الله واكمل واستمر في الاستخاره والدعاء لله بالتوفيق

يا صاحب الموضوع الجمال مو كل شي

بكرا بنتقدم كلنا في العمر ونشيخ وتتغير أشكالنا

غير الجمال الصحه التعاون الطيبه تشاركك في المصروف والمهم أن تكون أم ناجحه

صاحب الموضوع المهر الأغلب يشوف مبالغ فيه

طيب المؤخر هل طلبت مؤخر كثير

إذا نعم معناتها حابه تضمن نفسها معك

امين
انت متزوج وهي مطلقة فطبيعي أهلها يحطوا شروط ويزيدوا في المهر علشان يضمنوا مستقبل بنتهم
اهم شيء اخي الفاضل لا تتكلم عن زوجتك للثانية الا بالخير ولا تقولها سبب زواجك علشان لا تستغل هالشيء وترجع للمعاناة من جديد
ولا تنسى الاستخارة بارك الله فيك
الله يوفقك في حياتك ويطمن بالك

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

انت ملكت وانتهى الاشكال سوا بالمهر وغيره الان الدنيا ناااااار انزل السوق وشوف الاسعار احتياجات الناس تختلف وهالمزيونه الي عجبك جمالها تبالها فلوس تهتم بهالجمال الان ماعليك من تاخير الزواج صبرت قبل ماتصبر 8 شهور وبعدين هما لهم نظره يمكن يبون يتاكدون منك ماتدري طليقها الاول مدمن بخيل تعبان ومريض نفسيا ماتعرف الظروف لذلك ادخل على زوجتك بحب وقلب صادق ونيه طيبه ببناء اسره تخاف الله ولاتدخل عليها وانت شايل منها عشان مهر وغيره الفلوس حنا نجيبها ونسخرها بسعادتنا وراحتنا مو هي تجيبنا ،،،المهر والشقه الكامله هذي مفروغ منها عندنا اصلا احنا مستحيل نسكن ببيت حموله مشترك الا لعماره شقه لحاااال ياليت تذكر باقي الشروط وانا احييك لانك رجل صامل وعند كلمتك ودامك مقتدر ابسط الحرمه تبسطك واترك عنك الي دخلوا الحرمه البكر والثيب وقعدوا يزايدون في مهرها ولاتنسي امسك العصا بالنص عطها حقوقها اهتم فيها لاتخليها حبيسه الببت وتتولد المشاكل ،،،،،،،،،،،،،،،،،،،،،،،،بارك الله لكما وبارك عليكما وجمع بينكما في خير منك المال ومنها العيال

انا مطلقة من سنتين تقريبا
ولو تقدمي لي واحد بتشرط وبتشرط وبتشرط
وماراح ارتبط فيه الا بعد عدة شهور
رضى اهلا وسهلا مارضى البنات مالين البيوت والرجال على قفى من يشيل
ولعلمك انا اخذت متزوج وكنت بكر وحطينا عليه مؤخر قد المهر والحمدلله أننا شرطناه عليه كان رحمه من ربي
لو تقدم لي متزوج ماراح احط عشر شروط بحط عشرين شرط
الواحد بعد مايشبع ويطيح اللي براسه يبدا ضميره يأنبه على الأولى وتصير الثانية هي خرابة البيوت على قولتهم وهي الشريرة وهي اللي فيها وفيها
واللي بعد طلاقها مايفكر فيها خلاص رجع لزوجته وزانت أمورهم وهي شي مؤقت
والله أن أهلها ناس صاحين وزين عارفه قدر نفسها وايش يعني مطلقه اتمسك بثوب اي واحد يجي واقوله تعال خذني ببلاش!!!
مثل ماأنتم يالرجال تتشرطون حتى انا بتشرط ومحد احسن من احد

................
يا أخي
لو فيه أمر تحتاج تنظر فيه فهو الآتي
هو أنك تطلب من أهلها تتكلم معاها كونها زوجتك
وأصر كما أصروا على شروطهم ..
وأن تسأل هي تتعالج من ايش ؟!

والله يتمم لك أمرك ويصلح زوجاتك

__________________
الحمدلله الذي بنعمته تتم الصالحات

تزوجت وكنت بكر بمطلق
مهري الي اشترطوه اهلي كان عشره ريال بس
والزواج انا عملته وتكفلت فيه
وهو حتى زواج رجال ماعمل
تحسبون قدر هالشي ولا كبرت بعينه
الا صار يعايرني باهلي
اذا تزوجت مره ثانيه باخذ حقي كامل بلا افراط ولا اتفريط
للاسف بعض الرجال يقدر المراه اذا دفع وشال مسئوليه

الله يعوضك خير ثقي بالله وصدقتي رجال اليوم لا يقدر حب ولا سكن يفكر بمتعته وكم دفع الا من رحم ربي


اخي صاحب الموضوع انا مطلقه وتزوجة من رجل معدد انا الثالثه وخذت نفس مهري يوم كنت بنت المهر والشروط ليس له علاقة بالحاله الاجتماعية هي عادات وتقاليد تختلف من قبيله الى قبيله

اعانك الله

__________________
يارب أحفظ لي طفلتي ولا تبتليني بفقدها