يعني لو حط حرته بجارتكم وشد على يدها اليسار بتبسطي ؟؟؟

امزح حبيبتي ... لا تتحملي لما يمسكها المرة الجايه .. جد هو ما يكون عارف انه توجعك .. كيف بيعرف وانتي ساكته ؟
اكتشفت بعد عمر طويل أنه مو دايما الصبر مفيد .. أحيانا ما يكون بمحله
الله يحنن قلبه عليك .. أحس حالتك من ملح الحياة الزوجية وأن بينكم مودة ربي يديمها ويخفف الملح

__________________

ههههههه

يحط حرته فيني مب مشكله بس جارتنا لا
لانها طيبه وما تستاهل
مب علشان اغار عليه

اول ما قريت اسمك
حسيت الالم خف ويدي هي اللي بتبتسم
ويدي قالت اخيرا محد بيشهوني مره ثانيه.

عزيزتي واستاذتي
والله ما يصدق ان يده توجع وان حركته ما لها داعي
هذه ثالث مره.

ارفض الرابعه. احس لو جات الرابعه بنفجر وباخذ حقي.

وفكرت ما اناقشه ابدا في امور الطلعه.

لكن قلت مستحيل
زوجي واعرفه يراقبني وحاط عدسه علي.

كيف اخفف من حدة الغيره هذه.

تخيلي الى الان يغار على امه ويلبسها نقاب
مسكينه كبيره في السن تقول انزعج.
ولا يعذرها. يقول لازم نقاب.

ليش ما تزوج نقاب وريحني. هههههه

بسم الله الرحمن الرحيم
الحمد لله رب العالمين،
اختي الكريمة، خذي الأمور برحابة وسعة صدر واتحملي زوجك ابو بنتك، ومافي مشكله ومالها حل وانشالله بتنحل، ومشكلتك تهون عند غيرك. زوجك يبدو ان عنده نوبة غضب الموجودة عند كل زوج في هالكون وهذا ليس تبرير لجرمه المشهود، بعض الأزواج يحول هذه النوبة إلى ضرب وبعضهم إلي صراخ وبعضهم يتلفظ بالطلاق وهذا شي معروف في كل بيت وليس معناته ان صح لاكن هذا الواقع وانتي الله أبتلاك بواحد يغضب.
أول مايمسك يدك أخبريه وفهميه خلال شده علي يدك ان هذا يؤلمك واطلبي منه أن يرفع يده.
اختي الكريمة/ نصيحتي هذي خليها حلق بأذانك،
إذا زوجك أمرك بشي وهو غضبان لاتجادليه ولاتقولي ليش او مالي خلق او انا ما ابي. كل اللي تقوليه ابشرـ من عيوني – انت تامر- سم. إذا تبين الأمور تمشي وتعدي على خير، لان في النهايه الكلمة للزوج. وبعدين لما يهدأ الوضع وشفتي الفرصه مناسبة للنقاش ناقشي، أكثر الحريم لما رجالها يطلب منها شي ماتحبه او مو مقتنعه فيه ترفض وهذا غلط.
ليش غلط؟ أولا: زوجك غضبان، ثانيا: لأن الأمر والنهي لزوجك فإذا ما أطعتيه أنتي سلبتي منه عزته وسيطرته علي بيته فالنتيجة مو من صالحك وهذي طبيعة كل رب بيت.
تجاهلك عن زوجك قد ينفع لاكن لاتطولين بالتجاهل لان الرجال غالبا لايتحملون هجر زوجاتهم ولعل في هجرك له مفتاح لحل مشكلتك.
الأمر الثاني لاتفعلي شيئ يغضب الله عشان البريطانيين او غيرهم ، لاتنسين ان من ترك لله شيئا عوضه الله خيراً منه. والانسان الذي لايحترم دينك وثقافتك لا خير فيه،
ولعل في عدم قبولها في هالمدرسة خيره لها.
تذكري حديث النبي صلى الله عليه وسلم قال :عجبا لأمر المؤمن، إن أمره كله له خير، وليس ذاك لأحد إلا للمؤمن، إن أصابته سراء شكر فكان خيرا له، وإن أصابته ضراء صبر فكان خيرا له. وأسأل الله ان يوفقك لما فيه الخير ويشرح صدرك ويصبرك على زوجك وتتحملينه ويحل مشاكلكم ويجعل بيتكم فيه السعاده والطمأنينه ويخلي لك بنيتك ويشفيها مما تعاني منه ويجعلها قرة عين ابوها وامها

كلامك كله صحيح
وبارك الله فيك.

يا اخوي ما عرفت انه متضايق
توني اقول وجهة نظري وخاصه ان هو يؤيد وجهة نظري حسبي الله على هاليريطانيات العنصرين.

وبالسابق سمح لي
بس هالمره

على طول حط حرته في يدي.
وهو يدري انه عصبي وما يمسك اعصابه.
واحاول قدر الاستطاع اخذ ما اريد باسلوب هادئ. وفيما بعد.

لكن انا نفسي مب فاهمه ايش سالفة هالاظافر اللي استانس عليها


وبعدين ينكر ويحلف انه ما كان يضغط.

خوفي بس يتمادئ وتتحول لحاله مرضيه ويكسرني مع الوقت.


صرت اخاف.

من الالم الجسدي والنفسي.

انا لست صعبه وهو يعرف انه لو اصر بلبسه اصلا النقاب كان في يدي والله في يدي ويشوفه.

بس حسيت انه يدور سبب

هو من النوع اللي يخزن
امس ما قدر ياخذ حقه
فانتقم مني اليوم.


انا حابه اوصل له اني تأذيت

لكن كيف وهو يكررها كل مره ويحسبني اتحايل عليه.


وكلامك صحيح
هو يحب ان يمشي كلمته
وانا امشيها
لكن اليوم. الامر مختلف.
احنا من زمان تفاهمنا ان صعب اقول تم على طول
مثلا يتدخل في ملابسي حتى لو فوقها عبايه.

لابد ان يكون هناك حوار.

وحصل ذلك
لكن اليوم حاله غريبه تعدت الحدود
ايش ذنب يدي في الموضوع.
اذا عصب كيف ما اخليه يمسك يدي
والله موضوعي مضحك
بس الظهر كان مبكي.

اجل وانا اخوك استعدي والبسي ربطه يد ولا كثري من لبس السوارات في يدك اليسار.
- شي مهم، لاتنامين وزوجك في نفسه شي عليك، لان زي ماتفضلتي يجي اليوم الثاني وهو مشحون. حاولي ان تنامون وبكره يوم جديد

لو كثرت من الاسورات احتمال كبير راح تدخل في يدي والجرح بيكون اكبر وراح احتاج لابرة تعقيم

والمشكله لو ربطه

بيمسك اليمين.

وانا بحافظ على اليمين. لانها اهم من اليسار.

اضحك الله سنك يا اخوي

قبل قليل ارسل رساله
كاتب ارجعي البيت
والا
بدخل على عمتي
يقصد امي
وبيقول لها كل شي.

الا امي
اعرفها بتفشلني والله

اسبقه واكلمها
والا يهدد بس.

المشكله لو قلت لها كل السالفه بتقول لي عياره
فلان مستحيل يسويها.

انا حاسه ان بيصير فيني شي
العائله كلها غريبه

على فكره ما في كلمه ما قالها
وانا اسمع من دون رد

الكلام ما يهمني
يظهر غضبه بالكلام
بس يده هذه شا اسوي فيها.

احس خلاني في رعب.
ويزيد علي الجرعه

ودايما ينتقم
عنده ردة فعل متاخره
امس تقبل الموضوع عادي وحسسني ان الامور تمام وراضيين وطيبين وحلوين

واليوم انقلب مره وحده.

كل مره ينتقم انا لاحظت
اذكر اخر مره صديقه ارسل مقطع فيه بنت تتدلع

ناداني قال شوفي بنات كيكز الله يهديهم.
يعني ابيك تغارين.

قلت سبحان الله تنتقدهم وتشوفهم
ما تركب. صار يضحك
واليوم ثاني كررها معاي
كسرت الجوال وانا اضحك معاه لان قال لي اكسريه وهو يضحك وانا صدقت.

بعد اسبوع يمكن
اختلق مشكله تافهه اني ما ارد عليه
وكسر جوالي
انا تميت اضحك
عرفت انه انتقامي وما يسكت عن حقه.


عندنا مشكلتين الان
يخزن وينتقم ولو بعد حين و حاط دوبه ودوب يدي اليسار.


جوالي راح
وما ابغي يدي تروح.

الدانة

هههههه ضحكتيني .. بموضوع الجوال و تكسريه و هو يضحك
و يكسر جوالك و تضحكي له

هو يضحك لان تفاجأ
قال اكسريه
ورميته بكل قوتي.
بس رد اشتغل بدون ازره
وصادف ان امس صلحه
هو جواله بلاك بيري.


اما انا سالفتي
اضحك علشان ابي له اني ابدا ما انقهرت. والامور عاديه.
بس انقهرت قهر
الله لا يراويك
كسر الايفون حقي.

تخيلي روح اي شي انا سويته لو حتى مزحه.

سبحان الله لازم يردها لي

كثير امور

اقول في قلبي
انسان دقيق انا لو مكانه بنسئ.

المشكله بعد فتره
ومب في نفس الوقت.

مثلا اي برنامج انزله
يقنعني انه مب من هواياته ووووو.
بعد فتره نزله

الواتساب
انا ما احب اكتب كثير وما ادري ايش

اول ما نزلته انا نزله.

البلاك بيري اول ما شريت انا
شرا له مع اني انسان عملي ولا يفضئ للالكترونيات.

الايفون نفس الشي قلدني.

المنتديات لا يكتب فيها ابدا
من فتره سجل بس علشان انا اعرف.

كل شي
عموما انا حذفت الواتساب وانستغرام وتويتر
من جوالي وجواله.

حسيت انه ولا تأثر كان هدفه انا احذف كل البرامج.
يستخدم معي الحيل.

والان ارسل انه بيخبر امي. وبيقول اني ضربته وبيتبلئ علي

حاب يغير الموضوع ضحك.

واعرف امي بتقول روحي بيتج. ما صار شي.

بس انا اشلون اخذ موقف ومحد يساعدني. بالاصح محد مصدقني.

هذا مجرم من قلب
بس محد يعرف. الا انا.

يعني انا ضعيفه ويدي اتعبت من قبضته هذه

خلاص انا وصلت حدي
ابي حل مع هالمجرم

بسبب ان الالم ما زال في يدي
والله حرام

المهم اصريت ان انام عند امي.

ارسل لي
مغروره
انانيه
شايفه نفسك.

وبتشوفين.


والله مستغربه مب قادره انام
وين الغرور وايش دخل هالكلام
الحين بيجيب لي سالفه قديمه وبيخلط الامور

الرساله ما لها دخل باللي صار اليوم.

الحين هو ما يتحمل اناقشه وانا عادي اتحمل الالم وانام جمبه

الحين انا جرحته بشئ والا هو اللي تمادئ
هذه ثالث مره
لولا الالم ما خذت موقف

وهو جرحني بالكلام
وانا ابدا ما قلت له ولا كلمه. بس نزلت قلت ما بروح معاك. لان اوجعني وقتها.