لاحول ولاقوة الا بالله العلي العظيم, الله يفرج همك ويسخرلك زوجك

الله يهديه ويسخركم لبعض

موضوع العادة السرية هذا مو مشكلة بينك وبن زوجك

هذي حاله يعاني منها زوجك ولابد من الوقوف معه لتركها..لانها في المقام الاول والاخير معصيه محسوبه عليه

ومالها شغل في خيانة زوجيه او مشكله زوجيه !!


-------------

مسألة اخوي يوصلني السوق وانت ترجعني وانه عصب عليك من حقه , يعني اذا ما تضمنين مين بيرجعك ليه تروحي بالاصل ؟

اذا زوجك قال لك مو مرجعك خلاص اتفقي مع اخوك يرجعك وينتهي الموضوع

لكن تعصبين علشان بيرجعك هنا كانت المشكلة !!!


واذا ما يطلعك ويتمشى فيك..عادي كثير متزوجات حالهم حالك وطبيعي..يعني انتي اهم شي تبين تطلعين من البيت وتتمشين...افرضي لو زوجك طلعك لحديقه او منتزه او ملاهي...مجامله لك راح تتضايقي وتقولي انه موديني وكأنه مغصوب ...يعني في كلا الحالتين انتي متضايقه من تصرفه سواء اذا خلاك تروحين وراح معك مجامله وجلس معاك وهو طفشان وساكت او قال لك لا مافيه روحه !!




المشاكل اغلبها تصير من اختلاف في وجهات النظر والرغبات


يعني انتي تبين الشيء وزوجك ما يبيه وش الحل؟؟

طبعا ما فيه حل غير مشكله سوف تقع


الافضل هو التنازل عن هذه الاشياء واذا على الطلعه اطلعي مع اهلك او اهله وكوني مع النساء والبنات وانبسطي ومو لازم زوجك يكون معك



وانتي تبين طلاق؟؟


برأيك هل الكلاق حل للمشاكل


اذا زوجك على حسب مقولتك اناني


فأنا ارى كذلك انك انانيه

لانك فكرتي في حياتك واهملتي حياة اولادك....وش ذنب طفل يعيش منفصل عن ابويه بسبب ان ابوه يمارس العادة السريه وامه زعلانه من هالتصرف..وش ذنب الطفل انه يعيش حياة مؤلمه بسبب ان امه تبغى تروح تتمشى وتنبسط


يعني السعادة مو في طلعة حديقه او سوق

السعادة في حل هذه الامور بعقل وبدون تفخيم لمشكله بسيطه


وفقك الله وسدد خطاك


دمتي بخير

شكرا للجميع

أنا كذا والله لو ترجع لمشكلتي ماراح تلقا طلعة السوق مشكله ولا إنه ما طلعني بالعكس هو يوديني وين ماأبغا أروح ويتركني لوحدي (عشان ياخذ راحته )
مشكلتي الأولى خياناته - و الثانيه تقصيره معي - ومن حقي أفكر بنفسي والأولاد إذا كان أبوهم واحد زي كذا كيف أصلا راح يتربو وليش هو اللي ما يفكر بأولاده
أنا مو ناقصه كلام مثل اللي انت تقوله وبعض الأحيان إنفصال الأبوين يكون حل عشان يتربو الأولاد صح بعيد عن أجواء المشاكل .


وهل بكون أنانية لو فكرت إني أبغا حقوقي كزوجه و هل بكون أنانيه لأني بغيت زوجي إلي لوحدي ما يطالع بغيري ... ياأخي أنا منهاره وشوف من متى أنا مشتركه بالمنتدى لكن ما حطيت مشكلتي إلا يوم فرغ صبري و أنهرت



حسبي الله و نعم الوكيل .

عزيزتي الأرمله السوداء

بقول لك شي انتي إنسانه رائعه بجد وقويه

بس الرجال بطبيعتهم مايحبون المرأه القويه خاصة عليه

يحب المرأه اللي تكون (أنثى) بمعنى الكلمه

خلي فيك أنوثه مثلا حاولي عنده انك تفكين قارورة مويه أو معلبات

وما تقدرين عليها تعطينها إياه وتقولين له ممكن تفكها لي ماقدرت أفكها وشوف أيدي طلعت حمراء ...

عندك أمثله كثير تكونين له أنثى وأهم شي تكونين أنثى في السرير ..

حسسيه انك محتاجه له

على العاده السريه ممكن منها انه اذا صار مشتاق لك يرجع ولايقربك علشانه يحس أنه إنسان أخطأ في حقك ولا يستاهلك...

ممكن اطلب منك طلب

إرجعي له وفجري أنوثك في حياته من كلام وصفه وشكل هو الآن محتاج لك

أنصحك أنك تستشيرين مستشار ثقه على كيفيه أنه يترك العاده السريه وماعليك إلا أنك تختارين الجمعيه اللي يكون فيها إستشارات وخذي رقمها من الإستعلامات

يالغاليه أنتي تاكلين حبوب منع حمل تراها هي اللي تجيب العصبيه الزايده

ولا تنسين أهم شي الدين خليه يقترب من الله أكثر

__________________
أنا مدام المختار<<منعاً للإحراااج

أي حقوق تتكلمي عنها

أنتي حقك في الفراش والنفقة والمسكن

دامه موفر لك هذي الاشياء خلاص ما لك حجة عليه




يعني لو تروحي للمحاكم وتقولي ان زوجي ما يطلعني ويتمشى فيني ...راح يقول لك القاضي ارجعي من مكان ما جيتي




لأن الشرع واضح وبيّن حقوق الزوج على زوجته والزوجة على زوجها





وايش هي الخيانة...هل رأيتي زوجك مع بنات غيرك او صور له مع بنات غيرك ؟؟





لأن العادة السرية ليست خيانة ولا تطلق على الخيانة



هي معصيه فعلها وذنبه على جنبه





طيب لنفرض ان شخص عزوبي ويعمل العادة السرية..وش نقول عنه خاين

طيب يخون مين ؟؟؟

مافيه خيانة...إنما فقط هي معصيه وفعلها



انتي زوجته وادرى بحالته

اذا كان زوجك يفعل العادة السرية ليه؟ وينك عنه ؟؟


ربما انك منشغله عنه...ربما انك مو مهتمه بالعلاقة كما هو مهتم


بعض الرجال يريد الجنس يوميا
وبعضهم لا يريد وهم القلة



المرأة تختلف عن الرجل..اغلب النساء يكفيها ربما الجنس في الاسبوع مرتين فقط


بينما زوجها يعاني ويعاني

انتي حاولي تعوضيه بكل شي

الله يوفقك ويسعدك


وترى هالكلام مو دفاع عن زوجك

لكن انا رجل وربما افهم حالته وما يعاني منه


دمتي بخير

أختي الكريمة
عليكم بالرقية الشرعية
واضح جداً أنك تريديه وهو يريدك ، ولكن المسألة أنه لما يشوفك أو تشوفينه ينتهي كل شئ ويقل الشوق
إبحثي عما يسعده ويرغبه فيك ، وذلك عن طريق جلسة مصارحة هادئة
هو موافق وفرحان أنك راغبة في الرجوع له ، ولكن فيه شئ يمنعه
نصيحة لك وله إستمروا على تصحيح وضعكم النفسي ، ولاتنسوا الرقية الشرعية
وفقك الله

__________________
لا إله إلا الله محمد رسول الله

شكرا لمتابعتك أخ عبد العزيز

أخ أنا كذا ...... تراني أتكلم عن خيانات مو عن طلعات ولا عن سفر ولا فلوس أتكلم عن تقصيره في الفراش معي بدون ماأدخل في تفاصيل هو مقصر جدا جدا جدا معي بالفراش ولو كان يحاول يجاملني بيكون شي واضح وسريع جدا... وهو يعترف إنه مو قادر يطيقني بالفراش

غيره العاده السريه مو خيانه بس إنه أنا أحتاجه وهو يمارس العاده السريه ليش؟؟؟؟؟


أفهمني و أرجع لكلامي الأول و أنتظر ردك



واضح إنك نصير الرجال بكل الأحوال


جد بقول لك أنا مو مقصره معه بأي شي ولو أنا أسأله وش يعيبني معك يقول ولا شي مدلعته بيته نظيف أنا وعياله ما يجي من الشغل إلا كأننا رايحين عرس من أناقتنا ولو طلب عيوني عطيته ولو صار عنده عجز في الماده رحت لأبوي أركض آخذ منه فلوس و جازاني بإنه يكلم بنات و من بنت لبنت أرجع ياأخي من البدايه وشوف المشكله ---- إذا تبي تساعدني أو تنصحني أنا هنا أبي نصايحكم و حلولكم

وأي سؤال أنا حاضره لأني أبي مساعدتكم



مو بس كذا

ولو صار عنده عجز في الماده رحت لأبوي أركض آخذ منه فلوس

شكلك آكله الجو عليه

الرجل يحب يحس برجولته

الاستغفار يحل كثير من المشاكل

اصلح الله حالكم

شكرا لمرورك ريتال

بس من جد مو قصدي آكل الجو عليه كثر ما يكون قصدي مساعدته
كنت أحاول بقدر الإمكان اني اخليه يتورط في عدم حسن تدبيره للأمور
لكن تجي ظروف صعبه مثلا عادي انه يخلي فاتوورة الكهرباء ما يسددها شهور لحد ما تنقطع وفي حزة الضيق يتمسكن من وين لي ووووو انا اروح أحلها له بسرعه ....