ماحد فيكم فاهم علي ،، بقووووولكم بالتفصيييل وتحملووووووني ،،
انا ارتاح عند اهلي ما انكر هالشي وقلت لكم قبل لو يخليني ارتاح عندهم كم يوم وهو رافض .. ولما تركني مره بس ماكنا متزاعلين .. كان يمرني ونطلع و كل مايخلص غرض للبنت ع طول يجيبه لي عند الباب .. و اهلي كانوا يتحملوني لانه مو اكثر من 4 ايام .. ويكون في مده محدده ( لوقت معلوووووووم ) و اكون جايبه الاغراض اللي تلزمني بهالكم يوم .. امي الى الان ماتعرف شي ولا تدري متزاعلين ولا لا بس هي شاكه وقلت لها جالسين نتغلى على بعض ونتحدا مين يصبر عن الثاني اكثر .. و امي كبيره بالعمر و عندي اخت مطلقه وعندها بنت عمرها خمس سنوات و انا بنتي عمرها 11 شهر و حملي بنهاية الثامن .. لما اجلس برتاح امي تصير ورى بنتي وتشكي وتتعب ولما اقوم عليها اتعب انا و اختي يالله قايمه بالبيت وببنتها يعني هالمره و رب البيت انهم تغيررروا خاصه اختي تغيرت علي لسبب وكنت بنزل موضوع عنها لان في سبب لتغيرها ولما اناقشها تعصب علي .. و بيت اهلي يتعبني مع بنتي تدرون ليش ؟؟؟؟ لان مقدر اجلس بمكان لحالي انا وبنتي و امي من النوع اللي موسوسه لو بنتي تحبي وتوقف ع جدار او مركى ع طول تصرخ وتفز وتخرعني وافز معاها و اخر شي تكون بنتي واقفه عادي ماحولها شي وتقول تطيح تتعور وانا عارفه انها ماتتعور لان بنتي حررريصه توقف ولما بتحبي تنزل شوي شوي .. لما اشرب بنتي مويه تقول ذبحتيها خلص ( طيب بنتي بفترة تسنين وتحتاج تعويض سوائل ) امي ترفض هالشي حتى خدودها تقشروا .. جبت لها محلول من الصيدليه دايما نجيبه لها كل فترة تعبها و انها استفرغت بعده لان رضعت حليب ع طول ولعبت و امي قالت كللللله من هالمحلول لاعاد تعطينها ذبحها و الخ .. ابي انزل حفاضة بنتي واخليها تتهوى شوي لانها متحسسه ما اقدر .. وبنتي من جيت هنا مالعبت براحتها ولا لعبت معها و قبل امس بعد مانامت امي سرقت نفسي من الغرفه و طلعت بنتي لان ماجاها نوم.. وطلعت العاب بنت اختي و جالسه الاعبها و بعد ربع ساعه طلعت امي و شهقت ع طوووول مطلعه لها الالعااااب تبينها تاكلهم وتموت قلت يمه شوفي كلها العاب كبيره اعرف اختار ماجبتهم كلهم ،. قالت هذي تعورها و هذي و هذي قلت ليش قعدتي ع اساس نايمه قالت قعدني الازعاج !!!! قلت كل الالعاب هذي مافيييييييها صووووووووووووووووووووووووووت قالت قعدت لان خفت عالبنت تاكل لعبه شي وتغص و الخ ،، هذا كله نبذه عن شغلات بسيطه .. ولما نجلس بغرفه انا وبنتي مافيييي مفتاح بالغرفه وكل البيت شقه صغيره و سبحان الله من انظف الغرفه و نجلس بهدوء ع طول الغرفه تصير غاليه عالكل و. رايحين جايين عليها وتجي امي تفتح الباب تقول لاتسكررررين الباب عشان ماحد يجي يفتحه ويطيرها .. طيب يمه عطيني مفتاح تقول لا مفتاح تقفل بنت اختك ع نفسها .. خليه مفتوح .. لما اخليه مفتوح والصاله قدامنا بنتي تترك اللي بيدها و تطيرررر للصاله و لما تطلع يقولون تعالي خوذيها كبت الشاي تعالي و تعالي ،، تعبت نفسيا والله و جسديا هلكت بطني واصله لحلقي ويالله اتحرك ومع هذا اتحرك كثيررررر هنا وعندي اخو عصبي اكون منومه بنتي قبل شوي او من ساعه ولازم تصحى بوقت معروف عندي ومع هذا يصحى من النوم و يزااااقح و يضرب الباب وتفز بنتي و تخاف وبعدها يطير عنها النوووم ويجيها ارق ساعاات طويله .. وبنتي متعوده ع طيور الجنه و على مشايتها ، هنا من اشغل التلفزيون امي تقصر الصوت وتقول ازعجتونا وهذيك تزعل لان بس تشوف وماتسمع وجبت لها مشايه وتكسرت لان يجون اطفال هنا وكسروها لي مقدر اشتري كل يوم وحده . عشان كذا تعبت .. و امي بنفسها طردتني كذا مره و بعدها تتحسف والمشكله ان ماني مطلقه ع وجه ابيض ،، ماني عارفه مصيري اكره هالوضع .. وكله كووووم ومصاريف البنت كوووم ثاني و اهلي على قدددد حالهم يعني بالعربي الفصيح فقراااءءء ويالله متحملين نفسهم وانا لما جيت هنا مابي امرت حمل عليهم .. وعندي شغلي الخاص مصممة بس المشكله اللاب توب بالبيت ومابي امر بيتي .. و صرت احط نفسي بمواقف مع العملاء اخذ مقدم منهم و اوعدهم قريب اخلص الشغل وكل ماحد سئلني اقول اعذرني عندي ضغط بالعمل و من هالكلام ،، انا ماعمري اكلت حق احد والله وماعمري اخذت مقدم لانه مسؤوليه و امانه برقبتي ،، و كمان اخاف اولد هنا و مصاريف المولود لحالها تهد الحيل كيف بتصرف !!! وفعلا انا ماني صبوره و اكون صبوره اذا كنت عارفه وضعي بس كذا صعب ماتحمممل ، منتوا حاسين فيني بس لو تعيشون يوم واحد مكاني بتحسوون <<< هذا كلللللله اختصاااار لمعاناتي وما خفي اعظم هههههههههه

__________________
تم تغيير النك .. < ريتاج2016 سابقا

بقولكم ملاحظه بعد عشان ماتاخذون فكره سيئه عن امي .. هي تحبني اكثر خواتي لاني اصغر وحده وتحب بنتي بعد وحيل تتعب معنا وتحاول تريحني وتسوي كل اللي يطلع بيدها وهي اللي ربت بنت اختي .. بس مثلا لما تقصر صوت التلفزيون تكون خايفه ان اختي تنوم بنتها وازعجهم وبعدها تجي اختي تتمشكل معي .. وتخاف ان تصير علي مشاكل من اخواني و تخاف ع بنتي حيل ومو بس بنتي .. امي حيل حريصه عالصغار لدرجة الوسوسه وتراقب بنتي وبنت اختي وحتى اسلوبها كذا مع اختي وتحاسبها عالصغيره والكبيره مع ان بنتها كبيره بس امي ماتحب الاهمال ولو لثواني تحب الشخص يجي حاااار ويمشي ورى طفله مثل ظله بس انا بوضعي هذا مقدر اركض و اوقف كثير عشان كذا ببيتي اريح لي وهنا لما اجي ارتاح لازم ما اطول كثير لان اتعب .. هم يتحملون يومين ثلاث او اذا كنت طايحه من التعب وعندي ظروف صحيه مثل بالشهور الوسطى لما كنت بجهض والله حيل ارتحت عشان كذا حسبت بيبقون كذا دايم ههههههه
ولما جيتهم اول يومين وانا مسويه جراحه كمان داروني وريحوني كثيررر بس بعدها لا

__________________
تم تغيير النك .. < ريتاج2016 سابقا

هههه طب ليش الضحكة الي في الآخر
مادام الامر كذلك وانت تعبانة خلاص اعط لنفسك هواها وخليك مباشرة
فلان احب ارجع البيت انا تعبانة واخاف يجيني الطلق
مالك الا هذا

ضحكة قهر هههههههه ودي ابكي اصلا بس اول مره ما اضعف بسبب مشكله بيننا لان ماني غلطانه بس مره بكيت قهر لما امي طردتني وماقدر اروح له ..

اي صح بكمل بعد اكثر نقطة زاعجتني .. امي ماتحب تجلس بالبيت تحب تروح عند اخواني وخواتي وخوالي وعمتي والحين لها اكثر من اسبوع محبوسه بالبيت و رافضه تطلع وتسمعني كلام اووووف انا انحبست من جت هذي .. واسمعها تكلم جوال تقول ودي اجي بس مقدر اعذروني عندي فلانه واخاف ع بنتها لاراحت لبيتها اجي << اقول لها يا يمه ياحبيبتي روحي انا انتبه لبنتي تقول لا بالي يضل مشغول

__________________
تم تغيير النك .. < ريتاج2016 سابقا

أنتي غلطانه ليه تتسلفين عشان إحتياجات بنتك أرسلي له رساله بنتك ناقصها كذا وكذا ، ومثل ماقالت وفاء أرسلي له قولي تعبانه أبي بيتي أو خلي أخوك يوديك أو السواق وإذا جيتي بيتك خليك صامته بيني له إنك زعلانه من موقفه

__________________
الحمدلله حمدا جزيلا ...

الموضوع طبيعي ومايحتاج يأخذ منحنى هو غلط علي أو أنا غلطت .. أو هو يعتذر لي أو أنا أعتذر

أتصلي على زوجك وقولي له تعال خذنا بنرجع البيت خلاص إرتحت عند أهلي والحين بأرجع بيتي

وأنسي الموضوع ولا تفتحيه معاه .. وكأن شئ لم يحدث إلا لو هو فتحه .. فتكلمي بهدوء وقولي له .. أنا تعبانه من إبننا إللي في بطني وما بأدلع .. وكنت محتاجة منك أن توقف معاي حتى لو بكلمة حلوة .. لكن الله يسامحك

ما ابي اكلمه لان اعرف ردة فعله .. لو قلت له بنتك تعبانه بيقول مالي دخل ولو قلت له ناقصها كذا وكذا بيقول مالي دخل لا فيك ولا فيها دبري عمرك ولو قلت له تعال خذني بيقول خليك اصلا مرتاح كذا و انتي اشبعي من اهلك .. ولو ان رحت لبيتي و جا لقاني بيقول خير وش جابك ؟؟ << كل هالعبارات سمعتهم بس هو يكابر حتى لو مو مرتاح بدوني بيقول مرتاح وهو بقلبه وده ارجع اليوم قبل بكره .. بس دامني عارفه ردة فعله القاسيه اللي بعدها يلين ونتصالح ويجيني بس كذا اكون نزلت كرامتي و اكون انا اللي بادرت ومابي هالشي مابي يطلع مني حرف قبل ما هو يكلمني .. هو بس لو يتقدم خطوه بتقدم عشر

__________________
تم تغيير النك .. < ريتاج2016 سابقا

اظنه شايف انه يعاقبك بتركك في بيت اهلك وهذا من شكواك انك تتعبين هناك
ومادامه ما يثمن روحتك او طلبك الرجوع ويعيرك بذلك فاصبري وان كانت عندك قطعة ذهب بيعيها واصرفي على روحك
وبعد رجوعك ان شاء الله لو اكلت خبز وماء في بيت اهلك بينيله انك سعيدة ومبسوطة عشان ما يستعمله كوسيلة ضغط عليك

يازين امك الله يخليها لكم
مررررة تحب بناتكم الله يجزاها خير
امك تحمليها وبيني لها حرصك
والله يصلح ما بينكم يارب

لا بالعكس .. دايم امدح اهلي والله وما ابين له هالشي بس مره قلت له بنتك تتعبني لان تسهر هناك تحب تلعب كثير .. اما الباقي مستحيل . بس فعلا هو يظنه عقاب لان مره صار خلااف وتصالحنا بعد اسبوع ولما رجعنا قال اصلا كنت بخليك اسبوع ثاني بس شسوي اشتقت لك قلت افاا ليه اسبوع ثاني قال كذا عقاب لك .. لك عقاب بيت اهلي ! ما احلااااه من عقاب اجل بضل ازعلك عشان تعاقبني < وهو انقهر قال حتى زياره ماعاد فيه بس كان يمزح
والله ياخيتي نفسيتي زفت من الضغط النفسي صرت ماني متحمله شي و لاشعوريا صرت اعصب حتى على امي لان قبل شوي قلت بروح اكشخ اتسلى وكذا ورحت فجأه سمعت امي تسب بنتي بصوت عالي وفجأه صرخت امي بصوت عالي و خفففت رحت اررركض وبغيت ازحلق عالسراميك وتخيلت القى بنتي مثبته عيونها وميته او دمها معبي وجهها ولان صوتها مختفيي والله خفت ولما وصلت وفتحت الباب و ان بنتي واقفه ومتمسكه بالمركى يعني مافيها شي وتحجرت بطني بعدها لما شفت مافي شي عصببببت لاشعوريا وقلت خلص بنتي انا مسؤوله منها وحتى لو تتعور قدامكم خلوها .. وبعدها جلست ابكي لان رفعت صوتي و غلطت و تناقشنا وبعدين اعتذرت لها .. اف ياربي مقدر اتحمل والله ، اذا استمر هالوضع هذا لبعد العيد راح اطلب الطلاق لان نظام المعلقه مايمشي معي

__________________
تم تغيير النك .. < ريتاج2016 سابقا