مو شرط مهر 25 ..
اقل فيه مهر 8 الاف ..
ومو شرط تاثث غالى او غرفه متكامله خذها مفرقه ارخص ..
و تلفزيون اعتقد ممكن الاستغناء عنه ..
شهر عسل ايضا ممكن يلغى او ممكن مكان قريب مايكلف ..
حفل على اضيق الحدود و عشاء يقتصر عليك و اهلك و اهلها الوالدين و الاخوان فقط

يعنى ممكن تحاول التقليل من التكاليف قدر استطاعتك
بشرط تجد الشريكه المناسبه التى تقبل ..

دعنا من كل شيء
تأثيث الشقة ب 5 آلالاف !!!!
هذه ماتكفي تأثيث غرفة واحدة فما بالك بشقة ..

إنت اطلعت على أسعار الأثاث بالسوق ولا ناوي على أثاث مستعمل؟!

سأكون معك صريح

صعب تعمل هذا كله في الخليج عندنا بهذا المبلغ خاصة إذا كنت ستعيش في مدينة

أسأل الله لك التوفيق

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

فيه ايجار اربعة وفيه كل شهر كمان
انا حاسبها على اساس اني انا الان مستأجر شقة عزابية ومأثيتها ما كلفني 3 الاف فعن تجربة اتكلم
ومو ضروري اثات فخم هي مرحلة في العمر الين ما ربي يفتحها علي وافتح بيت ملك والامور تمشي حبة حبة اذا فعلا حسيت ان هذي الزوجة بتكمل معي باقي عمري ورضيت بيها ورضيت بي فأكيد باكرمها وما بقصر معاها
اما اكلف عمري على زوجة ما ادري هل بتكمل معاي ولا مصيره الطلاق فحرام في نظري

انا من اهل جدة مني اجتماعي وما عندي اصحاب فخبرتي قليلة ومنكم استفيد ^_^
وعلى فكرة ما قد حضرت زواجات في حياتي ولا في احد من اهلي تزوج

طيب ممكن انت ما تعجبها بعد الزواج
و تتطلق و هي ثيب و صعب تتزوج مرة ثانية
وانت استمتعت و تعلقت بأقل الأسعار حتى تضمنها على حسب تفكيرك انت
وهي لا طالت بلح الشام و لا معرف ايش
طيب شقة العزوبية
ماهي مكوناتها التي كلفت 4آلاف
و لما زدت الف و خليت لشقة العروس خمسة
طيب أربعة تكفي؟؟
ممكن تفصل لنا أسعار تأثيث الشقة

__________________

وش ذنبها العروس ؟ تدخل ع اثاث مستعمل
وم تبي تخسر عشان لو طلقت عادي وشهالتفكير داخل ع حياة المفروض تكون كله تفائل ,
مو تعمل كلشيء وانت حاط احتمال يكون فيه طلاق هالشيء ف علم الغيب انت م تدري عنه
وبعدين م فيه بنت ترضى تدخل ع اثاث مستعمل زي م انت ماراح ترضى تشوفها م تعمل اي شي يفرحك لاكن استكثرت عليها بيت حلو ترتاح فيه واذا ع البيت الملك ف يطول وقته

__________________
اللهم احفظ لي بنتي فهي فرحة عمري وضحكة سنيني ..

يعني إنت ماتبي تدفع عشان لا تطلع وحدة ماتستاهل ؟ أو عشان ماعندك فعلا ؟!

لو كان جوابك الأول فأنا مقدرة خوفك وقلقك من هذه النقطة
لكن فكر معي أيش اللي يخلي البنت ترضى بزواج عائلي و بيت مؤثث بشكل جدا بسيط و مهر أيضا بسيط وشهر عسل بميزانية مقيدة و بسيطة جدا ؟
لازم تكون لديك مميزات تدفعها للتنازل والقبول بهذا الوضع ؟
مثل ما إنت ماتبي تدفع لوحدة ماتعرف هي تستاهل ولا لا , الفتاة أيضا لاتريد التنازل لشاب لا تعرفه و لاتعرف هل يستحق تنازلاتها أو لا

كنت آكل فشار وغصيت لما قريت الحسبة هذا وانت مهندس حسبتها بالطريقة هذي .. ولدي غيرت له أثاث غرفته وكان فيها الدولاب وفيها المكيف يعني مااحتجت اشتريها ومع ذلك كلفت فوق الاربعة آلاف .. صدقني لو طلعت ولانزلت خمسين الف ماراح تكفيك خليك منطقي شوية الاجهزة سواء غسالة مكيفات شاشة فرن تجهيز مطبخ من اواني غرفة نوم وغرفة جلوس بتكلفك مافيها كلام ويمكن اعذرك مادام تقول ماعمرك حضرت زواج ولاعندك احد تزوج بس أجلس مع اصحابك اللي تزوجو وبتكاليف متوسطة يعني لاتدور الناس اللي سوت شي فخم مرة وصدقني راح تنصدم بالحسبة اللي حسبتها .. الله ييسر لك أمرك

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

فيه حالة انك أخذت مطلقة او ارملة عندها أولاد ممكن .
أول شيء هي نفسها ماتبغى زواج قدام الناس بس عشاء بسيط وتاخذها .
ثاني شيء ماتبغى شهر عسل عشان ماتبعد عن اولادها . خمس ايام بمكة والا المدينة تكفيها .
السكن اذا كانت كبيرة بالعمر فاحتمال تخليك تسكن معاها بالبيت ولا يحتاج تستأجر .

اما بنت وبهالشروط انسى

__________________
سبحان الله وبحمده ، سبحان الله العظيم