دعي زميلتك تجلب لك عريس كامل المواصفات
هذه تبعات استماعك لصديقتك التي تريد تخريب بيتك
لماذا لا تتعضون؟
امورك كانت جيدة مع زوجك وانظري ماذا حدث لك فقط من نصيحة سيئة من صديقة السوء

سوف تهدأ الأمور ولكن موضوعك يحتاج بعض الوقت

-انصحك اولاً بأن تجلسي مع زوجك و تخبريه بالحقيقة عن النصيحة السيئة التي استمعتي لها من صديقتك
-توعديه بأنك لن تستمعي من احد مرة اخرى
-اسآليه عن ما يريده ليرضى عنك و قبل كل شي رضى الله.


وفقك الله

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

صعبه اعترف له بهذا الشيء
اخاف يقطع عني التواصل مع كل صديقاتي
هنا ادخل نفسي في معمعة ثانية

وكان ممكن اتناسى السفرة اللي طيرها علي
والبهذله اللي شفتها معه واطلب رضاه مثل ماتقول
بس بعد مااهاني عند امه وشرشحني.. مستحيل

لو رضيته فأنا كذا اكتب شهادة وفاتي بيدي

انا اتمنى تدعون لي ان ضميره يصحى ويحس بغلطته
ويستسمح مني بعد الفضايح اللي سببها لي
وانا وقتها اشرط عليه مايكرر اتصاله هذا بأمه مهما كان
لكن لو سكت له وراضيته بعد سواياه.. بكرا بيتفل بوجهي قدام اهله

زوجك طيب
وفيه خير كثير ....
الدليل رجعك بَعَــ♡ـدْ ااطلاق
وسفرك واخذ اجازه مٍْْـٍْْ♡̷̴̬̩̃̊ـٍْْنٍْْ. شغله عشانك!!
لاتطلبين نصايح مٍْْـٍْْ♡̷̴̬̩̃̊ـٍْْنٍْْ احد ابدا
زوجك وانتي الادرى فيه !!
انتي مشالله ناضجه وتعليمك زين يعني مني ناقصه تقدرين تسيرين حياتك احسن مٍْْـٍْْ♡̷̴̬̩̃̊ـٍْْنٍْْ اي شخص!!
الرجل العصبي معروف انه طيب وحنون هذا مافيه شك ابدا!!
لاتستفزينه ابدا ... تحملي شوي خليك فارضه احترامك بالاسلوب الطيب !!
لان العناد مع العصبي ماينفع ولايجيب نتيجه!!
اشبعي زوجك عاطفيا النقص العاطفي يدمر النفسيه وهالشي ينعكس على تعامله معك!!!
والدليل لما قالك لابسه احمر حاسبه نفسك انثى !! هذا اسقاااط كبير جدا !!
ونغزه قويه عليك!! بما معناه ليش تمتنعين عني !! منتي مثل باقي الحريم!!!

مشكلتك تكمن في سريرك!!
ضبطي اختياجاته وراح تضبط نفسيته .. وباقي الاشياء مقدور عليها بسيطه !!

__________________
اللهم احفظ لي زوجي وسخره لي واحفظ لي اولادي

كلامك ريحني صراحة الله يسعدك
للامانه بالفترات اللي علاقتنا الخاصه فيها كويسه
تكون علاقتنا الزوجية راقيه جدا.. من الطرفين
لكن زوجي مزاجي بهالموضوع ويتثيقل ويصد لحد ماتحاشيته

الموضوع الان صار اكبر من فراش وعلاقة
علما بأن زوجي بالفتره الاخيره صاير كل ما زعل
يلطش بأنوثتي.. انتي مو انثى.. مافيك انوثه..
او يقول تحسبين الانوثه عطر ومكياج وتكشخ
او يقول انتي لو انثى كان اكلتي تبن وسكتي بعد ماقلت كذا الخ

وانا اقسم بالله انوثتي واناقتي ورقتي الكل يشهد فيها
ومع اني داخله سنه ثالثه زواج الا اني يوميا احط مكياج خفيف وارتب شعري


اساسا بنات اهله يقلدون لبسي وحركاتي وبعض كلماتي
وهالشي بدل مايسعده يقهره.. يحاول يحطمني كل مايزعل

حبيبتي كنافة .. الله يهونها عليك

مشكلتك بسيطة .. والله ابسط من البساطة بس الشيطان قاعد ينفخ فيك وفيه
تعوذي من ابليس و استغفري وادعي واتكلي على الله وتنحل باذن الله ..


حاولي اول شي تفهمين زوجك عشان تقدرين تصالحينه

تدرين وش اللي صار؟؟ انتي صدمتيه .. زوجته اللي يرتاح لها ويتطمن لها تمردت وطلعت عن قوانينه وفوقها حاولتي تحطينه "قدام الامر الواقع" "ووسط الناس" "وبالغربة" .. غضبه مو ببساطة رفع النقاب ورده

كاني اسمعه يقول لنفسه لحظتها لا هذي مو زوجتي

وواضح انه اذا تذكر الموضوع توتر..
زوجك يحبك ومايبي يخليك .. بس مو قادر ينسى صدمتك له.. وانتي ماحاولتي تنسينه.


امه من كلامك عنها حبيبة .. وترا يهمها قد ما يهمك انكم تنصلحون وتحلون مشاكلكم .. بعدين هي امه يعني عارفته اكثر منك وتعرف طبعه اذا عصب انا متاكدة انها تلوم ولدها ماتلومك .. لا تشيلين همها
واذا ودك ترتاحين كلميها سلمي عليها واعتذري عنه قوليلها ما نحب نزعجك بمشاكلنا ونضيق صدرك بس كان زوجك في لحظة غضب وتصرف بانفعال .. واشرحيلها ان الموضوع بسيط وقوليلها المشكلة عشان مايروح بالها بعيد ولا تشكين من ولدها ابدا فقط بيني لها الموقف بدون تفاصيل.. وقوليلها انك تحاوين تراضينه و تصلحين خطاك.. واطلبيها تدعي لكم ..


اما بالنسبة لزوجك اذا تبين تصالحينه خليك وديعة.. شوفي كل ما بعد عنك هدا والدليل انه لما كلمك وانتي عند اهلك استنكر ردك الجاف .. يعني خف اللي بقلبه وماشاف في داعي لاسلوبك .. ولما قال لك خليك عند اهلك وشافك رجعتي فرح وقال لك بكرة بنروح لامي .. بس انتي ماتشجعينه يتنازل ويطيح الي براسه بحدتك معه ..

ليني شوي اتركي الجدال والرد على كل كلمة

انسي اللي صار كله شوي .. وركزي على هدوئك معه.. هدوء اعصابك ملامحك ونبرة صوتك..



خلي بيتك مكان دافي يحس فيه بالراحة والأمان اذا دخله .. وخلي وجودك بالبيت يفرق
مثلا شغلي اذاعة القرآن بالمطبخ .. بخري البيت اهتمي بنظافته خلي قهوتك وشاهيك جاهزة.. اذا رجع اجلسي معه حتى لو كان مكشر ابتسمي .. ولوما كلمك لعبي بنتك عنده .. حاولي تخلينه يرتاح لك من جديد..
اذا جا ينام دفي الغرفة .. و اذا غفى باول نومه قربي منه بدون ما تفزعينه بوسي راسه لميه المسي ظهره بحنية واذا شفتي انه حس انسحبي

وبعدها بكم يوم ارسلي له رسالة و هو برا البيت
امليها حب وشوق وذيليها باعتذار .. لا تبررين خطأك اعتذري فقط وبيني له ندمك ..

طولي بالك .. واصبري واحتسبي وتحملي ردة فعله

وبشرينا بالاخبار الحلوة


الله يهدي زوجك ويسخره لك ويصلح حالكم

ياحلو كلامك والله وليت الموضوع بهالسلاسه
لكن زوجي برأسه حب ما انطحن
بدليل لما وصلنا رمى شنطتي عند الباب لاول مره
وانا بنفسي فتحتها ودخلت الاغراض على دفعات لغرفتي..تخيلوا !!
ولما قلت له ليه ماتشيلها قال ماني متعب ظهري عشانك!

الرجل العاقل الناضج مايسوي كذا
لكن مشكلتي عايشه مع واحد لئيم صراحه

انا بعد كلامكم اقتنعت اني ماراح اطلع من البيت
ابجلس اليوم وابخليه ياخذ بنته ويسوي اللي يبي
والله يكتب اللي فيه الخير


واذا عندكم ردود ثانيه ارجوكم لاتقصرون علي

ي حياتي
اهم شي بيتك لاتطلعين منه!!
أإأذأإأ طلغتي مو مٍْْـٍْْ♡̷̴̬̩̃̊ـٍْْنٍْْ صالحك والموضوع بيكبر عالفاضي!!
اعذري زوجك لو عصب وسب وجرح كل هذا صدقيني مو مٍْْـٍْْ♡̷̴̬̩̃̊ـٍْْنٍْْ قلبه الواحد لحظه الغضب مايدري شيقول!!
خاصه الرجل أإأذأإأ عصب لاتاخذين بكلامه ،،، خلي يفرغ الغضب هذا بكلمات مو مقصدوده !! يندم عليها بعدين

انتي الـפــيْنَّ التزمي الهدوءوالصمت وصدقيني بعدما يهدا راح يجيك ويعتذر ،،،
لاتقولين مشكلتك تعدت الفراش لااا

مشكلتك بدت مٍْْـٍْْ♡̷̴̬̩̃̊ـٍْْنٍْْ الفراش وراح تنتهي بالفراش!!
منتي خسرانه شي جربي!!
حتى لو تمنع شوي مارح يصمد لانك زوجته حبيبته 😊

__________________
اللهم احفظ لي زوجي وسخره لي واحفظ لي اولادي

اخر التطورات...
لبست بنتي وجهزت شنطتها
وجاء زوجي قال ترى ماراح اخذها لان امي قالت ماتجي بدونك
ومالها طعم الجلسة مع البنت بدون امها
اما الغداء فامي قالت لا تجي وهات غداء من برا كله مع زوجتك

انا قلت جزاها الله خير

ودخلت الغرفة
قام لحقني وناداني.. قال ترى عقل امي يوزن بلد
قلت ادري وليت الكل مثلها
قال اذا قصدك علي فانا ودي اخذها ماسألت فيك
لكن احتراما لرغبه امي ماراح اخذ البنت فهمتي
حطي ببالك هالنقطه زين

وطلع وخلاني

شياطينه قويه حسبي الله عليه
طبعا بيروح يجيب غداء بعد الصلاة
ان ماراح اكل معه وابجلس بغرفتي

انا اعرف الغضب يكون ساعه ساعتين يوم
مو ايام وليالي وتصعيد وسخافات
وانا لازلت صابره ومتحمله وقبل شوي حاول يستفزني
ياجماعه زوجي صاير لئيم ونذل جدا
وانا بشوف وش اخرتها معه

اجل امه صارت تدخل واسطه بينا.. وتصبره علي
شيء يقهر يقهر

انسي كلمة لئيم .. وخليك ثلاجة

عادي الغضب يستمر شهور وسنين طالما ابليس عايش ..

تعوذي من الشيطان

صلي الظهر واقري الكهف وسوي قهوتك وتغدي معهم