ليش ماتروح عند اهلها كل ويك اند واضح انش متضايقه بس عمك اصمخ مافي مراعاه اهم شي راحتها

__________________
وهل من مصير اخر ؟

كما تدين تدان يجي يوم ويسلط عليك من يتنرفز لوجودك
انا اشوف تتعوذين الشيطان وتنتبهين على روحك شدا تسوين
لا تخلين الظغينه بيناتكم اشوف زوجة اخوك طيبة طيبة بشكل
والرسول عليه الصلاة والسلام يقول لا تحقرن من المعروف شيئا الا ان تلقى اخاك بوجه طليق

__________________


ما أنا في الدنيا الأ كراكب أستظل تحت شجرة ثم راح وتركها

ياختي ليش ماتقولين لاخوك وتنهين المشكله
والله استغرب بعض المرات من تصرف امي وخواتي
يعني اذا بغت امي تشتري سياره جديده تقعد فتره تخطط علشان تاخذ رأيي وتاخذ موافقتي
او مره اختي انقبلت ماجستير بنفس جامعتها البيت كله كانوا مغبين الموضوع عني ولا علموني
كل هذا خايفين من ايش ما ادري حتى اخواني اذا بغوا يسافرون مع اهلي يتصلون علي ياخذون الموافقه ويستشيروني عن المكان
والمشكه ينتظرون مني ردة فعل عصبيه
اول شي انا اصغر اخواني وبيني وبين اخوي اللي اكبر مني فوق تسع سنوات واللي فوقه يمكن 12 سنه واللي فوه زياده بعد
ثاني شي انا ادرس خارج المملكه من اربع سنوات وقبلها اصلاً كنت ساكن بمدينة غير المدينه اللي فيها اهلي
وثالث شي اصلاً حتى غرفة نوم ماعندي بالبيت من ايام المتوسط كان اذا اخوي اللي اكبر مني سافر انام في غرفته واذا رجع اطلع انام بالمقلط
وبكل قرار يتخذونه لازم يشيلون همي
طيب ياناس انا مو ملزوم فيكم وقراري او موافقتي ماراح تزيد او تنقص اي شي
اذا انتم تبون شي سووه واذا ماتبون تسوونه بكيفكم

يا اختي الحل والله بسيط اتصلي على اخوك وقولي له يا اخي العزيز يا ابن امي وابي انا اداوم ودوامي متعبني وانت وزوجتك ماتجوني الا بالوقت اللي اخلاقي فيها اتش
قل لزوجتك اذا جت عندي تخليني بحالي ولا تزعل مني وتراها مو ملزومه فيني
واتصلي على زوجة اخوك قولي لها يا زوجة اخي المصونه انا اتصلت على زوجك وقلت له انا عندي دوام وارجع تعبانه وما ابي الا ارتاح فارجو منك ماتزعجيني اذا جيتي وكل هذا من حبي لك ولعيالك ما ابي اكون في حالة تعب وارفع صوتي عليك او على عيالك
وصلى الله وسلم وبارك على نبينا محمد

و الله زوجة اخوك طيوووبه ولا ايش اللي يجبرها ع زيارتكم
كنت اتمنى زوجات اخواني كذا
اللي تدخل بيتنا و تطلع غرفنا كأنها اخت
كنت اشتغل مثلك و انكرف كرف صدقي بس اتحمس لنهاية الاسبوع عشان جمعة اخواني و اخواتي
و مو بس انا الكل كذا ينتظر اخر الاسبوع عشان الاهل
..................
و تراها مو مجبوره ابدا لا تقولين تبي تثبت لأخوي انها زينة معانا
هذاك زمان
الحين علاقات العوائل مو مثل قبل
اجل اخوك يزور امك مره بالأسبوع !!

__________________
ي رب رضاك و الجنة

صدع راسي مدري أحس مافي مشكله 🙊

ليش أنتِ فارضه حواجز وحالتك حاله !!

طيب سؤال

لو أنتِ متزوجة ورحتي لحمولتك نهاية الأسبوع وقابلوك بمثل ماقابلتي زوجة أخوك
وتكلموا عنك بمثل ماتكلمتي وش موقفك ؟!

معليش ترا بنات الناس يتركون أعز الناس ع قلوبهم والدينهم اللي تربوا بين إيديهم
من نعومة أظافرهم ويعيشون مع عيالكم مو شي بسيط ولا سهل

زوجة الأخ بمثابة الأخت وعند زواجها فإنما هي تنتظر عائلة تعوضها
عن غربتها وفقدها لعائلتها

وفي حال كانت حالتك الصحيه لاتسمح إطلبي من أمك أن تعتذر لها
عن عدم سلامك أو أنتِ إعتذري منها برساله


لو كانت النفوس صافيه وتتعامل مع بعضها
بمثل ماتتمنى لما كانت هناك مشاكل

__________________
حسبي الله ونعم الوكيل

اكسبيها
قد تكون اخت لك

رحمتها مرة الحمد لله متفاهمين احنا وحريم اخواني يا زينهم ويا زين عيالهم ولمتهم

وموظفات بعد

اشكر كل اللي رد واعطاني وقته ،، ما ودي ازعل حد ولا اضايق حد
كل الحاكيه اني انسانه والانسان محتاج وقت لنفسه ، الحواجز اللي تسمونها اذا جت علي حواجز وعليكم خصوصيه . احيانا تكون جيده هههه صدقوني لكل الاطراف ، غير اني محتاجه وقت انفس فيه عن نفسي خاصة وقت الراحه ،و مرات انا اكون مضايقه ومزاجيه وتعبانه على الاخر فافضل انعزل ، وما احب اطلع .

البقي اللي شعرت ما اشعر ، اقول لهم ما لنا غير الصبر .
والبقيه اللي ما شعرت ، الله يصبركم برضوا .
ما يترك الله احد صابر الا ويجزيه .

ماعليه اختى اللى ردوا عليك اكيد زوجات
و الاخوان ازواج و معروف موقف الاخ بين الزوجه و الاخت

يالله لو انها زوجة جت تشتكى وتقول اخت زوجى بس تجينى و انا تعبانه من الشغل و تجيب معها اطفال
و تطلع تدق علي غرفتى بطلعنى غصب و انا اتوحم ^_^ ووو ايش موقفهم منك وقتها

او لو زوجة اخوك ساكنه عندكم بالبيت و جايه من الشغل تعبانه و تقول اخت زوجى ازعجتنى
تدق على غرفتى وانا جايه من شغل و تعبانه و تزعجنى بصوت الاطفال ...

اكييييد هذى عاد فيها طلاق او زعله قويه و تترك البيت و تجى تتشكى بقسم المطلقات
و يصبرونها ان اهل زوجك مجرمين >_<