لأنه الموضوع مو سهل أبدا ولا هو صغير ..

تقدري تكلمي أحد غير أبوكي كمرحلة مبدئية ؟؟ تستشيريه ... مثلا والدتك أو أخوكي ..عم .خال . يكون مرن شوي

__________________

رايي لا تكلمي أحد من أهلك.. وحاولي ما تطلعي مشاكلك من بيتك بقدر الإمكان..

المشاكل اذا دخلوا فيها الأهل غالبا تكبر.. اذخال الأهل علاج أخير ليس بعده إلا الطلاق...

بس عندي سؤالين

هل عندك أمور غير المشكلة اللي في هذا الموضوع تخليك ما تتقبلي زوجك وتنفري منه ويمكن تكرهيه.. تذكري زين قبل لا تجاوبي..

سؤال آخر.. لو زوجك صارت غيرته طبيعيه وما يتهمك أو يجرحك بالكلام.. هل يصير في نظرك زوج مثالي تعيشي معه عمرك كله..

...
..
.

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

صمتك جعله يتمادى أكثر
الصمت هنا ضعف وليس قوة

هدديه وانتي معصبه وجاده بكلامك
انك بتعلمين اهلك لو ما لزم حده
يشوفولكم حل لو بالطلاق <<يمكن سيرة الطلاق تصحيه انه بيخسرك

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

معليش أختي بعد ماذكرتي موقفه لك لما شفتي الشباب اللي يتضاربو ايش سار بعدها تكلم عادي معاك ولا جلس زعلان طول اليوم وانتي لحقتيه وتكلمتي في الموضوع ولا طنشتي؟؟؟


ذكرتيني بزوجي بداية زواجي لكن يقولها بمزحه ثقيله يعنني أقصد لكن في نفس الوقت أمزح عشان لاتزعلي

وع فكره لو انه شاك فيك ولو واحد في المئه ماكان خرجك معاه كان حابسك في البيت....

الزبده يبغئ يعلمك ماتسوي كذا وكذا وهو فاهم انك ماتقصدي لكن يبغاك نبيهه ماتتلفتي وتفهمي وتريحيه...

ردي ع اسألتي بدون مبالغه لاني احس في انسجام بينكم ...
أنا دحين أمدح في بعض رجال الدول العربيه عشان أقهره ولا يعلق يضحك لاني عالجت غيرته الي يقصد فيها اني انتبه لحركاتي ..
العلاج طويل ويبغاله صبر...

مشكلتي مع زوجي غير غيرته القاتلة هو انه عايش حياة العزاب اي بمعنى مايحب يسولف معي ومايحب يشاركني اي شي ولا يسهر معي ولا نسوي نشاطات سوا زوجي انسان غريب وكآن عمره 60 سنة !!
فغالبا احس بالوحده ولما الجئ لآخواتي او صاحباتي يعصب ويزعل مع اني احاول قدر الامكان اني اتواصل معاهم لما يكون هو مشغول او عنده دراسه او شي او طالع

اذا انحلت مشكلة الغيرة فــ الف الحمدلله اما الامور الثانية اللي تقلقني فكثير من المتزوجات قالولي هما كذا الرجال مع اصحابهم 24 ساعه ومايتكلمون الا للضروره مع زوجاتهم وحبهم مو بالكلام ووووووو

صدقيني مستحيل لو كلمت امي بتقولي وقاعده معاه للحين ليش ؟ وبيكبر الموضوع وبيرجعوني ويقولوا لزوجي ورقة طلاقها توصل

طبعا مشيت ورآه ايش بسوي مثلا وكلمته وقلتله سيرة كل يوم صح ؟
معليش اختي كلامه ان دل دل على شكوكه فيني
اسمعيني اختي انا وانا معاه ماني قاعده التفت يمين ويسار مثلي مثل اي انسانه عادية اي بمعنى لما اسوي شي هو يكون المتحدث عني واهم قاعده عنده عيوني بالارض ولما اكلم اي رجال ولو بالضرورة اساله عن اي شي ممنوع !!
اي انسجام ؟
طيب افيديني ونوريني كيف عالجتيها

ياهوو والله الموضوع مايستاهل هذا كله ....


والله زوجي كان يتلفظ حتى بكلمات بوسخه مو بس جارحه ..ورح اكتب لك علاجي له اخاف اخرج وانسى موضوعك ...


انتي زوجك زيي نطلع كثيير

في البدايه كنت اعاتبه ومرات ابكي مافي فايده ...

اول شي قبل مانطلع اقوله شوف حجابي كيف وانا رح أنتبه لنفسي مابلتفت يمين شمال زي دائماً ع نيتي وانت تحسب اني زيك التفت في الرجال يقولون الواحد يشوف الناس بعين طبعه ولاني ماابغى أخرب نفسيتي الحلوه رح أنتبه لحركاتي

وبالفعل مااتلفت يمين ولا شمال اكون مركزه ع الجوال او خشته او ع الطاوله ...كم مره اسويها ومشي الحال ومره مدحني ههههه

شوي شوي التفت واقوول يوووه نسيت كميرة زد رصيدك تشك فيني وتصور

( انتي قولي ساهر بما انك حديثه عهد بالزواج ) انا ع ايام بدايه 😁

وطبعاً يقول والله مادري من كميرة زد رصيدك انا ولا انتي ...( تطنيشششش)

اوقات لما مالي نفس اروح اخرب عليه الطلعه قالي كلمه ع طول جري ع السياره وابكي وابكي بصوت عالي ودني البيت انت مريض انت فيك وفيك تحس الناس زيييك يامسكين والله بتخسرني لو باقي شكيت فيني ) اهم شي الصوت عالي ولاتسمحي له يتنفس

واحياناً اركز عليه نذاله شفته التفت ع طول التفت ع المكان الي التفت فيه يقول اشبك اقول بشوف في بنت تطالع فيها لانه شكك فيه مو طبيعي واضح جداً انك تخاف ربي يعاقبك فيني وانا بنت ناس متربيه والدين بيجي في بناتك مو فيني ؟؟؟؟؟؟؟

المهم جننته خليته يشك في نفسه ...
وهذا يبغاله شطاره وتخطيط منك ...

مرت السنوات الاولى ع خير يمكن ثلاث سنوات او اربع والله نسيت

ودحين أأشر له ع الشباب شوف وشوف ههههه لانه عارف نيتي وفهمني صح وبرضه فرضت شخصيتي عليه ....

وع فكره العلاقه الخاصه مالها دخل في موضوع الغيره ....ابحثي عن اشياء تسعدكم في العلاقه بتلاقي...

موفقه ...

والله احاول افكر برضه ايش كنت اسوي فيه بس ناسيه هذا الي متذكرته...

حتى مره عباتي لانفتحت من عند رقبتي يقرب يقول غطي رقبتك لاقرصها اقول والله لاتضارب معاك هنا وزي ماتقرصني اقرصك ...

ومجرد مارجعنا حلفت بالله انه مايدخل البيت ورميت له عبايتي قلت روح ودها للخياط يسوي لها رقبه😂 قال بعدين ويعطيني اياها واصرخ ماااافي والله دحين وارميها في وجهه واقفل علي احد الغرف غير غرفة النوم غرفه ماله اي شي فيها عشان لايقول افتحي ابغى اخذ كذا وكذا😁