زوجي من النوع الي يحب المزح واحيانا يكون مزحه ثقيل
في الملكة عطاني هدية مغلفه بشكل حلوه مره جالي فضول ان اعرف ايش فيها قال لي لاتفتحينها
الحين انتظري الى ان تكوني لحالك لأنها شي خاص
بعد ماطلع رحت غرفتي وانا وجهي مثل هذا
وفتحتها
ويطلع لي من العلبة صرصور كبير طلع من العلبة وقام يطير في الغرفة
كنا في نص الليل وانا اصارخ صوتي وصل الى اخر الشارع واهلي جلسوا من النوم مفزوعين
وابوي يقول خير شنو صار شفيك
لامافيه بس صرصور في الغرفة
موقف ثاني
في اول ايام زواجنا اتصل على زوجي وقال انه راح يتأخر
وانا اتابع التلفزيون اسمع صوت احد يحرك الباب وانا
واطل من مادري ايش تسمونها المهم احنا نسميها العين السحرية
اشوف واحد متلطم بشماغه ويلتفت يمين وشمال مثل الحرامية اتصلت على زوجي وجواله مقفل قلت منو مايرد
قلت مافيه الا ان اقول زوجي بيجي الحين يمكن ينحاش ويهج يقول لي اي عارف ان طالع مهوب في البيت
ويحرك الباب بقوة وانا بس شوي تجي لي سكته قلبية من الخوف حسيت ان عقلي وقف مهوب عارفة افكر في شي
او كيف اتصرف بعدها بكل بساطه يفتح الباب ويشيل الشماغ عن وجهه ويقول لي عسى بس ماخفتي