أخوي إذا انتو متغربين يمكن يكون سبب

انا جربت الغربة قبل كدا والله هم وعمل وشغل ما ينتهي

بس احتمال عصبية زوجتك مؤخراً ......... هي من السهر مع ولدها

او ممكن تكون تاكل حبوب منع الحمل لانها تلعب بالنفسية والمزاج

وكمان بعض الانواع سمعت انها تسبب خمول وتبلد

فلو تغير نوع الحبوب لو كانت تاكل

او خليك حازم

بس بالمرة لا تهددها بشي انت ماراح تسويه الطفل وهو الطفل لو تهدده بحاجة ماراح تسويها ماراح يكون لك هيبة

يعني تهددها انك تخبر امها كنها طفلة ماراح تصدقك

او تهددها بالزواج وانتو بغربة وهي عارفة وضعك المادي ماراح تلقي لك بال لان عندك هموم تانيه

يعني ممكن تزعل عليها او تهجرها او ماتاكل معها وتكون حازم مو ترضى لما تراضيك على طول

قلها الوضع هذا مايمشي عندي

انتي حبيبتي وعزيزة وغالية بس في امور اعتبرها أولويات في حياتي

لابد اني زي ما اراعيكي واحبك انك انتي كمان تقدريني وتسوي حاجات تفرحني

وحتى لو تتهرب من النقاش وتغير الكلام

انت اثبت على موقفك وخليييييييك حااااااااااازم وكمل النقاش أو قفل كل النقاشات الثانية واختر الوقت المناسب

مو في الفسحة اللي هي بالحسرة تطلعها معاك تقوم تنكد عالمخلوقة !



وعاملها زي طفلتك لو شفت فيه تحسن امدحها واشكرها المرأة يأثر فيها الكلام

وكمان ممكن تكافئها انكو تسافروا تتمشوا

راح اقول لك على شغلة زوجتك حياتها هي هي من اول زواجكم

لا خرجات ولا سفرات ومتحملة الحالة المادية اللي انتو فيها

وطول الوقت نفس العمل ونفس الترتيب هذا يخلي الفتور يتسرب فيها

وكمان ما تحس انو في تغيير وتجديد وما أخذت نفس يا حرام

من بداية الزواج نفس العمل ولا فيه اي فسحة زي العالم

كمان الزوجة ليها طاقة والا مايجي وقت تنتهي الطاقة وتحتاج شحن

وفي حالتها لازم شحن بالخرجات الحلوة والسفريات


حاول تجمع فلوس من هنا ومن هنا واختار لكم مكان رخيص وفي نفس الوقت حلو

عندك ماليزيا وعندك بعض الدول العربية


لا تحاول تقنعنا ان زوجتك لازم تعمل عمل وانت مقصر من نواحي وتحسها مالها دخل

لا والله ليها الأمور في الحياة الزوجية متشربكة ببعضها عند الزوجة بعكس الزوج اللي يقدر يفصل بين الامور



ربي يحفظكم

هي مدام حاسه بتقصيرها معاك

أكيييييييييد حاطه في بالها انك خلاص

بسبب تقصيرها انت ماعاد تحبها وهالشعور سبب

لها اكتأب وزعل من نفسها وعدم اهتمام

وعشان كذا زعلت يوم طلبت منها تروح ترتاح عند اهلها

لان طلبك هذا اثبت لها احساسها

ياخــــــوي مدام ضروفك الان ما تسمح للسفره

خلاص بسيطه فاجئها بليله رومنسيه بفندق خذلها غرفه

او جناح واطلب من مدير الفندق ان يزبطها لكم بالشموع والورود والعلوم الزينه

واجز ترته واكتب عليها اسمها واحبك

مع هديه بسيطه وحلوه

صدقني البنـــــــــــات يموتوووووون على الحركات

هذي وبكذا تتاكد من حبك لها ونفسيتها تصير عال العال

وحياتكم بتجدد والامور تزين والله حاسه فيها


جـــــ وادعـــــــيلي ــــــــــــرب

مراح تندم هذا هو الحل الفعال صدقني

لازم تقدر ان الطفل لة متاعبة ولازم تعذرها بس هى لازم تحاول تنضف بيتها على قد ماتقدر بس بكل هدوء ولو مقدرتش يمكن فعلا مفيش وقت عندها بس لازم تقدر ظروفك لانها عارفة وضعك المادى والزوجة تمشى مع زوجها بكل ظروفة ماتزعل بس لازم تحس بمتاعب تربية الطفل وربنا يوفقكم

فيه مقطع في اليوتيوب يأكد كلامي

انسخ هذا العنوان في اليوتيوب

مارك جونجر ( قصة عقلان ) عقل المرأة VS عقل الرجل

وراح تتأكد ان المرأة الأمور في راسها مترابطة كثييييييير

والرجال قادر يفصل

هي لما ما تشتغل وتقول لك انو انتا ما تفسحها على فكرة ماكذبت

لأنها تحتاج تجديد وطاقة عشان يتجدد العطاء

وشي خارج عن اراداتها انها تكون لك زي ماتبغى في كل حاجة

بينما انت ما تلبي لها كل طلباتها

الله يفرج همك ..
أخوي أبدأ مع زوجتك صفحة جديدة ، وحاول تخليها تحبك أكثر وأكثر .. لأنها إذا صارت تحبك أكثر راح تنفذ كل اللي تبغاه .
أنا والله مدري كيف حالتك مع زوجتك .. لأن بعطيك نصايح يكون تكون قد سويتها ..
المهم :
أجلس معها وصارحها وقول لها أنا أحبك يافلانه وأنتي إنسانه صالحة وطيبه وخلوقه وحلوة << عدد كل صفاتها الحلوة وزيد عليها وأكذب ترى الكذاب مباح في هذي الحالة .. بعدين قولها ياقلبي أنا أدري أنك تتعبي على شاني بس يرضيك حالنا كذا << ومن ذا الكلام .
حاول تنظم وقتها مثل ماقالوا الأعضاء .
طبق الأفكار اللي قالوها الأعضاء خصوصا ً فكرة السفر كم يوم ، وإذا مانفع معها هذا الأسلوب .. أهجرها ولا تكلمها إلا رسمي وللضرورة ولا تضحك معها ولاتمزح .. وأهجرها حتى في العلاقة الخاصة .. إلين تعرف قيمتك .. حتى لو أستمريت فترة طويلة ، وعلى قولهم الواحد مايعرف قيمة الشئ إلا لما يفقده .

+

أكثر من الإستغفار أخوي ..


من ثمار الإستغفار :

1- إنشراح الصدر و الراحة النفسية وطمأنينة القلب .
لإنه من ذكر الله قال تعالى (الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ) .

2- به تحل جميع المشاكل وتذهب الهموم والغموم .
قال رسول الله صلى الله عليه وسلم ( من لزم الإستغفار جعل الله له من كل فرجا ً ومن كل ضيق مخرجا ً ورزقه من حيث لا يحتسب ) .

3- يأتي معه الرزق ( المال و الولد ) .
قال تعالى : ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) .

الله يفرج همك ويصلح لك زوجتك ويجعلها إن شاء تسرك إن نظرت وتطيعك إذا أمرت ويجعلها تعينك على الطاعة .. ويجعلها قرة عين لك ، ويصلحك معها ويصلحني وجميع المسلمين .. آمين .

__________________

اريد ان اسال سؤال
اين الحنان يا رجال اذا حدث تقصير من الزوجة
لم يكن موجود سابقا فالاكيد له سبب و ليس التهاوش هو الحل
و اذا غضبت اين كلام الحنان و النصح الرقيق الذى لا تستطيع امامه المكابرة و الجدال
اذا اشعرتها بحبك و تفهمك و مساعدتك لتستقيم الحياه اعتقد ستحل كل المشاكل
المرأة مفتاحها اذنيها فاذا ملأت اذنيها بكلام حنون و عتاب لطيف فستملك مفاتيح عقلها و قلبها
اما اذا اسمعتها ما لا ترضى فستخسر كل مفاتيحها و تنغلق كل الابواب بينكم

اللــــــــــــــه لناااااااااااااااا .....والله أنا لاسفريات ولا شموع ولا خرابيط الله يخليني لزوجي الحمد لله


أنظف بيتي واكنس واغسل واعتني بطفلي ...لا وبعد هذا زوجي يطلبني بالتجديد في حياتي يبغاني


شبيك لبيك ... ومع ذلك لما شوفت شكوتك من ثاني صفحه قمت أوسوس وأنظف البيت وأقول في


نفسي ليكووووووووون زوجي يشتكي علي في المنتدى وأنا راقده

الله يعطيكم الصحه والعافيه ومشكوري ع المرور
اختي علا العاصي أنت فاهمه غلط أحنا لنا زمات واحنا بهالحاله واحاول كل يوم بالكلمه الزينه بس؟؟؟؟؟؟
انا لي شهر مسوي رسمي معاها صح اكلمها بس ما أتفاعل معاها زي أول وهي حاسه !!!!
حتى العلاقه من وقت وانا ماجيتها ومشتاقلها موت بس مابي اوضحلها ؟ هي متغيره حتى من هالناحيه .
مدري وش أسوي لازم أنا ألي أقولها أبيك ليه ماتراضيني باي طريقه ؟؟ والله قلب الرجال قريب بس من يفهم..
ع قولت اختي مرور كرام هي عارفه اش مسوؤليتها بالبيت وهي ماطلعت ولاشي ليه ماتحط حجج عشان ماتشتغل ,وبس حلوه كلمتك ومع ذلك لما شوفت شكوتك من ثاني صفحه قمت أوسوس وأنظف البيت وأقول في


نفسي ليكووووووووون زوجي يشتكي علي في المنتدى وأنا راقده بصراحه و انا خايف انها تعرف اني شكوووووتها ههههههههههههههههه
احسها اليومين باديه تعتني بالبيت ويارب تكمل ,, قبل ساعه قلت لها حبيبتي المطبخ لا تنسينه زعلت
وتقول أكيد بروح بدون تقولي وانا عارف بتنساه مثل كل مره ,,,
الله يسخرها لي وتخف عصبيته الزايده .................................................. .........................

اقتباس:

هي متغيره حتى من هالناحيه

الرضاعة الطبيعية و الارهاق والسهر تقلل من الرغبة الجنسية

وبعض حبوب منع الحمل كما قرأت تسبب برود جنسي

اقتباس:

قبل ساعه قلت لها حبيبتي المطبخ لا تنسينه زعلت وتقول أكيد بروح بدون تقولي

يبدو أن اسلوبك أزعجها

وكأنني أتحدث مع ابنتي الصغيرة التي هي في سن توجيه وتعليم ابنتي الحبيبة لا تنسين تشلين ألعابك المتناثرة

بعض الأحيان كثرة الزن أو استخدام أسلوب الأمر يسبب ردة فعل عكسية

وإذا كان الواحد وده بشيء بيسويه ويجي الثاني ينبه عليه بيحس بشوي قهر

شكلها كان ودها تنظف المطبخ وبتنبيهك لها طفت وحست ماودها تسوي

انت لا تأمرها تنظف ولا تروح بنفسك تسوي لأنك جربت وما فاد

قولها تعالى يا بنت الحلال أبيك تساعديني انت تحط الصابون على الصحون وهي تغسلها بالماء مثلا

ربما يتحسن حالها

وانت جزاك الله خير حاول تقلل من تصيد الأخطاء واغمرها بالحب مو بالنقد

موفقين