08-09-2008, 06:02 AM
08-09-2008, 09:52 AM
|
المشاركة الأصلية كتبت بواسطة جنّة الدنيا
البنت فاقدة جدتها وجو بيت خوالها وإنك تجبرها تجلس عند أهلك أو إن أمها تهاوشها على بكائها إذا راحت أمها لدورة المياه من أكبر الأخطاء، وأنتم كذا تضرون البنت ماتنفعونها ..
حببوها في البيت بالألعاب والتراكيب والألوان والقصص، وتعلقها في أمها شي طبيعي لأنها في مجتمع جديد عليها .. اصبروا عليها شوي .. وأستغرب من أسلوب تعاملك معها مع إنها ياحياتي عليها ماعرفتك إلا من 3 شهور !! بعذرها يوم إنها تتعلق بأمها .. |
08-09-2008, 09:55 AM
|
المشاركة الأصلية كتبت بواسطة ندى_1406
والله أن بنتكم كسرت خاطري أعتقد أن البنت خوفها أنها تفقد أمها مثل مافهمت أن بنتك كانت عند أم زوجك ومتعلقه فيها لذلك أصبحت متعلقة بأمها بزيادة حتى ماتفقدها مره ثانيه خصوصا أنها ماعرفت أبوها ألا من فترة بسيطة حاولو تحسسوها بالأمان وأنكم مارح تتركوها بكرة تكبر وتفهم وأنت والدها حاول تكسبها وتجلس معها تلاعبها وتقرء لها قصص وتطلع أنت وياها يعني عوضها عن غيابك لأنه فاتتك سنواتها الأولى والي فاتك من حياتها موشي سهل أوبسيط وفقكم الله لما يحبه ويرضاه وأعانكم على تربيتها
|
08-09-2008, 10:11 AM
|
المشاركة الأصلية كتبت بواسطة أطيـــــــاف
يا أخي هذي بنتكم الوحيدة
لا تقسون عليها بل حاولوا تربيتها بلين في حزم من غير شدة دلعوها بس بشرط الصح صح و الغلط غلط أنا أمي و أبوي ربوني في صغري بطريقة متوازنة (جزاهما الله عني خير الجزاء) فكان في دلع بس بحدود و كان فيه حزم و جد بس بحدود المعقول و هذي بنتكم الكبيرة و أول فرحتكم بالعيال من هالدنيا يعني طبيعي إن تدلعت شويتين بس المهم توجهونها للصح و تنهونها عن الغلط و بالنسبة لتعلقها بأمها فكثير من الأطفال يجيهم فترة يتعلقون بأمهاتهم و بشكل يملل أحياناً بس الحل موفقط أنكم تتركونها في بكائها و خلاص لا .... لازم تفهمونها بطريقة بسيطة تناسب عمرها يعني إذا أمها بدورة المياه (أكرمكم الله ) خلك جنبها في بداية الموضوع و احملها و فهمها ---->> خلاص حبيبتي ليه تبكين ماما شوي و تطلع بنفس الوقت ارفعها لفوق روح انتا و اياها للثلاجة و عطها شوكولاه و بعد ما تطلع أمها قولها : شفتي ماما طلعت و انتي ممتازة و قاعدة عندي يعني مو الحل تخليها تصرخ و بس استفد من مبدأ الثواب و العقاب يعني المرة الثانية قول لها خلاص حبيبتي إذا سكتي بعطيك حلاوه مثل المرة اللي راحت و اذا ما سكتي ما فيه :: اشترلها ألعاب حركية و شاركها لعبها أوقات أطول حتى تستطيع تبتعد عن أمها شوي يعني مثلا دراجة و أنت تدفعها و تركبها أو أرجوحة و أنت تهزها يعني حاول تبني معها علاقة ودية و بإذن الله بتترك التعلق الزايد في أمها و يصبح هناك توازن عندها في ارتباطها بأمها من جهه و بارتباطها بك من جهه أخرى :: و بعدين إذا كان في حد يصرخ عليها ببيت أهلك طبيعي إن رفضت تقعد عندهم حنا عيال عماتي و عماني يتمنون القعدة عندنا لأن حنا ما نهاوش بزيادة و بنفس الوقت ما نخلي لهم الحبل مفلوت بالمرة يعني نكافئهم و نعطيهم حلويات و نلاعبهم و نشجعهم بس إذا أخطوا نوجههم على قد خطأهم إذا كانت قعدة بنتك بهالوضع بتكرهها في اهلك بلاها هالقعدة خذوها لهم معكم و رجعوها معكم :: و إذا كنتو تبون تاخذون راحتكم ببيتكم حاولوا تنظمون نومها و تحطون بغرفتها ألعاب مشوقة :: و أنصحك بالاطلاع على مواضيع عن تربية الطفل و خاصة الطفل الأول و شراء كتب عن الموضوع بس احرص ان الإطلاع يكون منك و من أمها بنفس الوقت عشان تصيرون يد وحدة و على طريقة وحدة و هذا أمر مهم في التربية أن الأم و الأب يكونون متفقين على نفس المبدأ :: وفقكم الله ، و أعتذر عن الإطالة |
08-09-2008, 10:18 AM
|
المشاركة الأصلية كتبت بواسطة دلوعة ومنحوسة
اخوي بارك الله فيك انت انسان راقي
ردي بيكون عكس الكثير جدا.. حازم وغيره.. هذا مو وقتها.. زوجتك مريض.. والحمدلله على سلامتها ورجوعها لك.. بنتك الان الدلع هذا لانها تعتبر فارق اهلها اللي ربوها.. لازم تروح لطبيب واستشاري نفسي.. تعرض حالة بنتك.. بنتك الحين تعاني من فقدان اهلها.. انت وزوجتك ما تعتبرون اهلها.. لانها ربت مع جدتها.. لاتحاول تسوي حواجز كبيرة.. زوجتك مسكينة.. المرض ماخلاها تتهنى باول واخر طفلة تنجيبها.. والله يكتب لها الشفاء .. وتنجب عيال.. زوجتك تعاني .. هذي الطفلة هي قلبها.. وروحها مالها غير هذي البنت بالدنيا.. لو لاقدر الله يصير فيها مكروه.. تجن زوجتك.. انت رجال ممكن تتزوج وتجيب عيال بس هي لا.. اخوي انصحك من كل قلبي.. تروح دكتور وتشرح وضع اسرتك. روح لانسان مختص.. مع احترامي للاعضاء.. لكن لقيت كثير منهم نصائحهم تودي لداهية.. يتكلمون عن مستقبل وصرامة.. في وقت انت وهم يحتاجون لتنسيق وتفاهم.. ومراعاة نفسيات.. كأنك تقولهم زوجتي تعذب.. ويقولون لك زيدها عذاب.. واخوي الله يرضى عليك.. حط نفسك مكان بنتك.. كنت بين اهلك.. ودخلوك بين جريم سويتها سجن.. هذا السجن فيه شرطي بلدك.. هو ارحمهم.. وكل يوم كل جدول عذيب عند الشرطي والفلاني والعلاني.. كذا يضربك.. وهذا يهينك.. كلهم مو حاسين فيك.. بس يضربون وبس كل واحد يبيك تحترمه.. والشرطي اللي من بلدك هو اقلهم عذيب لك.. واذا كان موجود.. ما احد يعذبك بقوه.. واذا راح شفت انواع التعذيب والخوف.. ايش يكون شعورك وانت رجال الحين.. لما يطلع الشرطي اللي من بلدك.. ودخل شرطي ثاني.. ما احد فاهمك.. ولا انت فاهم ايش ذنبك تتعذيب.. هذا وضع بنتك.. ارحمها هي طفلة.. عاجزة ظلم تضربونها.. |
08-09-2008, 10:22 AM
|
المشاركة الأصلية كتبت بواسطة عابرةالسبيل
اخي انا اشوف ان المشكله الاساسيه :
اسلوب اعمامها الهواش والصراخ>>>اطلب منهم مايهاوشونها أو اقلها لا يرفعون صوتهم مره وانت اذا دافعت عنها ولو احد هاوشها منهم كلمته قدام بنتك بتحس انك مصدر امان من شيء يخوفها وانك بدافع عنها وبكذا حتتعلق فيك تدريجين جيب هدايا بسيطه واعطيها عمانها واطلب منهم هم يقدمونها لبنتك على انها منهم كذا بتكسر حاجز بينهم. اما النقطه الثانيه بكائها لما امها تدخل دورة المياه اتوقع لان البنت بعدت فجأه عن جدتها وتخاف ان امها تروح عنها بعد وهي ماتعرف منكم الا امها جيب لها كرتون حلاو تحبه و قولها كل ما امك ادخلت الحمام وما بكيتي بتعطيكي منه واذا ما فاد لازم البنت تحس بالامان وماحد يهاوشها اذا كانت امها بدورة المياه حاولوا يكون شخص ترتاحله يوقف عندها على ما امها تخلص. واضرب لها مثل بأقرانها قولها شوفي فلانه ماتبكي لدخلت امها الحمام امات بنسبه لخوفها وعدم اندماجها مع الاطفال سجلها روضه ومها في البدايه تروح معها وبعدها بتتعود وهذا افضل لبنتك دامها وحيدتكم عشان ماتنطوي وتخاف من الناس |
08-09-2008, 10:24 AM
| مواقع النشر |
| الكلمات الدليلية |
| ابنتي, اغار |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
