انا آخذ 1000ريال واسدد جوالي كمان واوفر منها حتى المناسبات اشتري الهدايا منها اذا كانت تخص اهلي اما اهله هو يشتري فاظنها كفاية اذاكانت لطلباتها الشخصية

أقول لك من شارك في هذا الموضوع و ساهم بإدلاء رأيه من إخوان و أخوات مشكورييييييييييييييين والله يبيض وجوهكم يوم تبيض وجوه و تسود وجوه و يرزقكم السعادة بالدنيا و الآخرة و بحياتكم الزوجية
و ما قصرتو والله يعطيكم على قد نيتكم

و الله تخرعين تراك أنا ماشفت ردك إلى توني عقب ما خلصت من كتابة الرد السابق

الموضوع إني كنت أتناقش معها بهذا الشأن فاللي أنتهينا منه هو أنها قالت خذ لك ألف ريال من الراتب من غير تسديد الأقساط و عطني الباقي و راح يكون عليها كل شي ؟؟؟

الفكرة حلوة بس مابي أتوهق على الفاضي ثم عاد أتوسدها عدل

معليش يمكن اخرع لأن سالفتك مثل اخوي
العسل راح يعطي زوجته 1000

بس يا حزرك هو كم راتبه ؟






2500


فقط


لما قلنا له الف كثير يا رجل عليها وهي مو مسؤوله حتى عن فاتورتها
قال كيفي!

صرنا متدخلين يعني في حياته

قلنا طيب فخار يكسر بعضه ماعلينا


تفاجأنا فيها هي ( الأصيله جدا )
تشتكي منه ماديا

تقول الف ما تكفي
وهو يضيع باقي الفلوس ... طيب وانتي كيف تصرفين الالف ؟
شي تمشيه شي لبس شي مكياج وعطر ولازم شويه لأهلها
طيب انتي شايفه راتب زوجك بسيط
قالت مو مشكلتي!!!!!!!
قولوا له يعطيني الراتب وانا اعطيه مصروفه!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!
( عشان كذا انا ولعت ... مدري وشفيكم يالرجال عادي عندكم هالكلمه؟ ) ( انا لو زوجها والحمد لله اني مو زوجها.. كنت حرمتها تماما من المصروف ولا عاد في سوق الا بالعيد .. وميتين ريال ماغيرها عشان ثاني مره تتعلم وتحترم نفسها)


طبعا كانت مدرسه واستقالت لما تزوجت ... من باب علي وعلى اعدائي علشان لا تساهم في شي!!!! مع ان ما احد طلب منها ريال


يعني جهزت الدوا قبل الفلعه !!!وهي اللي خسرت بحسدها ياربي لك الحمد محد خسر الا هي


طلعنا عن الموضوع


الحين زوجتك مو عارفه تدير الف ريال تقوم تعطيها مدري كم ؟ وتقول انا الربحان ؟

الله يصلحك

انت يبغالك فورمات على قولة وحده من الاعضاء في موضوع اخر --- يا حلاة الشرح .. لا.. اعرف افهم زين


عموما ... بدك الحكي المزبوط ... خل راتبك بجيبك
واذا تحب تمارس معها سالفة شد الحزام وان اذا خلصتي راتبك مالك غيره وتتمشون في البر او البحر بدون مجمعات...فهذي كلها ادويه ممتازه لكم


واذا رح تظل تتأثر بالبكا والدموع وكل الفلانيات قالو وسووا وهي وراهم وما تكون حازم معها ( و4000 في العيد )... عز الله ما بترتاح ابد


اخيرا ... انت المتضرر وانت اللي بيدك الحل

كان الله في عونك

__________________
[/IMG]

انا لما قريت انك تعطي زوجتك 1000 ريال بديت احقد على زوجي
خخخخخخخخخ
الحمدلله انا راتب زوجي اللهم لاحسد14 الف ومايبقى لنا منها بعد تسديد الاقساط وماشلة
البيت والفواتير الا 2000 ريال
مصروفي مايتعدى ال500 ريال.....
يكسر خاطري من هالمصاريف الي عليه مرات والله استحي منه اخذ هالمصروف
لكن شسوي انا ماعندي شغل ولا اقدر اطلع لنفسي مصروف
الحمدلله على كل حال
عندي اقعد بالبيت طول الشهر ومااطلع الا مره
ولا اشوف زوجي مديون او داق باب احد يسلفه

وربي لو نفللللللللللللللللللللس حدنا اظل ساكته وابتسم له بوجهه واقول له
حبيبي ماتضيق الا تفرج واصبر فيه
وانا قلبي محروق من داخلي
الحمدلله كنت عند اهلي مدلله وطلباتي مجابه ابوي كان يعطيني مصروف2000 ريال
والحين اخذ من زوجي بس 500 مااقول ان الماده ماتهمني لكن
فعلا عندي امل ان رب العالمين بيفرجها علينا
ويارب يرزقنا ويرزقكم من فضله ياااااااااااارب قول امين
بصراحه اخوي اسمح لي لو وصل راتبك مليون وانتو على هالحاله عن جد ماراح يجي اخر الشهر
الا وحسابك مصفررررررررررر

__________________
رب ارحمهما كما ربياني صغيرا

1000 مو قليله ولا كثيره يعني تكفي لو حسبناها انها لما تطلع لوحدها راح تصرف منه
واحتياجاته من عطور ومكياج وملابس منه ولو مشتركه في جميعه والا شي توفر منه
ولو مر عيد والا مناسبه يمكن منه ولو تبي تتصدق او تشارك في اعمال خيريه منه ولو احد من اخوانها والا صديقاتها تبي تتسلف منه ولو عندها احد تبي تهديه منه ولو تبي تروح الصالون منه ببس كيفها ذا مصروفها بس انت قلت وزياده يعني هي تقدر من الـ 1000
تسوي كل الي عددتهم ولو وفرت منه كل شهر بتقدر تجمع ويصير عندها مبلغ بس الزياده لييييش !؟؟!!
برأيي لك هالـ 1000 عجبك والا محرومه منه ويكون احسن بعد كسبت الف زياده عن كل شهر

زوووووووووووووج توتي

انامتزوج من سنتين واذااستلمت الراتب اعطيها 1000

والباقي اعطيها علشان تحتفظ بيه علشان انا ماتحمل اي حاجه ابغاها اخذها بدووووووون اي تردد مهما كان سعرها وهذه مشكله بحدذاتها واحنا مبسوطين بالنظام هذا

الف وتبي تزودها.

ياعيب الشووم والله...

لا ترخي لها الحبل وتفشح عليك، انتبه لعمرك الله يهديك.

وقت الضروره اعطيها عيوني موب الف ولا الفين ، اما كل شهر اعطيها الف وتبي زود، والله لو اني اسحب من البحر ، و والله لو اني اسحب من البحر ما اخليها تلعب وتخربط با الدراهم على راحتها،وبعدين انت وش دورك با البيت اذا شفت شيء خطأ جالس يصير ببيتك، وجه وانصح وعدل،واذا مافاد اتخذ قراراتك ولا تلتفت لأحد.

ترى الي جالس يصير لك خطأ، ولايحتمل، مرتي على عيني وعلى راسي، ولكن وقت الخطأ مااعرف الا الحق، والحق يمشي علي وعليها وعلى كل شيء بحياتي، مانيب مستعد اخرب مرتي با البدايه وثمن اكل هوا لمن يتطبعون بطبايع ست الحسن امهم.

انا ما اقولك صير بخيل، البخل مذموم شرعاً، والله سبحانه وتعالى كريم ، ولكن الفرق بين الكرم والاستغفال والاستغلال والدلاخه(اسمح لي) شعره، لابد انك تعرفها وتخلي ها الشعره واضحه وضوح الشمس لها وتعرف وش تصرف فيه وتعبي طول الشهر وش رايح فيه.

اياني واياك تصير بخيل،،،، انتبه ترى تخرب حياتك والله.

الحل وانا اخوك،،،،

حدد لها مبلغ شهري معين يناسبك ويناسبها ، ويناسب مصروفك الشهري قبلكم كلكم، وتسوي فيه الي تبي ، تتسوق تشتري تحرقه تسوي فيه الي تبي، موب عيب لو تزودها كم قرش في وقت المناسبات كمشاركه لا اكثر ولا اقل ، افهمممم كمشاركه فقط ، موب تكد على خرابيط مالها سنع.

استغفر الله يارب، تستفزني ها المواضيع.

الله يوفقنا ويوفقك.

__________________
ديمـا الله يصلحها ويهديها كبرت، وبدت تحبي، وتحاول تمشي بسم الله عليها.
هبلت بي وطلعت الشيب في راسي، الله يعيننا على امانه تربيتها، ويعينها علي. اللهم اصلح لي النيه والذريه.

يعني هو الزوج لا يستطيع أن يقول كلمة لا؟؟؟ هل هي صعبة لهذه الدرجة؟ أنت عودتها تأخذ ما تريد و تحمل العواقب . أخي أعطها الألف ريال و لا تزيد و خليك متمسك برأيك. ما دمت غير مقصر خليك وسط و لا تلن كثيرا. ثم عليك أن تتدخر بعض المال لنوائب الدهر أخي. لو كانت زوجتك واعية و مسؤولة لقالت لك إدخر بعض المال. لا يوجد شئ أصعب من أن يأتي آخر الشهر و الرصيد صفر, لا قدر الله في حالة مرض ماذا ستفعل و من أين ستأتي بالمال.

__________________
الحمد لله