__________________

هذا انسان طائش ومتسرع ومن كلامك بالموضوع الثاني
واضح انه ما يراعي ولا يقدرك

بس الرجُل اذا عجز عن العملية الخاصه يصبح عصبي

واهو استخدم العنف اللفظي معك ولم يهتم بك

وصعب الحكم عليه لانك ذكرتي لنا سلبياته فقط

اذا تبين اتردين له سوي ( خطه ) وحددي اهدافج وضبطي عمرج للرجوع

أشكرك على الرد أخي أبو مريم..
فعلا أكثر مايخيفني أنه هذي تصرفاته في بداية الزواج كيف بعد سنوات؟
كان يقول أن السبب العلاقة الخاصة وأنا متخوفة جدا من أن هذه شخصيته ومع كل مشكلة سيتعبني بتصرفاته بهذه الطريقة.

بالنسبة للمحاولة عندي عدة اشكالات:

١)أنا غير متأكدة هل تغير أو لا. أخاف أرجع والقاه زي ماهو وان جت مني قال تعرفين إني كذا ورجعتِ!

٢)كيف أحاول مع أخته ولا تواصل لي معها؟
لاعلاقة لي بأهله حاليا وهم مقتنعين أني تركته لأني كرهته وأن أسبابي تافهه لأنهم مايعرفون أصلا كل الأسباب. هو ثالث يوم زواج قال أنت مالك فيني رغبة؟وقلب عيشتي بعدها نكد بنكد وصعب علي التواصل معه بهدوء ولطف ثم اقنع نفسه أن ردات أفعالي يعني اني مالي رغبة فيه وأقنع أهله لدرجة أمه بعد شهر العسل تواصلت مع امي تقول شكلها مالها فيه خاطر وقلنا لهم السبب اسلوبه.
لكن بعدها أشعر أن هذا الهاجس استمر معه ، وأنا في نص العاصفة ماكنت افهم تصرفاته ليه هوجاء كذا؟
لكن اليوم لما اتذكرها استشف منها انه ماعنده ثقه بحب الناس له لذلك يبالغ بردات فعله..يفهم الخلافات بالطريقة هذي:يعني ماتحبوني؟بعد أنا ماهتميت! فيشطح بردات افعاله لدرجة غير مقبوله عشان يثبت لهم انه هو ماهتم لهم -يتوهم انه انتصر لكرامته-ثم الطرف الثاني يتفاجئ بردة فعله القاسية فيسحب نفسه شوي..بعد مايتراجع الطرف الثاني يتعمق عنده هو فكرة انه فعلا مايحبه لأنه لو يحبني ماتراجع!..ويعيش بالدائرة هذي ويعيشني معه بالحوسة.

٣) كيف ادفعه بطريقة غير مباشرة

وأخيرا أنا مازلت محتارة هل قرار قلبي صح أو خطأ

__________________
من كثر علمه قل إنكاره

أتفهم أن العلاقة الخاصة مهمة للرجل لكن في حالته في عدة أشياء لازم أذكرها:
١)جرب مرة وحدة وانجن بعدها يعني ماصبر شي لو صبر كان تفهمته.
٢)أسلوبه غلط ماوفر لي الجو المناسب.
٣)حسب رأي الطبيبات اللي زرتهم هو السبب - ماعنده مشاكل صحية لكن اسلوبه وطريقته- ومشكلته مايعترف ولا يبي يقتنع وحطها براسي وطلع منها.

الشي الثاني:
وش "الخطة" اللي ممكن أسويها ، مالي تواصل مع أحد حوله ، وهو صعب أتواصل معه.

إيجابياته:
-كريم
-طيب:إذا تطاقينا ممكن أضحك بوجهه واتقرب منه ويتسامح بسرعة، لكن طيبته لها وجه سيء ، يصدق بسهولة أي شي ينقال له ..مثلا واحد قاله شكلك كأنك ايطالي صدق . أصدقائه أحس لاعبين عليه بعنترياتهم ونصباتهم وهو كل شي يصدقه ويبلشني. هو مو غبي ووظيفته كويسه وتخصصه صعب لكن على نياته بشكل شين مادري شلون أحس ينلعب عليه.
تصرفاته توحي بالغباء أحيانا مع أنه مو غبي يمكن الوصف الأنسب: مو ذكي اجتماعيا؟
-ماديته جيدة
-شخصية عاطفية و يحب اللمسات الحانية لكن مشكلته أصلا هدني قبل ماقول بسم الله لحد مافقدت عاطفتي وأصبت بحالة تبلد اتجاهه
-أهله رائعين وأنا أشوف الوحدة لتزوجت واحد تزوجت أهله معه..
-يتفاعل مع آرائي حول الاشياء المتعلقة بالبيت او مستقبلنا..

سلبياته:
-مافيه صبر وعجول.
-تصرفاته طائشة و مافيها حكمة.
-اسلوبه شين
-يطلع أسرارنا.
-أحيانا أشعر أنه ماعنده شعور بالمسؤولية اتجاهي.
-فهمه لواجباته قاصر: هو يحس أنه أدى اللي عليه اذا شرى أغراض البيت ووداني وجابني يحس هذا دوره بالحياة.
-ماحس معه بالأمان
-كثير اللوم.
-عنده حركة الدق من تحت لتحت ، ومشكلته يستخدمها قدام أهله أحيانا!
-يهتم برأي الناس بشكل مفرط وينلعب عليه بسهولة.
-ماهو من النوع المتفهم.
-يحب المظاهر و"التبهير" والهياط والظهور بمظهر الفاهم القوي بطريقة مزعجة..
مرة جالسين بطيارة ونتكلم فجأة ناظر للسيب و قال:قالوا لك شي!! أنا أوريهم!!
قلت:لا ماحد قالي شي.
أصلا ماكان حولي أحد عشان يقولي شي أحسها مسرحية صغيرة
-أحسه يقارن نفسه بالناس على الصامت وهالشي سحبه علي.

أتوقع فيه إيجابيات وسلبيات ثانية بس عجزت أعصر مخي.

__________________
من كثر علمه قل إنكاره

ربي يشرح صدرك
لا تتعبين نفسيتك بالتأنيب ولا عقلك بالتفكير
وبأأكد ع كلام الاخوان والاخوات
ركزي ع تطوير نفسك فقط
واتركي المستقبل لعلام الغيوب
وكلي امرك له وثقي به سبحانه
الحياة هذي لو نسعى لليل ونهار ماراح ناخذ الا المقدر
الحمد لله ع نعم كثيره نملكها
وياكثرها من نعم المتزوجات نفسهم فاقدينها

اتمنى اشوف نفسي وكل النساء من فئتي
الامطلقات .. قويات طموحات مثابرات نحو التغيير الصحيح
والنجاح باذن الله ...
لاتجعلي الحياة تقف ع شيء انتهى وولى فغداً يوماً جديد
برزق جديد نسأل الله ان ييكون كله خير.

اختي الحل الوحيد
اهو الدعاء والاستغفار
وكرري قول " لا اله الا الله وحده لا شريك له ، له الملك وله الحمد وهو على كل شي قدير"
اشكي لله
دموعك اذرفيها له سبحانه وتعالى

لا احد يستحق منك الانكسار والرجوع له
إلا ربك الله سبحانه وتعالى

قال تعالى:"يا مريم اقنتي لربك واسجدي واركعي مع الراكعين 43

لاتهتمين وايد بالدنيا تأكدي انه الله معك ويراك ويحبك فإلجأي له