ليـــــــــــــش شايفينه خطاء رهـــــــيب!!


ومكبرين الموضوع,,,


انا أحس أنه شي عادي وطبيعي وأغلب الناس كذا عايشين الشغاله هي اللي تستلم الطبخ ؟؟



خصوصا اذا الزوجه مشغوله يعني مثل حالتي تعبانه من الحمل ودراسه جامعه وفوق كل هذا ما أعرف أطبخ

وبكره اذا ولدت بالسلامه وش بلحق عليه وأنا توني صغيره اللي في عمري لسه ماتزوجوا حتى اللي أكبر مني

ماتزوجوا .. ما فيها شي اذا جبت لي خادمه تساعدي في شغل البيت ....!!

__________________

أختي زوجك الاخت ريم

مع كامل الاحترام لك

شوفي يا اخيتي انا مقبل على العرس ان شاءالله ومتملك هالحين بس شوفي نظرتي صح مش كل الرجال مثلي لكن ابقولك اللي في بالي

اللي هو

انا ابي زوجتي تسوي كل شي وخصوصا الطبخ لاني وقتها ابلحس اصابعها وراء اكلها

وبعدين زوجتي تطبخ لي اخير من شغاله مدري وش تصير وش تحط باهالاكل تسحر ولا تسوي شي وبعدين مهوب صاير في طبخها بركه مثل طبخ زوجتي وحنانها علي ومن هالقبيل


وبعدين .......... تعلمي زين انتي بنت يعني بنات خلق الله احسن منك في ايش لهن عشرين اصبح واربع يدين ولهن مخ وانتي لا!!!

انتي بالاصل ماهتويتي تطبخين وتدخلين المطبخ من دون نفس علشان كذا طبخك يصير مثل نفسيتك تعبانة

علشان كذا قبل كل شي توكلي على الله ثم ادخلي المطبخ وانتي مبسوطه

...........................................

بالنسبه للسوق قبل لاتروحين السوق عطي زوجك وعد حلو من اللي بالي بالك اشياء تفرحه وتبسطه وتشوقه وكلمات حلوه وبوسات هوائيه ومن هالزين اللي يشرح الصدر مهوب تروحين كنك ملحوقه ....

والله يهدي سركم ويوفقكم

وفي الاخير لا للشغالات

أيش اللي ادخل المطبخ وانا نفسي زفت بزفت


اول مرة بحياتي طبخت فشلني زوجي وطيح وجهي وخلاني ما أسوى هلله من الفشله


سكت وقلت يمكن عشانه أول مرة أطبخ


شلت شنطتي ورحت بيت أهلي وعلمتي امي الطبخ من الألف الى الياء والحمدلله عرفت أضبط الطبخ بس طريقت اهلي



بس طلع زوجي بطلعات ثانيه طبخك مو مثل طبخ امي !! وش أسوي أروح لأمه تعلمني ... بصراحه أحسها أهانه

مابعدها اهانه ...


وسكتنا قلنا يتدلع وكملت طبخ والشكوى لله وقام يقول زوجه عمي الفلاني عليها كبســـه رز تاخذ العقل !!

يعني وش السواه مع هالرجال المشكله لما يشبع ويخلص وهو شايفني تعبانه من الطبخ والجامعه هالكه يجي يقول فلانه

وفلانه


بعد انا بشر ولي طاقتي في التحمل كلما صلخت شي فشلني حتى القهوه أخذت طريقت أمه في تصليح القهوة

وشريت نفس القهوه حقتها وانا اشربها نفس الطعم يقولي لا أنتي ما تعرفين تصلحين قهوة مثل حقه أهلي !!!!!








وش أسوي قولوا لي وش أسوي فيه تعبت منه ,, خلاص اذا جت الخدامه برميها اسبوعين عند خالتي تعلمها طبخها

وخلاص تستلم المطبخ ويصير طبخها زي طبخ أمه وأرتاح منه هالهم اللي مشغلني في حياتي .....










مرة أنا صلحت حلا وطلع مضبوط الى أخر درجه كلهم ذاقوه أمي وابوي وخواتي وكلهم يقولون جنان روعه وخلصوا الصينيه



ولما جاء بكره سويت نفس الحلا ونفس الطريقه بس بذوق زوجي منه ولما ذاقه واكل منه وخلص قال لي :


أتذكر أختي كانت تسوي حلا يجنن كان طعمه حلو مانسيت طعمه الى الآن ,, بالله عليكم وش هالرجال يعني من كلامه

انه ما عجبه الحلا اللي سويته له ....



مقتنع بشيء أهله مرة ولا يبي يتغير يقول أنا تزوجت ولازم يصير فيه اختلاف في حياتنا عن حياه بيت اهله....


في الأكل وحتى في لبسي ,يقولي ليش ما تلبسين زي أمي جلابيه او قميص بالبيت !


توقعاتي ان الازاوج يحبون حريمهم يلبسون لبس دلع بالبيت من قصير وبيجامات وشورتات وهالملابس النعووومه


هذا لا يقول ألبسي زي أمي ....؟؟؟؟؟؟؟؟؟؟




وانتوا تقولون لي تعلمي الطبخ بنفس زينه ...

وبالاخير نعم للشغلات اذا كان الزوج عنيد الراس وطويل البال في التهزيء بشوؤن الطبخ ....

__________________

اختي ريم اسعدك الله

ويسر امرك


مادمت مقتنعه برايك

فالحوار سيدور بحلقه مفرغه

اسمحي لي بالاغلاق












يغلق

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..