المعذرة على التأخير.






المعذرة منك أخي لماذا نتزوج .. رجعت لمشاركة سمورة المقتبسة عن ردودك السابقة ولم أجد أنها لم تفهمك .. بل وجهت لك أسئلة لتجيب عليها حسب وجهة نظرك.

لذلك لم أتمكن من كتابة شيء لأنني شعرت أنني سأعيد كلامك ذاته.
.
.
.
بخصوص الاحترافية في التعامل .. فبصراحة لا أعرف الاستراتيجية التي يقصدها أخي لماذا نتزوج .. ولكن ما أعرفه أن الشخص الذي يتكلم كثيراً في الحوار ويتشعب ويفرّع المواضيع حتى تضيع الفكرة الرئيسية .. فالأفضل معه تقليل الكلام والردود قدر الإمكان .. وعدم مجاراته في تشعيباته بل إعادته إلى صلب الموضوع .. كما فعلتِ في حواركما الذي ذكرتيه في موضوعكِ السابق عندما صمدت لبعض الوقت وصممت أن تحصريه في نقطة (شو مشكلتك مع إخواني؟)

تحتاجين فقط لمزيد من الصبر وطول البال حتى ينتهي الحوار دون أن تنفجري أو تستسلمي.

__________________


اللهم طِيبَ الأثر .. وحُسْنَ الرحيل.

جزاكي الله خير اختي ام سلطان والله يعطيكي العافية على جهدك المبذول بدون تقصير مثل مااتعشمنا فيكي بل اكثر

لي عودة ان شاء الله يااخت سمر

__________________

اهلا مهره ... مشكوره حبيبتي 💓 .. انا الحين متبعه نفس طريقتك ... كل مره يحاول يفتح الموضوع واصده ماتكلم معه .. اقوله مو حابه اتناقش في هالموضوع ... ورجع يتحركش فيني .. الا يبييني افتح الموضوع .. عشان يستفزني واحذف القروب ... بس حامض على بوزه مارح احذفه نهائيا ... وقاعده اسايره .. واعطيه الكلمه الحلوه .. وهو الحين عباله اني ابي بكره اروح عند اهلي .. بس للحين على قراري ماحروح ... والله هالايام حاسه اني داخله معركه 😁 ... صار يعصب سريع امس واليوم ... يقول اني متغيره ... مايدري انه بسببكم 😆 .. بدل ماكنت انا لللي اعصب واكسر اللي قدامي .. صار هو اللي يعصب ويكسر .. رحمته والله .. لاني احس فيه ... بس لازم يذوق اللي اذوقه ... يقول لي لا تتمسحين فيني عشان بكره رايحه بيت اهلك يالمصلحجيه ... وانا ساكته .. ويرجع يقول غريبه ماتقولين ابي اروح ... قلت له حابه اخرج معك الا اذا عندك مانع فهالشي راجع لك .. يقول مافي طلعه من البيت اساسا .. قلت له عادي بجلس ببيتي احلل الايجار .. ويرجع يقول اذا جبتي ولد بسميه على اخوي فلان .. رفع ضغطي اسم اخوه مو حلو وقديم 😭 ... قلت له لا في هذا حنظلمه الاسم مو حلو ابد .. يقول اجل وش تبين تسمينه او على خوااله .. الااا يبيني غصب اتكلم عنهم .. قلت له اذا عرفنا جنسه ذيك الساعه يصير خير ... سحب جوالي ورماه .. كنت متوقعه انه جاب سيرة الاسم عشان ادافع عن اخواني وارجع اتنرفز واعصب واحذف القروب ... صرت حافظته حفظ 😒 ... بصير اقلل الكلام ومادخل بالنقاش مععه ...

مشكوووره حبيبتي مهره 🌷

اخي لماذا شكررااا لك مقدماا ... في الانتظار 😁

__________________
-

فأجبر خَاطري .. بفيّض نعَمك ❤ ....

بارك الله فيج يا سمورة ... شاطرة حبيبتي.

لكن أرجع أذكرج .. لا تحطين في بالج إنه يذوق اللي إنتي ذقتيه .. ولا تتصرفين من باب العقاب أو الانتقام.

اعتبري مثل هالحوار فرصة تضربين عصفورين بحجر .. أولاً يبطل يحط دوبه من دوب إخوانج لين يعترف بالسر الدفين والسبب العظيم اللي يخليه يعمل كل هالهلّيلة على علاقتج بهم .. وثانياً إنج تتغيرين للأحسن وتطورين حواراتكم وترتقين بها عن أسلوب الأطفال مثل ما قلتي في بداية موضوعج.





بخصوض زيارتج لأهلج .. حابة أنبهج لاحتمال خطر على بالي .. وهو إنج حتى لو طوفتي الشهرين ممكن جداً لما تطلبين زيارتهم يقول لج: شفتي؟؟؟؟؟ .. أنا كنت عارف إنج في الموقف كذا والموقف كذا كنتي تتمسحين وتعملين مقدمات عشان تطلبين تروحين لهم .. حتى لو المواقف حصلت من فترة طويلة.

قلت لج هالاحتمال عشان لو سوا جذي فعلاً - لا سمح الله - لا تتفاجئين ولا تطلعين من طورج.

__________________


اللهم طِيبَ الأثر .. وحُسْنَ الرحيل.

حمستيني 😍 .. يعطيك الف عافيه يامهره ... والله ودي اغير من نفسي كثير ... وبرضو هو يتغير .. ونعيش كشخصين ناضجين .. لان فعلا احس حياتنا مثل بزران يلعبون ويتهاوشون على اتفه شي ... وحابه اطنش اي مشكله تافهه يفتعلها .. واترفع عنها ... وودي برضو اعرف وش فيه بينه وبين أخواني ... من قوة ما انا ابي اعرف ... رحت سالت واحد منهم قبل فتره ... يقول لي والله انه نفسيه ...يقعد معنا ويسولف ويضحك .. بس لما تكونين معه ينقلب شخص ثاني ... هذا كلام اخوي الوسطي ... اما زوجي اذا سألته وش بينك وبين اخواني ... ما احس بنفسي الا وأنا ابرر عن اشغالي في البيت او اي موضوع ثاني ! مدري كيف يقدر يتحكم فيني ويقلب المشكله ضدي ... وانا من زود عصبيتي انسى نفسي .. بس الحين الحمدلله قادره اتحكم بنفسي ... اما بخصوص بعد شهرين يجي يقول لي كذا .. صدقيني يابذبحه يابنتحر 😭 ..، بس ان شاء الله وقتها اقدر امسك نفسي .. مشكوووره حبيبتي اخذت من وقتك 🌹💓 ربي يجزاك خير وينولك اللي في بالك 🌹

__________________
-

فأجبر خَاطري .. بفيّض نعَمك ❤ ....

صباح الخير ...
بقولكم وش صار امس وانتوا احكموا ... بصراحه قربت انجن ولا انجلط ... امس سألني الصباح بتروحين عند اهلك ... قلت له لا بجلس معاك ... ماقلت له بطلع معاك ... المهم ... عالمغرب بنتي تصيح ... قلت له طفشانه تبي تطلع ... وهو ساكت وطلع من غير مايطلعنا او حتى عالاقل يجلس معنا ... قلت معليه نتحمل ... وفي الليل تأخر ... قلت له وينك حبي عشان اجهز لك العشا ... قال لي لا تعشي وعشي عيالك ونامي ... اما يمكن أتأخر .. قلت له ليه صاير شي ؟ ... قام ارسل لي صورة هو وعيال اخوانه وعيال اخته .. والله اني شعللت من للقهر بس مسكت نفسي ...قلت له طالعين مع مين ؟ قال كنت طفشان طلعتهم .. قلت له وبنتك ليه ماطلعتها حرام قاعده بروحها ... قال خليها تجلس معك تونسك ... قلت كان طلعتنا جميع ماحيصير شي .. قال والله خفت اشغلك عن إخوانك واهلك .. اجلسي سولفي معهم واستانسي ... ماحب اخرب وناستك ... قلت له اوكي .. وأنا بداخلي بركان من القهر ... ودخلت على القروب وككنت بطلع منها ... وتراجعت ... قلت بنفسي دام بداتي لازم تنتهين بشي يسرك ... بس قمت اصرخ على عيالي ونيمتهم غصب وانا أبكي من القهر ... طلعت حرتي فيهم بالصراخ والعصبيه ... والحمدلله هدأت قبل مايجي ... ولما جا مابينت اني زعلانه ... وكان عادي ..، بس كان مبين اني طالعه من نوبة بكا ... قال لي اووه كنتي تبكين ؟ قالها بسخريه ... قلت مين قال ... بس جاني الم بجنبي وبكيت من الالم ... بس اخذت مسكن وهدأ ... قال اوك السبت آخذك للدكتوره ... قلت له مشكور مايحتاج الحين صرت احسن ... كان ودي اقوله بخلي إخواني يودوني او أروح لأهلي ... بصراحه مليت ... ودي اروح لهم اشتقت لهم .. ودي ارتاح من اللي يسويه عشان احذف القروب .. واحذفه وارتاح ... قلبي ماعاد يتحمل اكثر

__________________
-

فأجبر خَاطري .. بفيّض نعَمك ❤ ....

لا حول ولا قوة إلا بالله.

إنتي فاهمة طبعاً أن هذا كله ضغط عليج.

وبدل ما تفكرين تطلعين من القروب دوري على السبب العظيم اللي يخلي زوجح يتصرف معاج بهالّلآمة!!!

__________________


اللهم طِيبَ الأثر .. وحُسْنَ الرحيل.

ادري يامهره انه يضغط علي ... يبيني احذف القروب .. لاني لما حذفته رجع يتعامل معي طبيعي .. تدرين وش قال لي امس ... رجعي قروبك مع صحباتك واحذفي ذا اللي مالو داعي .. قلت له اهلي اولى من صديقاتي .. وسألته وش فيك ليه ماتبيني اتواصل معهم ... يقول مين قال اني مابيك تتواصلين معهم ... بس انا ماحب تتواصلين معهم ... وفي فرق بين اني مابيك وبين اني ماحب ... لو ما ابي كان اخذت جوالك وطلعتك منها ... او حتى امنعك من الجوال .... بس انا مو حابب جلستك معهم ... وابيك من نفسك تطلعين ... وذا سالته وش السبب يقول من غير سبب .. اقوله مافي شي اسمه من غير سبب اكيد في شي .. قام عصب ويقول شنو يعني عبالك انا غيران منهم ... عبالك انهم احسن مني ومدري شنو .. وقام يسب ويسفل فيهم .. واخر شي قال تبين تروحين لهم روحي مو مانعك ... قلت له ماقلت اني ابي اروح بس احب اعرف وش فيك عليهم ايش اللي ببنك وبينهم عشان ماتبيني اكلمهم حتى خوالي واعمامي صار بينا حواجز بسببك ... قال احسن وش تبين فيهم كلهم مامنهم فايده .، وعقبال اخوانك !!! ... قلت له من جدك حتى اخواني ؟؟ قال لا مو لهالدرجه بس صيري معهم رسميه وانا مابمنعك منهم ... قلت كيف يعني تبيني اصير رسميه اشرح لي ... قال يعني سلام كيف الحال وسلام يد بس ... لا تطيحين الميانه معهم .. لا تضحكين معهم ولا تكثرين سوالف معهم ولا تمزحين معهم !!! قلت له مو من حقك الا إذا قلت لي سبب يقنعني ... قال اوك براحتك اجل تحمليني ...

تنصحيني اكلم ابوه ؟؟
لاني احس مافي فايده معه بخلي الموضوع بيد ابوه وهو بتصرف

__________________
-

فأجبر خَاطري .. بفيّض نعَمك ❤ ....

والله ما أدري يا سمورة.

أنا كنت مأيدة فكرتج إنج تكلمين أبوه لما طرحتيها في موضوعج الأخير .. لكن بصراحة ما أدري كيف ممكن تكون ردة فعل زوجج مع عقله الصغير هذا.


استخيري حبيبتي قبل كل شي.

__________________


اللهم طِيبَ الأثر .. وحُسْنَ الرحيل.

ان شآء الله يامهره تسلمين حبوبه 💓
بعطيه مههله أسبوع وبعدها بستخير ... واللي ربي كاتبه بيصير ... 🌹🌹 شكراا لك 🌹🌹

الحياه صبر 🌹 ... والله اني خايفه من تدخل أبوه ... وادري بتكبر المشكله .. بس ابي احط حد للي يصير .. يمكن توقعك صحيح .. لانه لو اخواني دروا بيموت وقتها ... اكثر من مره يحذرني .. بس انا عطيته كلمه اني مستحيل اقول قدامهم شي .. وانا قد كلمتي ..الله يصبرني بس .. بحاول اعطيه فرصه وان شاء الله ربي يهديه ... شكراا لك 💓

__________________
-

فأجبر خَاطري .. بفيّض نعَمك ❤ ....