المشاركة الأصلية كتبت بواسطة دمعات الروح
مساء الورد الاحمر على غصونه
الموضوع جدا حلوووو تسلمي لي خيووو والله انك جبتيها لازم نكبر عقلنا مليون مرة قد عقلهم علشان نقدر نجاريهم هههههههههههههه واضحكتني مواقف الاخوات انا بخبركم بموقف صار لي هذا كان يامكان في شهر 2 الي فات زوجي نزل لي بلدي حيث انا من بلد وزوجي من بلد ثاني واستأجر لي شقة كالعادة علشان يقضي الويكند معاي وصادف هاليوم يوم مولده قلت يابنية ليش ماتسوين له شي مفاجأة واختكم دمعات ماقصرت صرفته من الشقه وراح عن يازعم يحلق ونزلت انا سيارتي وخذيت كل الاغراض شموع وورد مجفف وشمعدانات ووصيت على الكيكه من قبل بيوم وكتبت عليها كلام حلو رومانسي وفرشت لكم هذيك الطاولة بشرشف اخضر وصفيت كل شي والكيكة ووصلت وانا كشخت حدي ولبست فستان سهرة يعني كل شي ضبط طفيت كل الانوار وولعت الشموع وبينما اولع اخر شمعة على الكيكة فإذا بجرس الباب والباب راح ينفقع ماعليش زوجي عليه حركات دفاشة ومزاح مو طبيعي فتحت الباب انخبل على الجو وعلي كشختي خفت عليه تجيه سكتة قلبية ههههههه واحتفلنا وطفى الشمع وقص الكيكة وفرحااااااان حده الحين قعد على الكرسي وانا جيت جنبه على الارض مثل شهرزاد والجاريات امدحه واقول له احلى الاشعار واحلى الكلام واناظر عيونه انتظر الكلام الحلو مسكينة متفائلة وبلهفة قام يناظر عيوني الا يقول لي تصدقين عندنا ازمة خشوم فوجب التالي : بناخد خشمج وبنوديه فوق عيونج وعيونج وحده قدام بويهج والثانية ورى وشعرج هذا بنلفه بطريقة دائرية وبتصريين مخلوقة فضائية وبنوديج كوكب عطارد والله هذا بالضبط الي قاله في هاللحظة مادري اضحك ولا اعضه بس قلت له شكر ا يابعد قلبي على الرومانسية وقام يضحك وتأسف مني لكن بيني وبينكم كان ودي اخمشه واعضه في اذونه بس عديت السالفة بسلام علشان الحفلة وفرحته وخلصت وملصت ويات الدياية وعنفصت |
المشاركة الأصلية كتبت بواسطة هند ام احمد
والله ان في مواقف ذكروها الاخوات فعلا تموت تضحك وياليت نسوي مسابقه لاضحك موقف ((( حلوه اضحك موقف )))) بصراحه مواقفي عاديه قدام بعض الاخوات بس راح اذكر موقفي الثاني لان ذكرت من قبل واحد الثاني توني ذكرته كان بدايه زواجي او تقريبا السنه الثانيه المهم كنت وقتها ضعيفه حيل وزوجي مقهور على جسمي اصلا موعاجبه الضعف المهم كنا مره بالسياره ما ادري وشو جا على بالي بسوي اغراء داخل السياره ((( والله شيطان وزك ياهند والا الرجال مو عاجبه هالضعف ))) المهم رفعت العبايه من تحت والتنوره الى ارفع شيئ يعني يمكن الى فوق فوق الركبه تدرون وش قال يوم التفت علي قال ((( وليه مطلعه العصاقل ))) انا ..!!! سويت روحي عادي ونزلت التنوره والعبايه شوي شوي وبداخلى ميته قهر مو عليه على عمري ...... |
ولرب نازلة يضيق بها الفتىذرعا وعند الله منها المخرج ضاقت فلما استحكمت حلقاتها فرجت وكان يظنها لا تفرج |
||
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|