اختي انا اروح زياره عند اهلي مثل ما قلت كل فتره لانو ما عندي احد اهناك بس اروح على اساس يومين او اسبوع با الكثير بس عند اي خلاف بيننا يتركني

واحب اقولكم انع اتصل علي واكد الحجز بس الحين ابي اروح وانا متغيره طفشت من وضعي

,
,

أختي أنا أنصحك

بوحي لماتشعرين به من الوحده في ورقة وضعيها في مكان يحبه زوجك

وخليه يقراها

ربما هو غافل عن هذه الشغلة والتنبيه لها ليس عيبا

طبعا مع كلام حب ومدح في أولها

يعني لاتبدين في المشكلة على طول

إجعلي الأسلوب رقيق هادئ حتى يستميل قلب زوجك

,
,

السلام عليكم اختي في الله حاولى ان تستعيذي دائما من الشيطان الرجيم و تكثري من الدعاءفي قيام اليل و تكثري من الطاعات و لا تنسي الاذكار قبل النوم و في الصباح و افتحي صفحه جديده مع زوجك مليئه بالحب و الاحترام و السعاده و الصبر و باذن الله تصلح كل امورك و اعطيه كلام حلو دائما و علميه الحب و الغزل من خلال تصرفاتك معه مثال استعمال جميع الكلمات الحلوه قولي له حبيبي و عمري و تاج راسي و حياتي و اظهري حبك له و اشتياقك و الله ييسر اموركم و يجعل بينكما موده و رحمه و اعلمي يا اخيتي عندما يغضب الزوج فانه يفقد صوابه و يتلفظ بكلمات لا يقصدها فسامحيه و لا تفكري ابدا بالماضي و اسعدي مع زوجك .

السلام عليكم------------الخطأ اللى حضرتك وقعتى فيه هو محاولة فرض رأيك على الزوج والمساواة فى الرأى أحب أفكر سيادتك أن رأى الرجل نهائى فى البيت مش ديكتاتورية وتحكم ولكن قدرة من عند الله (الرجال قوامون على النساء)وحضرتك لايمكن تترك الست بيتها لأى سبب حتى تحافظ على بيتها وتفتقدى الى السكون والطمأنينة والحب والحنان اللى الرجل يجدهم فى بيتهوبعد شقائه وشد أعصابه بالعمل .............والله يهدى الأمور والله الموفقز

مشكلتك يا اختي انك حاطه نفسك ند بند معاااااه يا اختي مايصير هالطريقه
ما عليش اقولك كلميه ما بيقول مدلوقه انت لما تكلميه لاتكون لهجتك عاديه كوني رسميه
ولما ترجعي البيت خلك على نفس الحال

لما تكلميه قوليله عيالك يسالون عنك
وانا ما كنت مجهزه نفسي عندي اغراض ابغاها من الشقه اي حجه
يا اختي خصوصا فتره الزعل لا تبعدي عنه كمثل ما انتي حاقده عليه وطايح من عينك هو بعدنفس الشعور
لا يصير شي كبييير وتتندمي عليه

ام ولدها انا كتبت انه اتصل واكد الحجز وان شاء الله بنروح بعد كم يوم بس ودي ابطريقه اتعامل معاه فيها لما ارجع انا قريت الردود كلها وبرجع اقراها مره ثانيه وثالثاه ورابعه

الله يصلح حالكم ويريح بالكم هاي الشيطان مالقى شي يخليكم تتهاوشون عليه غير الخدم تعوذو من ابليس
صج هو غلطان يوم يقعد يسبج بس انتي كوني افهم منه لاتردين عليه لان الرجال صعب ينسى
وداومي عالاستغفار ترى والله مفعوله قوي والله يسعدكم مع بعض

همسات الله يعطيك العافيه

تبين الواقع والكلام البعيد عن الدلع وتنميق الكلام وزركشة المشاركات بكلام ابعد مايكون عن الواقع ماراح اقول لك اكتبي بورقه ولا اشهقي اذا قال لك شي والا من الكلام اللي يصعب عليكي تطبقينه ...
انا راح اكون قاسي معك بالكلام لكن اهم شي اني صادق باللي أقوله .....
أول شي انتي ذكرتي انه من السهل جداً استثارتك وانك الكلمه تحلليها الف مره والشي هذا كافي لستين الف مشكله يعني انتي اذا شفتيه جاي للبيت متوتر انا متأكد ان هذا الشي يظايقك ويوترك حتى لو قلتي لا اسمحي لي اقول ماهو صح لأني اتكلم عن شي داخلي داخلك انتي من الداخل اذا شفتيه متوتر غصب عنك تحاولي تعملي مشكله معاه لأنك تعتبريه استفزك بتوتره اللي ماهو بيده يعني متوتر او تعبان كافي هذا الشي انه يطلع له 600 مشكله .
الشي الثاني تحللي الكلام اللي يقوله الف مره ومن الالف ما تاخذي الا الشي اللي يوتر ولأجل اثبت لك هذا الشي اسألي نفسك كم مره حصلت بينكم مشكله وتناقشتوا فيها وقلتي ماهو صح انا اقصد كذا ما اقصد اللي انت فهمته وخليكي صادقه مع نفسك قبل تصدقي مع الغير ... وأسألي نفسك كم مره قال أنا ما أقصد كذا وقلتي انتي لا ماهو صح انت قاصد الشي هذا أو قاصد تستفزني .
الشي الثالث اذا تناقشتوا انا متأكد بأنه يادوب يبدا بالكلام وهو يتكلم تقومي تدخلي معاه وتتكلمي بنفس الوقت ولا عندك مشكله تتكلمي لحد ماتخلصي الكلام اللي بتقوليه وتلاقيه يتكلم معك بنفس الوقت لكن مايقدر يقول كل اللي عنده لحد مايقول لك اسكتي واسمعيني للآخر وبإمكانك تتكلمي بعد ما أخلص وشرط انك اذا خلص كلامه تسكتي وتغلي غلي وتحاولي تبينين له انك بارده ولا همك عشان تستفزيه بالشئ هذا ...
اما مايخص شغل البيت وتحاولي تجعليه شماعه تعلقي عليها اعذارك وتجعلينه سبب أو شفيع لتوترك واستفزازك له فأقول لك شغل بيت مافيه الا طفلين ولاشي وأحمدي ربك عليه ... أجل زوجك المسكين وش يقول وش يسوي وهو يطلع من 7 الصبح لـ 7:30 أو 8 بالليل ... هذا ماتعتبريه تعب ... ومفروض هو اللي يتحملك مو انتي اللي تتحمليه أو تتغاظي عنه أو تقولي بعذره تعبان من اللي هو فيه ومفروض اخفف عنه لو بكلمه زينه طيبه مثل الله يعطيك العافيه وكان الله في عونك والله يخليك لنا عارفه ان التعب هذا اللي انت فيه عشاننا عشاني وعشان عيالك عسى الله يوفقك ويقدرني اكون معينه لك واخفف عنك بعض اللي انت فيه ... مهما كان تعبك فأنتي مع أطفالك وفي بيتك ووقتك مهما قلتي مايسمح لك تتابعي تلفزيون والا نت ماراح اصدق كلنا عندنا بيوت وعارفين وبنفس الوقت صابرين وصبرنا يمكن عشان الأطفال اللي مالهم ذنب بإختيار أمهاتهم أو أبائهم .
أدري اني قاسي بالكلام لكن يقولوا الحقيقه أحيان تجرح ...
لكن نصيحة محب شيلي التوتر فالكل يعاني منه ماهو بس انتي وأهم شي يحس بالاحترام حتى لو كنتي متوتره ولا تخلين الهروب منك حفظ للكرامه ومحافظة على الاحترام ....
انتي سبب مشكلتك انتي بنفسك ....
مو شرط كل من كتب مشكلته لازم نكون بصفه اذا حسينا انه غلطان نقول معليش انت غلطان لأن من استشارك دخل في ذمتك ... وعمر بن الخطاب رضي الله عنه : اتاه رجل مفقوعه عينه وجاي يشتكي قال عمر انتظر لحد ما نجيب خصمك ونشوفه وزعلوا الصحابه وقالوا ياعمر مفقوعه عينه وتقول تجيب خصمه وتسمع منه قال هذا مفقوعه عين وحده عنده يمكن الثاني مفقعه عيونه الثنتين ولما جابوه طلع فعلاً عيونه الثنتين طايره ....
نصيحه لوجه الله الانسان خصيم نفسه وانتي قلتي عن نفسك انه سهل استفزازك واثارتك اذا كيف تبين الراحه لأنه يمكن تكوني متوتره من ولدك الصغير ويدخل هو مكشر وتعبان من الكد والشغل وتحطيه تحت المجهر لييييييييييييييييه داخل مكشر وش هو شايف وطبعاً هذا دور ابليس لعنه الله والا تتوقعي ابليس بيقول لك هو مكشر عشانه جاي تعبان مو منك يابنت الحلال ....
اطلت وأتمنى أن أكون وفقت ....
وعلى فكره يمكن تقولين هذا زوجي والا وش عرفه بكثير من الامور اللي قال ... او انه يكون مطلع على وضعنا لكن لاهذي ولا هذي ....

السلام عليكم ورحمة الله وبركاته

حياكِ الله في المنتدى وبإذن الله بتستفيدي الكثيييييير من هذا المنتدى

بصراحة عجبني فيكِ شيء واحد

إنك خبرتينا بقصتك بدون مجاملة وبدون إدعاء المثاليات وكنتِ واضحة تمااااماً وعادلة


وبما إنك عطيتينا قصتك واضحة معناكِ إنك تدورين على الحل

وأكيد أنتِ عارفة إننا هنا أخوة نحب الخير لبعضنا وإن قسونا فهذا من حبنا الخير لبعض


بصراحة بصراحة بصراحة الغلط راكب من ساسك لرأسك وانا حسيت إني عصبت من تصرفاتك معاه

بالله بسألك هل تتصرفي كذا مع صديقتك او أختك او أخوك؟؟؟...أكيد لا.....أجل لازم تعرفي إن زوجك احق باللباقة في التعامل من الناس لإنه جنتك ونارك

ياأختي زوجك فيه ميزة جدا رائعة وهو إنه يفضل التعبير بالكتابة وهذه معناه إنه إنسان حساس بس مايعرف يعبر عن محبته بالتصرفات

وبعدين شيلي من رأسك تمااامااا إن زوجك مايقول كلام حلو لأن طبيعة الرجل يااختي غير طبيعة المرأة

فكري في هذه العبارة تماما وأفهميها وأنتِ بترتاحي (الرجل بنيته وتكوينه تختلف عن المرأة خلقه الله ليتحمل صعاب الحياة التي لاتستطيعها المرأة ولا يهتم بالكلام الجميل ويبين حبه لزوجته بمايقدمه لها من مال وأمان
والمرأة تكوينها مختلف عن الرجل فتكوينها الحنان والصبر والرومانسية لتدلل زوجها وأبنائها)

والكلام الحلو الزوجة تعلمه زوجها حبة حبة وتعوده عليه بالدلع مو بالقوة

بصراحة انا انصحك تفكري الأن بنفسك وتغيري من أسلوب حياتك مع زوجك تماما

لاتخسري زوجك وتنفريه منك وتردي عليه لانه من عصبيتك وإستفزازك له وما تتحملي مزاحه صار يتلفظ عليكِ)

وبصراحة انا استغربت يوم قال لك نجيب شغالة نيوزلندية ....ليش ماتحملتي المزح ليش ماضحكتي بكل صوتك وقلتي ياسلام علشان تخدمني في النهار وتخدمك بالليل؟؟ واضحكي لأنك واثقة إن زوجك إنسان يخاف الله

أنا زوجي كمان أيام ماانتشرت حكاية تزوج الشباب من بوسنيات قال : ايش رأيك اجيبها اتزوجها علشان تخدمك....ضحكت لأني عارفة زوجي فليش أقلبها نكد

وبصراحة ليش تزعلي أنه عرف إنك غيورة بالعكس الغيرة المعقولة تسعد الزوج ويشعر بأنك تحبيه ويفرح إذا أظهرتي غيرتك عليه بدلال وليس بزعل وخصام

وبصراحة زوجك اتزوج علشان يلاقي زوجة رقيقة تسعده وتفرحه بدلالها مو مثل الند ترد عليه كل كلمة وتفكر في كل كلمة ماذا يقصد؟؟وتحاسبه على كل شيء؟؟

أنتِ كذا مو حساسة إنتِ نكدية....لإن المرأة الحساسة ماتحب تزعل غيرها وتراعي مشاعر الغير
وبصراحة عدم وجود خادمة هو اللى يتعب نفسيتك لإن جسمك تعبان فأكيد بتتعب نفسيتك من الشغل ومن نكادة العيال

فلاااااازم تجيبي شغالة بالساعات وتتفرغي لزوجك لإنك أكيد مايجي الليل إلا وأنتِ تعبانة مالك خلق في زوجك

وهو محتاج يلاقي عروس كل يوم بإنتظاره مهما كان عندها عيال علشان كذا لازم ترتاحي علشان تعطي

وقلة المعاشرة تسبب توتر نفسي من الطرفين

وهو ماقصر مسكين حزن عليكِ ويبغى يجيب لك شغالة حتى لو فرنسية مادام انه يخاف الله ليش تخافين وانت تكوني حريصة على بيتك



وحكاية سفرك لاهلك ليش تسافري وأنتوا زعلانيين لاتسافري إلا وهو راض تمااااما

وشوقيه لكم بالرسائل الرومانسية

ومافيها شيء لو قلتي له أحجز لنا لإني مشتاقة لك بالعكس هذا التصرف يسعده الرجل ويحس إنه مرغوب

وإذا ماحس انه مرغوب منك بيعافك

وأهم نقطة لازم تعرفيها مافي كراااامة بين الرجل وزوجته أبداااااا

وإللي مثل زوجك إنسان كريم معناها إنك كل ماتنازلتي كل مايزيد حبك في قلبه أكثر وأكثر






في الختام:
لابد ياأختي أن يجد زوجك عندك السعادة والراحة والضحك والسرور والهناء والكلام اللطيف الطيب وستجدين عندها زوجك كما تحبي وأكثر

دلليه واعملي له ليالي رومانسية وعندك في المنتدى أفكار كثيرة لذلك وعندها ستجدين زوجك خاتم في أصبعك ليس غصب عنه بل لإنه سلم قلبه لكِ راضياً
لا تغضبي يااختي من ردي فوالله ماقصدت إلا الخير

قرري الأن انك ستعودين لزوجك إمرأة أخرى قبل أن توصلي له أرسلي مسج بأنك مشتاقة للطائرة ان تقلع لتصلي لأحضانه

وإذا وصلتي لاتفكري في أي موضوع قديم وأبدأي صفحة جديدة معه منذ وصولك وكأنك عروس
جهزي له في نفس الليلة او التي بعدها ليلة رومانسية

هل تريديه كما تريدين أذا كوني مدللة في كلامك وحركات وحتى في زعلك إزعلي بدلال وغنج

طبقي مااخبرتك به وبشرينا


وإذا ماطبقتيها لا تلومين زوجك لو تزوج عليكِ


وهذا الرابط بيفيدك كثيييييير

http://www.66n.com/forums/showthread.php?t=10204

أم جمانة

__________________