بيتا
شكرا حبيبتي على ردك لي و ربي يستجيب دعاءك
ؤانا ؤالله ماطلبت أكثر من إحساس أنؤ مهتم لي ولو صار ب يطيح كل اللي ب قلبي و كلامك اقنعني و حسيت فيه اعتذار بس كان نفسي أسمع صوته واعرف من نبره إضا ندمان أو لا
بس هو اتجهه للرسائل اللي مأتعطيني حقيقه مشاعر

شقرديه
شكرا ل ردك و مرورك
أتمنى تكون طلعتي من البيت تأديب له مؤ مجرد أنؤ طالعه أغير جو ب نظره أو عشان تتعدل نفسيتي

لكل شيء حد
ؤالله هذا مطلبي أنا نفسي أفهم ليه هو جالس يحاكيني ب المسجات
واتمنى يكون ظني ب محله أنؤ مستحي يكلمني
لكن حركته اليوم اللي ب أذكرها ب نهائه ردي على الجميع بينت لي عكس توقعاتي

رجاء الرحمه
الله يعطيك لين يرضيك

سندريلا الحب
أي تودد و أي كلام اللي تقولين عنه
هي مره وحده بس و ب مسج أرسلها سامحيني
وبعدها كل كلامه كان قاسي و جاف معاي
ماشفت منه تودد
وولله الحمد أنا مأزلت عاقله و متماكسه
لأني حامل ولا أبي تتعب نفسيتي أكثرر
وألا ؤالله لو أحد ثاني ب مكاني ممكن مايعيدها على خير
بس أنا للحين جالسه أتعامل معاه ب عقل
بس ماشفت أي نتيجه

سيده المواقف
ب إذن ربي راح أمشي ب حكيك
بس وينه هو
ليه ماكلمني ولا حاول يشوف ؤش في خاطري

لمني بشوق
مأما ولله الحمد إنسانه عاااقله ومتأمسكه جدددن
وألا لو أم ثانيه ممكن يبان التعب ب عيونها
بس حسستني أنها معاي وقالت لو تبين ترتاحين ببيتنا أيام أنا موقفه معاك
وهي قالت لي ليه ماكلمك وسالتني أعتذر لك قلت لا بس مسج و قلت لها عنه
و لا قالت شيء بس قالت لازم تأدبينه

***
المستجدات

أرسلي مسج العصر
جهزي حمود ب أجي أخذه أنا و أمي ب أؤديه الدكتور
رديت عليه ب مسج قلت متى
قالي على المغرب

جاء و أنا كنت طالعه مع مأما وولدي ب البيت
وفتحت الشغاله وقالت له أني طالعه
وقتها كان جوالي مقفل
ولما رجعت للبيت وحظيته ب الشاحن لقيته متصل 3 مرات و بعد ماجاء أخذ حمود
مؤ قبل يعني مكالمته بس عشان يشوف أنا وين
وخافت مأما أنه يأخذ حمود ؤمايرجعه وكانت بس تحاتيه

ولما جت الساعه 10 اتصل علي كنت جالسه بين أهلي و إزعاج وقمت من عندهم
ورديت عليه
أنا : نعم
هو : وينك
أنا : أمر وش بغيت
هو : وينك فيه و ب نبره حادده
أنا : ليه ؤش تبي مني
هو : لا تعلميني
طوط طوط طوط » قفل ب وجهي طبعا

ؤانا راجعه عند أهلي إلا جوال مأما يدق
ردت مأما
قال وينكم قالت مأما ب البيت
قال وين ب البيت وعصبت مأما قالت ب البيت
قال كلكم
قالت مأما نعم ؤش هالاسئله إقولك ب البيت
قال إذا تبون حمود علموني
قالت مأما يعني ب تخليه عندك
قال لا بس إذا بغيتوا أجيبه قولوا لي
قالت مأما حنا ب البيت إذا تبي تجئبه جبه
دقائق و رن الباب إلا هو جائب ولدي

ؤبسس هذا اللي صار
ب ذمتكم له حق يزعل وحتى المكالمه مايتصل ولا ئبي يسمع صوتي
ليه ؤش غلطت فيه أنا
قسما ب الله أني مازدت ولا كثرت ؤانتوا تقولون تنازلي وروحي للبيت
ليه هو طلب مني أجي للبيت وألا سألني شفيك متضائقه
ورب الكون جالس يحسسني أنؤ إنتي و الجدار واحد
واذا يعني متضائقه ؤش صار مؤ نهائه العالم ب النسبه له
زعلي و ضيقه صدري و يمكن جرحي
ب النسبه له شيء تأأفه و مايشوفه شيء

ي رب ي رب ي رب
طامعه ب رضاااك فقط و الفردوس الإعلى من الجنه لي و ل حبيباتي وكل من رد علي
دعواتكم و نصايحكم

الله يكون بعونك و يرد لك حقك و يجبر بخاطرك
أنا ما أشوف أنك غلطتي بهالموقف
نعم لسة مو باين أنه فاهم ما تفوه به من كلام
فحتى طريقة أعتذار الرجال لم يفعلها
انتظري لحتى ما هو يكلمك و يفتح الموضوع
الكرة الآن بملعبه
فما ذا ستفعلين الأن , هل تتصلين به و تقولين
تعال رجعني
أو هيا أنا كلمتك فاظهر تأسفك بالصوت عششان ارجع

خلاص
الدور دوره

__________________

اختي زوجك غلطااااااااااااان لانه اتهمك بشرفك هذا ما يختلف عليه 2
انا برايي اصبري الين يرسلك مسج فيه مبادرة صلح (مثل المسج حق سامحيني يا ام محمد)
اذا ارسل ردي عليه بمسج (اتصل علي)
اذا دق قوليله الكلام اللي قالته سيدة الموقف وزيدي عليه
انا ام عيالك وزوجتك وحبيبتك
وللاسف زوجتك وحبيبتك وام عيالك طعنت بشرفها من دون وجه حق
هل ترضاها عليا؟؟ (هو اكيد هنا بيقولك لا )
قوليله اذن ردلي اعتباري ,, ردلي اعتباري من اللي طعن في شرفي وبالطريقه اللي انت شايف انك تستحقها وانا استاهلها...


وبس اجلسي وقتها وشوفي كيف بيتصرف.........



في نقطه مهمه ااخختي حبيت انبهك فيها اتمنى تقبليها بصدر رحب
زوجك اختي متضايق من طلعاتك الكثيره ومن كلامك صراحه احسك على طول برى البيت
وحتى لو كنتي 'طالعه مع اهلك وقرايبك امك وخواتك وبنات عمك بس برضه طالما هذا الشيء يزعله اجتنبيه
هو اليوم لما دق العصر ولقاك طاالعه انقهر بزياده ..هو مو قصده انه يحبسك بس خففي من قصة الزواجات وطلعات وسط الاسبووع قدر الامكان..خلي وقت طلعاتك وقت ما هو يكون طالع ورجعتك للبيت قبل ما هو يرجع مو حلوه الزوج قاعد بالبيت وزوجته برى كثييير ازواج ما يقبلوها وشكله هو منهم ومضايق وللاسف مو صريح معاكي وخزن زعله في قلبه الين انفجر عليك وصار يقول كلام ماله داعي من قوة الزعل اللي شايله في قلبه..

__________________

زوجك ذو كبرياء وعظمة

حاسس بغلطة بس صعبانة عليه نفسه يعتذر مباشرة

نصيحتي لك وبما إنك عودتيه على إنك تراضينه مره وثنين وثلاث

أنا هنا أقولك مهدّي له الطريق علشان يعتذر منك واقبلي اعتذاره بأي طريقة قدمها

إذا كنتي تحبينه وهو يحبك وفيه أشياء بحياتك معه حلوه وتشفع له انتبهي على بيتك

وخذي كل اللي تبينه منه بطريقته وزوجك من خلال ردودك يجيبه الاسلوب الحنون الطيب

لا تعاندينه صدقيني تعاندين حياتك معه

أنا ما أقول إنه مو غلطان هو فعلاً غلطان بحقك بس انتي ماشاء الله عليك اخذتي حقك منه

ويكفيك رسايله وحتى مكالماته ولو انها مو بالشي المطلوب بس لا تنسين مثل ماقلتلك كبرياءه وطبعه الصعب

تغير معك وحاول بس انتي صديتيه باسلوبك الجاف

لا تتهورين وعلشان نفسك وراحتك واستقرار بيتك وطفلك سوي اللي قلت لك عليه معه وتعالي له باللطف وراح تشوفين

كيف يعوضك بعد ماتهدأ العاصفة وبيحس بغلطه وبتشوفين ندمه بس رجااااءً لا تعاندين وتعوذي من الشيطان

إلمسداني
شكرا ل ردك حبيبتي
أنا هذا تفكيري مستحيل أروح واكلمه واقوله تعال خذني أو ليه مااعتذرت لي وهو مابين لي بنبره صوته أو ب طريقه كلامه أقسم لك ب ربي حتى كيف الحال مايقولها كاني أنا اللي غلطانه و طاغنته ب شرفه ؤ على قولتك الكره ب ملعبه وللحين مؤ شايفه شيء

كرستالأ
إذا على المسج وانو يتودد لي فيه
هو مسج واحد ماارسله إلا مره وحده ووقتها كنت ب حده الغضبب ومستحيل أقول أي كلمه حتى رد للمسج ماكنت أبي أقوله شيء لأني خفت أزيد ب العيار
فضلت السكوت قلت الين يتعدل و على الأقل يكلمني
وب مناسبه كلامك
أووكي أنا ممكن طلعاتي كثيره بس هاليومين طلعاتي فققط غسان أختي زواجها نهائه هالشهر يوم الأربعاء مؤ ألجأي اللي بعده و إنتي ك أمرءاه عارفه الأشغال اللي تصير
حتى كنت راح انتظره ف البيت بس إذن المغرب وصلوا وهو ماجاء وألا كنت أنا ب أسلم له ولدي
تركته مع الأطفال ب البيت و الشغاله تعطيه
وب خصوص طلعاتي مع قرائبي اقسم لك ب ربي حتى لما جاء يناقشونه أهلي قلت قدام أهلي و قدامه إذا هو إنسان يتنرفز من طلعاتي يمنعني
زوجي إذا الموضوع فيه أهله لو ب أروح للمريخ راضي ولو أرجع الصبح راضي
بس الموضوع فيه أهلي لازم يخررب
وب خصوص جلسته ب البيت
أنا لما أكون عارفه أنه ب البيت أكلمه لما أخلص واقول تعال خذني
بس هو من يومين قائل لي معزوم عند أخوياه
ؤانتي عارفه جلسه الشباب تطول آثارئهم كنسلوا الطلعه والاخ ماقال لي وجلس ب البيت
طيب ؤش ذنبي أنا
حتى ماكنت أعرف


صعبه المنال
شكرا ل ردك حبيبتي
أدري أنه عنده كبرياء
بس الكبرياء هذا ئطلع علي بسس
بس فيه مواضيع تصير بيني و بينه و يعتذر
وحتى لو كنت بعيده أو هو بعيد يتصل و يتأسف و يحاول يلطف الموضوع
بس هالمره عاادي مؤ هأهمه
كأنه ئبي يأدبني على تأخيري ب حساب شرفي
قاعد يحسسني أنه مقتنع ب الكلمه و أن حتى الكلام اللي قاله ل أهلي مجرد تسلييك
أنا حتى لو أهلي كلهم على فراش المرض ممكن مااتجرا و أقول كم كلمه تحرحه
ب تكون مشاعري حساسه و همي أني أتعامل معاه كويس عشان مائزيد تعبي
هذا ؤالله لأفكر لا ب مرض أبوه ولا أي شيء
لحد الآن جالسه إشوف تنفيررر مؤ جالسه إشوفه مهتم
أدري أن تفكيره مأيوصل للطلاق
بس مؤ جالس يسوي شيء
ؤانا مستحيل أنا اللي أحس ب الجرح و أبداها
لازم إشوف منه غ الأقل كم محاوله أنه يتقرب لي و يتودد لي
بس كيذا رافع أيديه من الموضوع


وازيدكم من الشعر بيت
حتى أمس قبل يرجع من المستشفى
رحت بيتي و رتبت كم شغله لأني طالعه و البيت فيه كم شغله مؤ ب مكانها
خفت تدخل أمه و تلقى البيت مكركب
على أنها أشياء لا تذكر بس أنا ماحب تشوف علي شيء
ولا أخذت ب البيت يمكن نص ساعه
ؤشغلت ألفواحه و بخرت البيت و طلعت
اقسم ب الله حتى كلمه يعطيك العافيه أو سؤال بس جئتي البيت أو أي أي أي شيء
حتى لو ي زين البيت مدح ذم أي تعبير مااافي
بس كلمني وجلس يهاوش إنتي وين و قفل

إحساسه و طبعه و أسلوبه معاي كل يوم عن يوم ينفرني منه
مأما قالت لي أن أبوك قال خلها ترتاح ؤكيذا بس ماحدد له أيام
قال خلها ترتاح عندنا كم يوم الين تصفى النفوس
بس حتى لو المفروض بهالأيام يحاول يجذبني له عشان إذا قال يلا البيت أروح بنفس طيبه
بس ؤش أقول
ما أقول غير اللهم أني اسالك رضاك و الفردوس الإعلى من الجنه لي و لكم جميعا ي رببب » مأما تقول إذا مقهوره أو تحسين ب ظلم ادعي ل نفسك و اللي تحبين لأنه وقت استجابه

ان من اكبر النوب قذف المحصنات فهو ليس بالامر الهين ولكن تاخرك الي هذا الوقت خطأ كبير وان كنت لا اعفيه من جزء منه لانه المسئول عن اهل بيته وهو الذي سمح لك ولم يعطي لك ميعاد للرجوع
المهم انتم الاثنين مخطأين ولكني اري خطأه اعظم ولابد ان يستغفرالله منه قبل ان يسترضيك
انت ارجعي الي بيتك وهو اثمه عند الله واصلحي حالك مع زوجك وتأكدي ان الله لا يضيع عنده حق واصبري وسترين ان الله سيعزك

__________________
اللهم اجعل عملي كله صالحا واجعله لوجهك خالصا واجعله عندك متقبلا

غاليتي ... أنا مع هذا الرأي .. أسلوب الضغط والإهمال من جانبكِ سيولد

مشاكل اخـــــــرى .. وطالما أنت على ذمته له الحق بمعرفة أين تخرجيــــــــن .. أصلح الله حالكما وفرج عنكمــــا

__________________

mayooyaaz

شكرا ل ردك
لو هو قالي ارجعي ب وقت معين والله له الحق يوطى راسي
لو هو نزلني ب مكان وفجاءه صرت ب مكان ثاني له الحق يقتلني
لو هو بين لي لا تتاخرين او شي ممكن
بس والله مو اول مرا اتاخر و غالبا الزواجات ماتخلص الا ع الفجر
اذا هو متهم مره و يبيني ارجع للبيت طيب يجي ياخذني ليه جالس ب البيت زي الحريم
والا ينتظرني الين اسوق سياره واتكفل ب كل شي

انا مندهش
ممكن تفهمني ايش اسلوب الضغط اللي فهمته من كلامي
وانا راح ارد عليك ب فهمي انا
اذا قصدك ابغى شي معين يوصل له
قلتها فوق اقل حقوقي اللي هو احساس انه ندمان ماوصل لي
كيف جالسه اضغط عليه انا ماشفت منه شي عشان اقرر و احط براسي نوع معين للاعتذار

وبعدين ماما انا مااخذتها مشورتها
على انها عاقله و اكيد تبي الخير لي ولو اخذت رايها ماراح اضيع
بس انا لو عندي راي من برا كان ماجيت اخذ مشورتكم
لان كثر المشوره و اختلاف الراي ممكن يتوهني
بس انا ماحبيت ادخل ماما ب سالفتي و اتعمق فيها
سوالها لي بسس عشان تتطمن علي و تشوف وش وصلت مع زوجي
والا والله قلتها ببدايه موضوعي
تجيني ايام و مشاكل عظيمه حتى ب شكل وجهي مايبين اني متهاوشه معاه
مو كل شي ادخل اهلي فيه
بس المشكله تحتاج انو اهلي يتدخلون فيها
لو هو عنده اخوات والله مايرضاها لهم خصوصا اذا كانت الطلعه م امه و اخواته
يعني التشكيك مو فيني لحالي ب امي و اخواتي معيي

عيب والله عيب
حتى لما كنت ب البيت واقوله وش تبي اكثر من ان ماما كلمتك و قالت لك انها معاي صار يبتسم قلت يعني
قال يعني اهلك و يبون يسترون عليك
وانا والله ثم والله ثم والله ماجبت ل اهلي هالموضوع ولا قلت انو كلامه كيذا
لان لو جبت كلامه هذا انو اهلك و يبون يسترون عليك ان تصير مشكله اكبرررر
وللان مو شايفه نتيجه و انا مازلت متماسكه وافكر ب عقل
مابعد انجنيت و حطيت عليه شروط وحلفت مااطلع من بيت اهلي الا مسويها كلها

اوراق ملونه
له الحق يعرف اذا كان مهتم فيني
لكن لا اتصال ولا سوال واكلمه اقوله ممكن اطلع او ممكن اروح
لا والله مستحيل
خليه يفكر اول يسالني عن حالي بعدين افكر كيف اشاوره ب طلعتي و دخلتي
وانا ماطلعت مع غريب مع اهلي

برررب

يا بت الحلال.. يعلم الله بأننا نريد لك الخير.. نحن الرجال اقدر على الظلم من المرأة وهذه طبيعة الرجل الشرقي.. ونكره الندية في التعامل ولوي الزراع.. زوجك أخطأ في حقك ونال جزاته ببعدك عنه.. وأعتذر بطريقته وسوف يعتذر أكثر لو تنازلتي ولعنتي الشيطان ورجعتي إلى بيتك.. لا تعقدي المشكلة.. الحياة لن تقيف ستستمر وستواجهين الكثير الكثير من الأمور التي تحتاج إلى صبر وحنكة ودبلوماسية ودهاء المرأة.. صدقيني لو ظهر لي من خلال حديثك بأن زوجك هذا ليس فيه خير لقلت لك خارجي نفسك وليذهب هو إلى الجحيم لكن ما حصل حصل.. كلنا نخطيء والله خالقنا يتوب ويغفر.. فما بالك أنت..
استهدي بالله.. الله يصلحك