يعني لو بحكي عن نومه برآ
قال مافيها شي كل الناس تطلع وتنوم عادي
وأنا ماقصرت بشي
أنا أغير جو من ضغوط العمل والحياة - زوجي عسكري-
ويحلف ويقسم انه مافيه شي غلط
طبعاً لمن أشكك بأسلوب النومة انه متزوج أو فيه شي غلط
لو متزوج يعصب يقول ماعندي في أحد واحط أصبعي بعيون الناس ماعلي منهم
غير انه يقول الله يقطع الحريم من أولهم لآخرهم ماوراهم الا وجع الرأس!
ولو شككت في أخلاقيات المكان قال شايفتني سربوت!
ولو تضايقت من طلعته كل يوم إنها صارت فرض
يعني ماأطالبه يقعد طول اليوم أعوذ بالله
بس قصدي أبي أحس يوم من نفسه يكون مشتاقيكمل الجلسة معنا
يقول أنا معكم طول اليوم!!
أطلع أدخن وأجي
( والله اللي قاهرني كان مدخن من خذته وشيشة بس طلعاته ماهي كثيرة إلا نادرة
وكل تمشياته وروحاته معي بس ال7 سنوات الأخيرة طاح بالإستراحة بعد ماأنكفش كم مره بقهوة يدخن
أستحى ونصحوه اللئيمين يقعد معهم بالأستراحة أستر له ومن بعدها آدمن طلعه!
أصلاً من سكنت بروحي صار أجرأ قبل أهله لهم هيبتهم!)...
لو حاكيته عن أسلوبه وسلوكه حطها فيني اني أعاند
واصلاً دايم يكرر إنا غير متافهمين
وودايم يقول عني وعن الأولاد انتوا شرق واناغرب
الا نقول: ياسلام على كلامك كله درر
والله ماأنسى طب ببطني لمن حاكيته عن برنامج الفايبر انو مجاني لو تحمله
قسم بالله ماخلى ولا بقى وكنا بنشوي قسم بالله أنشويت أنا منه
وذب بالكلام وأنتي حلال وانا حرام مادري متى قلت حرام!
وهول الأمر وخربت الجلسة ويأمني بأسلوب مستفز
ويذب علي بالكلام في شرفي...
وراحت الليلة كلها مشوية من كلامه
وماأنسى وهو مسافر الحج حمل الواتس آب برنامج محادثة للي محفوظة أرقامهم عنده
طبعاً شفت أسمه وعرفت إنه حمله وطارت عيوني صارت مترين
قلت يالله خل نشوف وش يسوي أكيد عرف إني حملته بيهاوشني وشلون وهو محمله!
وكيف حلله الحين وهو قبل 10 ايام هبل فيني
الرجال بعد مرور 24 ساعة أظن عرف معلومة
انو اي أحد عنده البرنامج بيعرف إنك حملت ويمكن عرف سالفته وعرف إني محملته
فوش سوا؟؟
أتصل 12 بالليل يسلم قال أنتي محملة الواتس؟؟
قلت ايه
قال يالله جتك رسالة مني!!
قلت حركااات وانا ودي أقول ايااالنذل الجبان
قال خويي قال حمله نسولف طالما أنت مسافر مانشوفك وبلاش
قلت بخاطري كلام صديقة أقنعه وأنا الضعيفة نكد عيشتي!!
تراني للحين مقهورة ومابينت السالفة عشان ماأبي مشاكل
شفتوا كيف الامور تجي بصالحه لمن يبي
ولمن مايبي أكون أكبر قليلة آدب على وجه الأرض!
قبل شوي وأحنا نتغدى كان يهاوشني لاتقعدين تقولين شي لي قدام العيال هذا اللي كرههم فيني
يشوفنك كذا يقولون مسكينة أمنا ويكرهوني! علماً هو يتكلم وانا لا يبيني اسكت أظن يحسب صوته مشفر!
من أسلوب كلامه حسيته هجومي وأحترت أطلع اليوم والا أخليها يوم ثاني
مع إن بنتي قالت روحي يعني بتنظرينها يروق عز الله ماراح تروحين!
والله احس اتنافض
ماعاد لي خلق لمشاكل ابي أتفاهم وياه مو اطلع معه نشحن زيادة
ببالي أكلمه كإستشاري
بحكي اللي بخاطري كأني احكي عن وجي وهو ماله علاقة
بس زي ماقلت صرت أخاف من اي كلمة حتى لو بحق تهز كياني وتدمر بيتي وتضيع عيالي..
أدري طولت
السموحة..