انا نفس مشكلتك لكن اسوأ شويّة خصوصًا اني بغرفة مشتركة مع اختي وعندي طفل .
بالرغم اني قادرة الحمدلله اخرج شقة لوحدي وأثثها كويّس واجيب عاملة تساعدني لكن رافضه الوالدة تمامًا خروجي الا اذا ارتبطت وخرجت لبيت الزوج الجديد 😂.
انا شايله فكرة الارتباط من راسي لفترة الله اعلم فيها لكن وش يقنع الاهل. الحمدلله على كل حال ،
انعــدام خصوصية و ازعاج و مرات اضطر اكمل شغلي بالبيت والمكان مايصلح للعمل وزيارات اخواتي عادي بكل وقت انام واشتغل على الازعاج . وش اقول وش اخلّي الحمدلله على كل حال ، الله يوسّع علينا يارب ويسخر لنا اهلنا ويسخرنا لهم

يازينك انتي وولدك
الله يهدي الاهل عندهم الزوج هو المنقذ
وتتعطل حياتك ليمن يجي على حصانه الابيض
السعه المكانيه مهمه في جوده الحياه مو تعال واقعد ونام باي مكان
امين امين الله يوسع علينا يارب ويرزقنا من حيث لا نعلم ولا نحتسب

طحت على موضوعك بالصدفه يا مبتعثه!
سبحان الله نفس موضوعي!
مع انه قديم من 3 سنوات
بس نفس الفكره

انا لوني مطلقه زيك يا مبتعثه
والله ثم والله ما اجلس عند اهلي
خلاص بعتبر الطلاق جواز خروج من البيت
كيف عاد الاخت اللي عندها ولد😅
يمين بالله مقعد حتى لو امي مو راضيه
راحتي وراحة ولدي اهم من رضاها
وهذا شي ما يغضب ربي
بس الناس فاهمين رضا الوالدين غلط

بس الحمد لله انك لقيتي حل
ووضع المرأة الحين تحسن كثيييير
الحمد لله

انا والله باقي رادني الفلوس
ابغى اطلع بقوه
ابغاه بيت حلو متوسط الحجم
بحي راقي او شبه راقي
وابغاه ملك مش اجار

ف انا الحين متصبره بغرفتي
الحمد لله عندي غرفة متوسطة الحجم
واثثتها قبل 3 سنوات على ذوقي
وليتك تدرين عن المناحه اللي سوتها لي امي
تقول اني ماخذه اكبر غرفه بالبيت😅
مع انها والله نفس حجم باقي الغرف
ونسيت اخواني اللي كل واحد ماخذ شقه!!
وجلستلي على غرفه وانا وش كبري قربت الخمسين
مستكثره فيه غرفه!!!!!

لا وتخيلي ابويه متوفي من عشرين سنه
للحين ما قسمنا الورث!!!
طيب متى بنستمتع بحقنا في ورثه الوالد؟!!
يستنونا نموت وياخذون حقنا هم وعيالهم؟؟!!!


المهم هي مسألة وقت
واحط النقاط على الحروف باذن الله

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

ماتفرق ياحظي مطلقه او لا
الي بهالعمر يفترض بكل الاحوال مستقلين
قعدت افكر من الي مستقل بمجتمعنا
ثنيتن من قريباتي لكنهم خوات سوى ووحده منهم مطلقه وعيالها كبار
تدرين ان الجيل الي قبلنا كانوا اكثر تفتح تذكرت عجايز عاشوا لوحذه في بيوتهم
المراه بالماضي وحتى ايام البداوه والبر لها استقلاليتها
مجتمعنا عنده تتوقف فعاليات الحياه اذا ماعندك زوج وعيال
البيوت عندنا غاليه موت وانا مابي اطلع بشقه
يمكن انتم ارخص اذا لقيتي فله تمليك بمنطقه حلوه و فيها حديقه اطلعي وروحي وتوسعي
الله يرزقني واشتري بيت يارب مثل ماابي وافضل
او حاطه خيار ثاني مزرعه ابنيها مثل ماابي واخليها مهرب
على طاري الورث ، تذكرت صاحبتي ابوهم متوفي وتصيح على اخوانها وزعوا الورث
ومخلينه على حاله سنين وسنين لان ماكان لهم مصلحه فيه وعاجبهم الوضع
لما تحتاجوا الذكور الفليسات عشان يبنون بيوتهم اقلبوا الدنيا وخلصوا الورث واوراقه في ليله
مجتمعنا ذكوري وامهاتنا بكبرهم ذكوريات
اخذي ورثك قولي ابي نصيبي يمكن هالنصيب ينفعك تشترين بيت
ولا تقولين بطلع قولي ابي بيت ملك وعقار يكون باسمي

الامهات لو عليهم خذوا علينا ايجار هالغرفه
ايه مستكثرين علينا غرفه للاسف
الله يغنينا عنهم وعن غرفتهم

وين عندكم؟؟
كنت احسبك عايشه في السعوديه

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

اقصد مناطق عن مناطق تختلف
الرياض غاليه مره مثلا عن بقيه المناطق

حسب ما اعرف اسعار البيوت عندكم فلكية…
اذا تقدرين على مليون ريال كمقدم..
اشتري بيت لو حجمه صغير وأجريه

ومن الإيجار مع اقساط بسيطة سددي قيمته

بتتدبسين لو شريتي بيت تسكنين فيه اخوانك المتزوجين
مو عيب… لكن الله لا يهينهم يتعذرون بالمجتمع على اساس رجال ومستحيل اختهم تطلع من البيت.. اذا على نفس المنطق شلون يرضون يخلونك تسكنينهم؟؟

للأسف إن السند والقوة بهالدنيا صار المادة

انتبهي من فكرة ان ماعندها عيال ولا رجل ولا التزامات خل تشتري لنا بيت حتى ان كان باسمك
لانك ماراح تقدرين تتصرفين فيه بعدها ومروءتك ماراح تسمح لك تطلعينهم لو هم اغنى منك

__________________

اختلافي عنك لا يعني اختلافي معك

هلا فانيتي
الوضع صعب
اذا اشتريت بيت على قدي واجرته وش الفايده
في عمري الان افكر استمتع واتوسع واعيش حياتي وش فايده الايجار الي بطلعه وبيت ملك باسمي مااسكنه
مؤخرا تدور ببالي خلاص الى متى اتعب واشقى واستثمر واحمع فلوس متى يجي وقت اعيش بهالفلوس
للاسف البيت الصغير الملموم وحتى الشقه مرفوض تسكنين فيها لوحدك عيب وشق جيب على قولتهم
والبيت الكبير حتى لو كان باسمي لازم اخذ قروض واضعط عمري واتسلف واعيش متقشفه عشان اجيب بيت كبير يشيل اهلي واعيش معهم واتوسع
يعني من هنا العادات والتقاليد والاهل
ومن هنا قله الماده اللازمه لفله كبيره تشيل العايله
الله يفرجها من عنده ضاقت ومايحلها الا رب العالمين سبحانه

معادلة صعبة بين بين الاهل والتقاليد وبين قلة المال
الله يعين الجميع

__________________
عروض سفر
شركة للسفر والسياحة
عروض سياحية