والله يا أحبه مثل ماقالوا لك اﻹخوان أعطيه كم قرش بردي حرة كبده،،،ثم اسحبي نفسك حبة حبة من الصرف،،
يمكن هذا حل..أو اشتري له هدية للعيد تملي عينه وتنسيه الجرح اللي تسببتي فيه حبيبتي لما يكون زوجك كويس معك لا تخربي على نفسك حياتك،،،سكري ع المنافذ اللي تزعزع أمن حياتك... ترى اﻷسلوب النياتي والطيبة بهالطريقة بزمننا تسمى سذاجة،،والذكي يعتبر من أخطاء غيره مايجعل من نفسه عبرة للآخرين،،، شوفي يا أحبه مجتمعنا مو مثالي،،لارجالنا ولا نساءنا ملائكة منزهين من الطمع..الكل بلا استثناء يطمع في راتب الموظفة إما بشكل مباشر وقح أو مبطن خفي.. إنت اعكسي الوضع،، مثلا قولي قدام أمك و أخوانك أنا مخصصة لزوجي مبلغ كذا وكذا شهريا أساعده أسدد دينه وإيجاره،، أهلك ماراح يهضمون الوضع وراح يشوفون إنهم هم أحق بمالك...وراح ينسون كل وقفاتك وعطائك مهما بلغ.. أحب أضيف لك شي الرجل قديما هو نفسه الرجل حديثا الفرق بينهم إنه الرجل قديما كان يستحي يطلب من الزوجة الغنية أو الموظفة يستحي ياخذ منها بحكم العادات،،، اﻵن تغير الرجل مع تغير مجريات اﻷحداث والزمان صار يطلب بكل جرأة ويجادل ويحاجج بعين قوية من غير حيا... اجلسي مع نفسك وامتصي غضب زوجك ،، وأنت اﻷبصر منا بالطريقة...ورجعي أوضاعكم واتصرفي بذكاء. |
زوجك ما يستحي أجل حاط عينه على مبلغ بيروح لأرملة وأيتام ومين ياترى ؟ أمك وأخواتك ..! صدق ناس نفوسها دنيئـة لا وبعد يقولك قوليلهم زوجي رافض ههههه صدق اللي اختشوا ماتوا .. إذا أخوانك من وجهة نظره ( لأنهم رجال ) ملزومين في أمك وأخواتك وعيييب عليهم ياخذون من عندك فهو كذلك لأنه ( رجل البيت ) ملزووم فيك وفي بيته من إلى وعييييب عليه يحط عينه على فلوسك ويدور مساعدات من وراك، و لا حلال عليه حرام عليهم !
دام عرفتي معدنـه لا تعلمينه عن الصادر والوارد، وخصصي لأمك مبلغ شهري من راتبك طول ما انتي حية ما ينقطع عنها سواء كانت محتاجة أم لا، أما زوجك ف شكله ما يبين في عينه عشان كذا لا تكبين عليه فلوسك بدون حساب .. كل اللي أعطوا بدون حدووووود ندموا كثر شعر راسهم . تعلمي من تجارب غيرك .. خذي دروس مجانية ! زوجك صاير مثل الطفل المدلل اللي يبي كل شيء له ..! 170 ألف والظاهر إنتي مالك مدة طويلة من تزوجتي !! شوفيه ما جابت فيه نتيجة عند ( أول مطب ) قالك اجمعي أغراضك وروحي لهم ! أعطي لكن العطاء اللي ما يخليك تندمي بعدين . |
زوجك معاه حق اخوتك الذكور هم ملزمين بتوفير المصاريف لوالدتك
بيتك اولى براتبك لسد الحوائج المادية و لرفع الحالة المعيشية الا لو كان اخوتك عاجزين عن توفير الحاجيات الضرورية عندها تعطي من راتبك لاهلك مع الاتفاق مع زوجك اما كلام مثل هذا راتبي و ماله دخل فيه, فهذا كلام بعيد عن الواقع لان راتبه و راتبك الاثنين يجب ان يكونوا في خدمة البيت و الاولاد |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|